Unicode....
လပြည့် ဒီနေ့ဆိုင်ထဲမှာorderအတွက်လုပ်နေရင်း ဆိုင်ထဲလူဝင်လာလို့လှည့်ကြည့်လိုက်သည့်အခါ ထိုကောင်လေးဖြစ်နေ၍သူ့မှာအံ့သြသွားရသည်။ဒီတစ်ခါတော့ထိုကောင်လေးက ပြုံးရွှင်နေသောမျက်နှာနှင့်လာခြင်းပင်။
ထိုကောင်လေးနှင့်စကားအနည်းငယ်ပြောနေရင်း သူပန်းမှာနေကြကားလေးက ဆိုင်ကိုဆိုက်ရောက်သည့်အတွက် သူ့မှာထိုကောင်လေးကိုခဏစောင့်ရန်ပြောရလေသည်။ပြီးတော့သူပြန်ဝင်လာပြီးနောက် သူတို့နှစ်ယောက်သူ့အလုပ်အကြောင်းပြောဖြစ်ကြလေသည်။ထိုအခါသူလူငှားဖို့စဥ်းစားထားကြောင်းပြောမိတော့ ထိုကောင်လေးမှသူလာလုပ်၍ရမလားဟုမေးလာလေသည်။
"အစ်ကို ကျွန်တော်လာလုပ်လို့ရမလားလို့"
လပြည့်ဘက်မှတိတ်ဆိတ်နေကြောင်းမြင်လိုက်ရသည့်အခါ ဟိန်းထက်ထပ်ကြိုးစား၍ပြောမိသည်။
"ဟို..ကျွန်တော်က တက္ကသိုလ်တက်နေတာဆိုတော့ အပိုဝင်ငွေလေးရအောင်လို့ပါ။ပြီးတော့ အစ်ကို့အတွက်လဲအဆင်ပြေသွားတာပေါ့။"
ဟိန်းထက်၏အပြောအား လပြည့်စဥ်းစားမိလေသည်။ထိုကောင်လေးပြောသလိုပင် သူ့အတွက်လဲအကူရသလို ထိုကောင်လေးအတွက်လဲအပိုဝင်ငွေရပေမည်။ထို့အတွက်လပြည့်လက်ခံလိုက်သည်။
"ဒါဆိုလဲ ကောင်းပြီလေ။ငါမင်းကို ခန့်လိုက်မယ်။"
လပြည့်၏ပြောစကားကြောင့် ဟိန်းထက်အလွန်ပျော်ရွှင်မိသွားသည်။
"အစ်ကို...အစ်ကိုတကယ်ပြောတာနော်"
"အင်း..တကယ်ပြောတာပေါ့"
လပြည့်ထိုကောင်လေးအား ပြန်လည်ဖြေကြားရင်းစိတ်ထဲ၌တွေးမိလေသည်။
ဘယ်လိုကောင်လေးတုန်းဟ ဒါလေးခွင့်ပြုလိုက်တာကို ဒီလောက်တောင်ပျော်နေတယ် တကယ်ကလေးလိုပဲ.....
"အဲ့တော့ အချိန်တွေပြောရအုံးမယ်။ဆိုင်က မနက်ဆို၈နာရီကနေ ၁၁ခွဲထိဖွင့်တယ်၊ညနေဆို၃နာရီကနေ ၆ခွဲထိဖွင့်တယ်။မင်းဘယ်အချိန်တွေအားတာလဲ?"
"ကျွန်တော်ကကျောင်းတစ်ဖက်နဲ့ဆိုတော့ ဖွင့်ရက်တွေမှာအားတဲ့အချိန်လာပေးပါမယ်။ပိတ်ရက်၂ရက်လုံးကိုတော့ ကျွန်တော်ဆိုင်ထိုင်ပေးမှာပဲနေမှာပါ။အဲ့တာ...အစ်ကို့အတွက်အဆင်ပြေပါ့မလား?"
YOU ARE READING
ကမ္ဘာမြေအဆုံးထိ....♥(ကမာၻေျမအဆုံးထိ....♥)《Completed》
Romanceဇွဲလပြည့်ဆိုသောလူသားလေးနှင့် သူ၏မောင်ဆိုသောကောင်ငယ်လေးတို့၏ချစ်ခြင်းမေတ္တာအကြောင်းရေးဖွဲ့ထားသည့် ဝတ္ထုလေးတစ်ပုဒ်..... ｢First Creation 🌼｣ Start Date-17.6.2021 End Date -2.9.2021 ****************************** ၿဇဲလ်ပည္႕ဆိုေသာလူသားေလးႏြင္႕ သူ၏ေမာငၧိဳေ...
