مغتربه في ظل اليتم

البارت الثالث والعشرون

بقلمي...
زهراء الشمري 🌿
البارت الثالث والعشرون

يادنيا هاج الگـلب وبراحتچ تلفي
وماسكن غير القهر وسط الچــبد تل في
ماريد منك فرح بس ياوكت تلفي
وأرجع وگـل الوكت جاوبني شو مارد
ومارد أگـليبي تره بفراگـهم مارد
يافرح  جيتك عليش من عگـبهم مايرد
وعگـب الغوالي أبد مارايدك تلفي..ـ🥀

                   ................   .................
اطياف من سمعت عمتي تصرخ لزمت گلبي
يمه بنتي اريد اوصل لعمتي ما أگدر
رجليه نشلن يبست حسيت گلبي يريد يوگف
حلگي يبس
وصلت لعمتي ها عمه شبيج ليش تصرخين
عمتيي... ولج زنوبه راحت سوده بوجهي وبوجهج ياعمه
ماحويناهه ما مقسومتلنه بنيتج راحت عمه
أطياف... شعور بس الله والفاقد اعزازه يحس بي
اباوع على بنتي واسولف وي ربي
ليش يا ربي لو ماخذهه من جبتهه كبرت وحلت بعيوني انه وعمتي وصار عمرهه ٣اشهر وتعوفني وتروح والله بعد مابيه حيل
عمتي لطمت صرخت لأن تعلقت بيهه اكثر مني

لازم وحده تغسلهه عمتي ما گدرت لان تخربطت گامت تصرخ ويغمى عليها
خابرنا ع ام اسامه وأم ايمن واجن نسوان شارعنه
سمعن الصريخ
يغسلن بيهه وانه أعاين عليها بس بنضرة
تكسر خاطر  تفطر الحجر النسوان بس يباوعن
عليه وع عمتي ويبجن ع بجيتنا
هنا عمتي خابرت ع عمي
عمتي... الو
ابو خلوق... الو
عمتي....ابو خلوق الحگلي راحت زنوبه راحت بنيتنه راحت فرحة البيت اخ يانار گلبي الما تنطفي
تعال أخذ البنيه ادفنها
ابو خلوق... الى رحمة الله بس انه ما اجي
معليه بيهه انوب ادفن جهال ترديني
خلي ولدج ياخذونها
اطياف... بجيت نقهرت فوگ الظيم عمي حتى ما مهتم عبالك بنت الشارع مو بتهم
تعصبت عمتي وصرخت عليه وضلت تحجي مو
بوعيها من صدمة البنيه اخذها حماي الوسطاني
هو وصاحبه ودفونها يمنه مرقد مال أمام يدفنون الأطفال بيه دفنوها هناك ودفنو روحي وياهه
ضليت اصرخ
خلوق وينك تعال شوف شصار بيه بعدك
الزمن تولاني كلساع مصيبه
وشويه اجه عمي بعد مانسوان راحن
عمتي... ها اجيت هسه أرتاحيت
هل راحت البنيه تنگ ماريد بنيه ولا تخلفن بنات
شوف الله عاقبنه من وراك
جان عمي ماله غرض مامتهم يضحك ولاجنها حفيده
بس اني وعمتي وحده تصبر بلثانيه انه اكسر عليها
وهي تشوفني مكسوره تجبر خاطري بحجيها
مراة فتره تمرضت صار عندي أكتأب وحاله نفسيه صار جسمي يطلع بيه طكاك وموجوعه
يوميه بليل اصرخ وأبجي من الوجع
ويركظون ياخذوني للمستشفى يعلكولي مغذي
وارجع ونفس الألم
اخذتني عمتي للطبيب كال هاي نفسيتها تعبانه كلش كتبلي علاج وعمتي ماتبجي گدامي على خلوق گوه تلزم نفسهه من اطب أسبح لو انام
تروح تختل بغرفه تلزم صورته وتبجي
مرة ايام وأشهر شويه ارتاحت نفسيتي بديت اتأقلم
واستسلم للواقع وأعود نفسي بلا وجود خلوق بحياتي
اجه محرم وگامت عمتي اطلعني وياهه للمجالس
اهم اغير جو وهم اخلص من خنگة البيت ونگ عمي
اجه صفر واجت الاربعين مال الامام الحسين
وبيوم گاعده اوكل حسن  اجتني عمتي
ها شبيج عمه شو مو على بعظج