Not Promised

Chapter 16

Matapos kong pakalmahin ang sarili ko sa kwarto, bumaba ako at inaya si Mona na magtiktok. Halatang naweirduhan ito sa naging akto ko, siguro dahil sa nangyari kanina. Iniisip siguro nitong iiyak o magagalit ako pero heto ako ngayon.

“Matigas po talaga ang katawan ko. Saka nahihiya ako. Baka makita nila nanay yan.”

I laughed.

“Ano ka ba, okay lang yan. Saka kokonti pa lang naman yung followers ko.”

Napakamot si Mona. “Ikukuha na lang muna kita ng maiinom.”

“Okay. Salamat Mona.” I saved our draft, ieedit ko yun mamaya. Lalagyan ko ng transition at iba pa.

Ibinalik ko sa pagkakapatong malapit sa bintana ang phone ko saka isinet ang timer bago pinindot ang play button. The music started, I move my body and do the dance steps.

Nakakadalawang subok ako bago ko napansin sa screen ng phone ko na nakatayo pala at nanonood si Kaius sa likod. Gulat na nilingon ko siya. Nakasandal ang balikat nito sa pader habang naka krus ang braso sa dibdib at mariing nakatutok sa akin.

“Love!”

“Anong ginagawa mo?” he questioned me.

I blinked and turn my head to my phone. The recording ended. Kinuha ko iyon at isinave.

“Nagti-tiktok. Nakauwi ka na pala.”

“I've been calling you earlier. You didn't even text back to my messages. Nasa harap mo lang naman ang phone mo.”

“Uh, this...” kinuha ko iyon at alanganing itinaas.

Tinaasan niya ako ng kilay. Naglakad ako palapit sa kaniya at malambing na niyakap ang braso niya. “Nakalimutan kong magreply. Sorry love.” I lied.

Nakatitig lang siya sa akin na tila binabasa ang mukha ko. Mas nilakihan ko ang ngiti ko.

“Kanino ka nakipagkita?”

“Kay Artemis.”

“I told you to wait for me. We were wrapping up that time.”

“Nagmamadali kasi si Artemis. Saka ayokong magkasama kayong dalawa no. Baka mamaya maissue na naman kayo.”

“That will not happen again.” tila siguradong sigurado na sabi nito.

“Ah basta. Mas okay na yung naniniguro lang.”

Nagpunta kaming sala, saktong lumabas naman si Mona bitbit ang dalawang juice mula sa kusina. Ibinaba nito iyon sa mesa at tumalikod. Kaius leaned back and put his head at the armrest. He looks tired.

“You look tired.”

“Yes, I am. You made me exhausted thinking where did you go earlier. Kakaalis ko lang dito saka ka naman dumating.”

Napangiti ako. Lumapit ako sa kaniya at ipinatong ang baba sa balikat niya. “Sorry na nga. Promise magrereply na ako next time.”

Gumalaw ang ulo nito pabaling sa direksyon ko. “Why do you sounds like that?”

“Ha?”

He shook his head. “What did you and Artemis talked about?”

“Wala lang. Nagkumustahan lang kami. Kagagaling niya lang ng new york e.”

Tumango ito.

“Ah! Naalala ko nga pala, kelan mo ako ibibili nung unan? Bumili na rin tayo ng ibang mga gamit dito sa bahay. Let's change the curtains and other things here. Medyo malayo kasi siya sa style ko.”