Unicode...
ရှိုင်းထက်တို့သုံးယောက်စကားပြောနေရင်း မိန်းကလေးတစ်ယောက်၏ခေါ်သံကြောင့်လှည့်ကြည့်မိသည်။
ထိုအခါ ရှိုင်းထက်မှပြောလာလေသည်။
"အာ...ဘရဏီပါလား။မုန့်လာစားကြတာလား?"
ရှိုင်းထက်ကိုနှုတ်ဆက်လာသူသည်မှာကား ဘရဏီကျော်ပင်ဖြစ်ချေတော့သည်။
"ဟုတ်တယ်။shoppingထွက်ရင်းနဲ့ ဗိုက်ဆာလာလို့အပြန်ဝင်စားကြတာ။ဘရဏီ့မှာသူငယ်ချင်းတွေပါလာလို့ သွားတော့မယ်နော်ရှိုင်း။နောက်မှဆက်သွယ်လိုက်မယ်"
"ကောင်းပါပြီဗျာ"
ဘရဏီကျော်သည်လည်း ရှိုင်းထက်၏ဘေးတွင်ထိုင်နေသော လူနှစ်ယောက်ကိုပါ နှုတ်ဆက်လိုက်လေသည်။
"ဒီကအစ်ကိုတို့လည်း သွားခွင့်ပြုပါအုံး"
မင်းဇေနှင့်လပြည့်သည်လည်း ခေါင်းတစ်ချက်သာညိတ်ပြလိုက်လေသည်။ထိုမိန်းကလေးအုပ်စုထွက်သွားတော့မှမင်းဇေက ပြောလာလေသည်။
"နေရာတိုင်းမှာ မင်းနဲ့သိတဲ့မိန်းကလေးတွေကြီးပဲ။တွေ့တဲ့လူတိုင်းနဲ့ ရင်းနှီးနေတော့တာပဲ"
မင်းဇေ၏စကားအား ရှိုင်းထက်မှရယ်မော၍ ပြန်ဖြေလိုက်သည်။
"မင်းတို့သိတယ်မလား။ငါကSKBကြီးဟာကို။
ခုနကဘရဏီနဲ့ကတော့ သူငယ်ချင်းအဆင့်ပဲရှိပါသေးတယ်"
ရှိုင်းထက်၏ သူ့ကိုယ်သူဂုဏ်ယူဝင့်ကြွားစွာလုပ်ပြနေသောမျက်နှာအား မင်းဇေနှင့်လပြည့်မှ စိတ်ပျက်ဖွယ်အကြည့်ဖြင့်ကြည့်လာလေသည်။သူတို့၏အကြည့်ကြောင့် ရှိုင်းထက်သည်လည်းပြန်လည်ချေပမိတော့သည်။
"အမ်...ငါ့ကိုအဲ့လိုမကြည့်နဲ့လေ။ငါပြောတာမှားလို့လား? ငါတို့သုံးယောက်ထဲမှာ ရည်းစားထားဖူးတာဘယ်နှစ်ယောက်များရှိလို့လဲ? ငါတစ်ယောက်ပဲရှိတာကို မင်းတို့နှစ်ယောက်ကဖြင့် တစ်ယောက်မှတောင်မရှိဘဲနဲ့"
"မင်းတို့တကယ် ဘဝကြီးကိုဒီအတိုင်းကြီး ဖြတ်သန်းကြတော့မလို့လား? မင်းတို့ဘဝကြီးက ပျင်းဖို့ကောင်းလိုက်တာကွာ။ငယ်ရွယ်တုန်း အပျော်လေးဘာလေးရှာသင့်တယ် ငါ့လိုပေါ့"
YOU ARE READING
ကမ္ဘာမြေအဆုံးထိ....♥(ကမာၻေျမအဆုံးထိ....♥)《Completed》
Romanceဇွဲလပြည့်ဆိုသောလူသားလေးနှင့် သူ၏မောင်ဆိုသောကောင်ငယ်လေးတို့၏ချစ်ခြင်းမေတ္တာအကြောင်းရေးဖွဲ့ထားသည့် ဝတ္ထုလေးတစ်ပုဒ်..... ｢First Creation 🌼｣ Start Date-17.6.2021 End Date -2.9.2021 ****************************** ၿဇဲလ်ပည္႕ဆိုေသာလူသားေလးႏြင္႕ သူ၏ေမာငၧိဳေ...
