Unicode...
မင်းဇေ တစ်ဖက်လူပြောသည့်လိပ်စာအတိုင်း ဆေးရုံသို့လိုက်လာခဲ့သည်။ဆေးရုံသို့ရောက်အခါ counterတွင်သူလာရှာသည့်လူ၏နာမည်ကိုပြောပြီး အခန်းနံပါတ်ကိုမေးလိုက်သည်။ထို့နောက် ထိုအခန်းရှိရာသို့အပြေးထွက်သွားမိလေသည်။
အခန်းထဲသို့ရောက်သောအခါ ကုတင်ပေါ်တွင် လက်တစ်ဖက်နှင့်ခြေထောက်တစ်ဖက်အား ပတ်တီးစည်းထားသောလူတစ်ယောက်သည် သူဝင်လာတာမြင်သောအခါ သူ့အားရယ်ပြ၍နှုတ်ဆက်လာလေသည်။မင်းဇေသည်လည်း ထိုလူအားဒေါသထွက်နေပေမယ့်လည်း စိုးရိမ်ပူပန်မှုတို့ပါဝင်နေသည့်လေသံနှင့် အော်ဟစ်လိုက်လေသည်။
"မင်းဘယ်လိုတောင်နမော်နမဲ့ နိုင်လိုက်လဲ ဟမ်!ငါဘယ်လောက် စိုးရိမ်သွားလဲမင်းသိရဲ့လား?!!"
ကုတင်ပေါ်ကလူသည်ကား ရှိုင်းထက်ပင်ဖြစ်ချေတော့သည်။
ရှိုင်းထက် မင်းဇေ၏ဒေါသစကားကြောင့် အနည်းငယ်အံ့သြသွားရသည်။
"အာ..ဘာမှမဖြစ်ပါဘူး ဘာမှမဖြစ်ပါဘူး။အပေါ်ယံလောက်ပဲထိသွားတာပါ"
မင်းဇေ ဒဏ်ရာတွေကိုအပေါ်ယံလောက်ပဲရလာတာပါဟုပြောလာသောရှိုင်းထက်အား စူးစိုက်ကြည့်ကာပြန်ပြောလိုက်သည်။
"အပေါ်ယံလောက်ပဲ..ဟုတ်လား။လက်တစ်ဖက်နဲ့ခြေထောက်တစ်ဖက်ကျိုးတာတောင် အပေါ်ယံလောက်လောက်ပဲလို့..မင်းပြောသေးတယ်!"
"မင်းအဖေရော သိပြီလား?"
ထိုစကားကြောင့် ရှိုင်းထက်ပြောမိသည်။
"မင်း..ငါ့အဖေကိုသွားမပြောနဲ့နော်။အဖေသိရင်သတ်မှာကွ။ငါဒီလိုဖြစ်တာဘယ်သူမှ မသိသေးဘူး။လပြည့်တောင်မသိသေးဘူး..မင်းတစ်ယောက်ပဲသိတာ"
ထိုအခါမင်းဇေလည်းသက်ပြင်းတစ်ချက်ချ၍ ရှိုင်းထက်ကုတင်ဘေးကခုံတွင်ဝင်ထိုင်လိုက်လေသည်။
"အဲ့တော့...ပြောပါအုံး ကားကဘယ်လိုမှောက်သွားရတာလဲ?"
မင်းဇေ၏အမေးစကားအား ရှိုင်းထက်မှပြန်ဖြေလိုက်သည်။
"ကားမှောက်တာရယ်လို့တော့ မဟုတ်ပါဘူး။ကားတိုက်မှုဖြစ်တာပါ"
YOU ARE READING
ကမ္ဘာမြေအဆုံးထိ....♥(ကမာၻေျမအဆုံးထိ....♥)《Completed》
Romanceဇွဲလပြည့်ဆိုသောလူသားလေးနှင့် သူ၏မောင်ဆိုသောကောင်ငယ်လေးတို့၏ချစ်ခြင်းမေတ္တာအကြောင်းရေးဖွဲ့ထားသည့် ဝတ္ထုလေးတစ်ပုဒ်..... ｢First Creation 🌼｣ Start Date-17.6.2021 End Date -2.9.2021 ****************************** ၿဇဲလ်ပည္႕ဆိုေသာလူသားေလးႏြင္႕ သူ၏ေမာငၧိဳေ...
