مغتربه في ظل اليتم

البارت الاخير

البارت الأخير
بقلمي،،،
زهراء الشمري 🌿

#باچر الله يجازي الگلوب النظيفة
المالها احد يشتريها ..
باچر من تموت الله هوة #اليعوض_بچيها

                 ..................   ...................
ابرار.....تمنيت خالتي بسمه متشيل بس القدر
ميريدني انجمع بيهه البيت مالهم انباع
الشي الوحيد الحلو رقيه قريبه عليه ازوجت بالحله
وخالتي بسمه بدت تتهيأ للنقل
خلصنه بناء وقررنه نشيل ردت اروح اسلم عله بيت
عمي أهل منقذ من باب الأصول مهما يكون هما أجداد ولدي حتى لو گاطعين بيه
اجه حماي مراد يساعدنه بلم الغراض
خويه ان شاء الله بالليل اجي اسلم عله عمتي
والبنات
وهنا الصدمه الي كلشي توقعت بس ماتوقعت يطلع من عمتي مهما يكون انه بنت اخوج
اشو المغرب يخابرني منقذ
الو
منقذ... الو ها حبيبتي
ابرار.... هلو حبيبي الله يساعدك
منقذ.... ويساعدج اكلج راح أگلج شي بس عليج الله لاتظوجين ولاتهتمين
ابرار.... ياستار شصاير گول خوفتني
منقذ.... امي اتكول لاتجي أبرار مااستقبلهه
شلون مااجت تباركلي بخطبة حمودي.
ابرار....طبعآ حمودي حماي لصغير
نصدمت ياربي معقوله توصل بيهم لهاي الدرجه
همه اصلآ ماعزموني لا اني ولا منقذ.
ودزولي عمي قبل الخطبة ب ٣ايام
زين شلون اعوف عمي رجال مقعد بوحده.
وانتو اصلأ ماعازميني
ما اهتميت الهم اجت منهم مو مني ردت اسوي العلي وهمه سدو الباب بوجهي
رحت لبيت السيد خطيه من سمعو بينه
راح نشيل تخبلو العلويه مرت السيد الله يرحمه
شبعت بجي عبالك وحده من اهلي ودعتنه قبل
يومين من شيلتنه وراحت لهلها
العلويه.... خيه ام عباس انه راح اروح لأهلي ماكدر
اشوفكم تشيلون غراظكم والله نشلع گلبي وياكم
اني مااخسرت شي بالعماره بس بيت السيد
لصارولي أهل وعزوه وسند وافظالهم ومواقفهم ماتنسي ولا جميلهم عليه أگدر ارده
غراضي كلهن بعتهن لأن كربله مايدخلون غراض
اجرنه كيه وأخذت بس الفراش مواعين قليله وقنينة
غاز وملابسنه وطلعنه من العماره لمن دخلتهه
ماشفت بيهه بس الضلم والقهر
والذل والأهانه بس الشي الحلو الوحيد هو
منقذ وحبه الي نقذني من واقع مر
نقذني من اهل وابو ظالم وگلبه حجر ماعنده
ذرة حنيه وماشفت منه احساس البنت وابوهه
كلشي ما اذكر منه غير الظرب والاهانه
اختار مرته وانه ذبني بنص الشباب
واجهت انواع المصاعب بس الله مايعوف اليتيم
والله انتقم من ابوي وعاقبه خلاه بلا خلفه
وبحسرة الظنه
بيبيتي الي ظلمت امي خرفت وهسه تحجي وحدهه
وي عالم الاموات
صبيحه الله عاقبهه وخلاهه بلا زواج بس للخدمه
مره اطلگت جانت تشمت بأمي من يظربهه ابوي
وتعيرني بنت المطلگه
دائماً جانت تكلي تاليتج مثل امج تتزوجين وتصير
عدج بنيه وتطلكين وتروحين تكعدين بيت امج
الله عاقبهه وانفصلت عن زوجهه وظاگت لوعة الطلاگ
وحميد النذل  صارن عده تلاث بنات
وشلت وبعدت منهم وهو ماعايفني
يحجي عليه وعله منقذ بس بناته شالعات كلبه
عرمات وكحات ولسانات وبس الله ليستر منهن
وبعده نذل بقت نذاليته حتى وي بناته يتحارش بيهن مثل الحيوان غريزته حتى بناته ماسلمن منه