مغتربه في ظل اليتم

البارت الواحد والثلاثون

البارت الواحد والثلاثون
بقلمي،،،
زهراء الشمري 🌿

كَثيرون مِن يَسألون مَاذا تَعني شَوغة عِراقية
هيَّ دَموع بريئة لا نَسطيع وصَفها
الشَوغة نَشغات الغَروب وحَزن شَاعر،
الشَوغة حَسرات ومَشاعر
الشَوغة عَوز وحِزن كَافر
الشَوغة أهلي، الشَوغة جاري،
الشَوغة ناسي
الشَوغة عَاشگ ما يَودني
الشَوغة مِني، الشَوغة بية،
الشَوغة أخوي الما يَجيني
الشَوغة ڪل هَذا الهَضم
الشَوغة تَنبت بالعَظم
الشَوغة كَل هاي الأبيات الضَعيفة
الشَوغة گصبات الصِريفة
الشَوغة طَابوگ المَگابر،
الشَوغة أصوات المَنابر
الشَوغة مِن تتمنى بـ أوطانَك تَهاجر
         .....................    .....................
ابرار....صاحو اسمنه و دخلنه على الدكتور
والدمعة بعيني احجي وابجي
مهظومه مهمومه كلشي اسود بعيني
دكتور هذا ابني بي هذني لبقع بيده فدوه دكتور وانه گلبي نار ممرود على ابني
الدكتور.... بابا اكيد هسه انتي عبالج بهاگ..
أبرار..... اي والله دكتور ومن البارحه لليوم مانايمه
يامن يصبح الصبح واجيبه الك
وحته البارحه عرضته عله دكتور هيج بالصدفه
وكال هذا بهاگ وسودني.
الدكتور.... بابا هذا مو بهاگ
هذه تصبخات تصير بالطفل
نتيجة الطفل يلعب بالماي هواي ونوب تضربه
  شمس وصايره عنده تصبغات بالجلد
كلشي مابي وهاي صابونه وعصاره أقل الأسبوع
يختفن ولاتخافين كلشي مابي..
يحجي الدكتور واني مامصدكه صدك ابني مابي شي
الف الحمد لله والشكر استجبت لدعائي ومافشلتني طلعت من الدكتور الدنيه ماسايعتني من الفرح
ولو مو عيب جا حتى بست ايد الدكتور

خابرت منقذ وبشرته ابنه مابي بهاگ
فرح وحمد الله وشكر اكثر مني..
التزمت بعلاجه وماخليته يلعب بالماي بعد
جانت سوله بي يلعب بالماي بالطرمه
والطرمه مكشوفة مال بيتنه
الحمد لله اتحسن عله العلاج وكامن يختفن البقع
وفيت نذورتي لنذرتهن لوجه الله تعالى ولهل البيت
الوكفو وياي ومامقصرو دائمآ يوگفولي اهل البيت بكل شده اوگع بيهه انخاهم

مرة فتره حياتي هادئه والحمد لله جهالي بخير
ابني الجبير اتحسن التوحد بده يقل عنده
ورجلي يموت عليه امدللني معتبرني بنته مو زوجته

بهاي الفتره عمي ابو منقذ بده يتعب
وصحته بالنازل ومحتارين بي من طبيب لطيب
طكته ٣جلطات
اخر جلطه نشل وصارة الحاجتين جواه
الولد حتارو بي وسو شفتات الصبح عله واحد
يبدله وسبحه ويدخله للحمام
والعصر واحد منقذ جان حيل يحب ابوه
لان رجال فقير مابي اذيه  يروح عليه باليل
يروح يسبحه ويبدله ويعشي ويقظيله احتياجاته
ويرجع ومراة الصبح من يجي من الدوام هم ينزل
يمر عليه
من اروح اشوف عمي بهذا الوظع ومحد مهتمله من بناته ومرته حيل انقهر علي
عمي جان مامئذيني بحجايه ويحب جهالي
وجان حيل يحب امي ويدافع عنهه
عنده مواقف حلوه وي امي
  من وكع صارت روحه بينه يريد يجي يمنه يبقه