Unicode....
"အား !!...နာလိုက်တာ ဖြည်းဖြည်းလုပ်ပါဟ"
"မင်းက...သေချာမှမနေဘဲ။ဘယ်လိုဖြစ်လို့...လှုပ်ရွနေတာလဲ?"
"ခဏလေး..ခဏလေး..ဒီမှာကြပ်နေပြီ"
"လက်ကိုဖြည်းဖြည်းမြှောက်လိုက်.."
ထိုအသံတွေကတော့ မင်းဇေ ရှိုင်းထက်အားအင်္ကျီလဲပေးနေခြင်းဖြစ်လေသည်။
ဒီနေ့ရှိုင်းထက်ဆေးရုံဆင်းသည့်နေ့ပင်။ဆေးရုံတွင်တစ်ပတ်လောက်နေလိုက်ရသည်။သူဆေးရုံတက်နေသည့်ဒုတိယနေ့တွင် လပြည့်ရောက်လာခဲ့လေသည်။
'အမလေးသူ့ကို..ဆုံးမသြဝါဒခြွေနေလိုက်တာများ..မနည်းကိုပြန်လွှတ်လိုက်ရတယ်..'
ဆေးရုံဆင်းပေမယ့်လည်း ကျောက်ပတ်တီးကတော့မဖြည်ရသေးပေ။ထို့အတွက် သူ့မှာအိမ်သို့ပြန်လို့မရသေးသည့်အတွက် မင်းဇေကွန်ဒိုတွင်လိုက်နေရန် ထိုလူ့အားအပူကပ်ရလေသည်။သူ့ရဲ့အမြဲတမ်း ဟိုသွားလည်းအပူကပ်ဒါလုပ်လဲအပူကပ်နေတဲ့စကားကြောင့် မင်းဇေတစ်ယောက်နားငြီးမခံနိုင်တော့၍ လက်ခံလိုက်ရလေသည်။
"သွားလို့ရပြီလား?"
သူ့အားအင်္ကျီလဲပေးပြီးနောက် ပစ္စည်းတွေသိမ်းနေသောမင်းဇေအားကြည့်၍မေးလိုက်ခြင်းဖြစ်လေသည်။
"အင်း...သွားမယ် ဝှီးချဲပေါ်ထိုင်လိုက်"
"ဟာ...ဝှီးချဲပေါ်မထိုင်ချင်တော့ပါဘူး။တစ်ပတ်လုံးလုံးထိုင်ထားရတာ..မင်းငါ့ကိုတွဲလိုက်လေ"
"မင်း..စကားတော်တော်များတာပဲ..။ကျောက်ပတ်တီးကြီးနဲ့ကို ထော့ကျိုးထော့ကျိုးသွားမလို့လား။မရှည်နဲ့တက်..!"
မင်းဇေ၏ စိတ်မရှည်စွာပြောလာသောစကားကြောင့် ရှိုင်းထက်ရှုံ့တွတွနှင့်ပြန်ဖြေမိသည်။
"ဟုတ်ပါပြီ ဟုတ်ပါပြီ။မင်းကလည်း ငါ့ဆိုအမြဲဒေါသကြီးပဲ.."
ထိုနှင့်သူတို့နှစ်ယောက် counterတွင်ဆေးရုံစရိတ်အားရှင်းပြီး မင်းဇေကွန်ဒိုသို့ပြန်လာခဲ့ကြလေသည်။
********************
ဟိန်းထက်အတွက် ဒီနေ့ကပန်းဆိုင်တွင်ပထမဆုံးအလုပ်ဆင်းသည့်နေ့ပင်။အရင်အပတ်က လပြည့်၏သူငယ်ချင်းဆေးရုံတက်သည့်အတွက် ဆိုင်ပိတ်ထားရ၍သူမသွားဖြစ်ပေ။ယခုနေ့ပိတ်ရက်မှသူစ၍အလုပ်ဆင်းရခြင်းဖြစ်လေသည်။ခါတိုင်းနှင့်မတူ ဒီနေ့အလွန်ပျော်ရွှင်မိနေလေသည်။
YOU ARE READING
ကမ္ဘာမြေအဆုံးထိ....♥(ကမာၻေျမအဆုံးထိ....♥)《Completed》
Romanceဇွဲလပြည့်ဆိုသောလူသားလေးနှင့် သူ၏မောင်ဆိုသောကောင်ငယ်လေးတို့၏ချစ်ခြင်းမေတ္တာအကြောင်းရေးဖွဲ့ထားသည့် ဝတ္ထုလေးတစ်ပုဒ်..... ｢First Creation 🌼｣ Start Date-17.6.2021 End Date -2.9.2021 ****************************** ၿဇဲလ်ပည္႕ဆိုေသာလူသားေလးႏြင္႕ သူ၏ေမာငၧိဳေ...
