Unicode....
*A little warning *
မနက်မိုးလင်းသောအခါ သူတို့အပြင်သွားရန်ပြင်ဆင်ကြသည်။
လပြည့်ရေချိုးခန်းထဲကထွက်လာလာချင်းမောင်ရှိရာသို့လျှောက်လှမ်းသွားမိသည်။မောင်ကသူလာတာမြင်တော့ တစ်စုံတစ်ခုအားဖွက်လိုက်သည်ကိုသူမြင်လိုက်သည်။ဖွက်လိုက်သည်ဆိုကတည်းက သူ့အားမမြင်စေချင်သည်မို့သူလည်းမေးမနေတော့ပါ။
ထို့နှင့်သူတို့နှစ်ယောက်ကမ်းခြေစတိုင်မိုးပြာရောင်ရှပ်အင်္ကျီလေးဆင်တူဝတ်ဆင်ကာ breakfastစားရန်ထွက်လာခဲ့သည်။
စားသောက်ပြီးတော့ကမ်းခြေတစ်လျှောက်နှစ်ယောက်အတူလမ်းလျှောက်မိကြသည်။
အကုန်လုံးကအပန်းဖြေရန်လာကြမို့ မြင်မြင်သမျှလူတိုင်း၏မျက်နှာထက်တွင် ပျော်ရွှင်မှုကိုယ်စီနှင့်ပင်။ထို့နှင့်သူတို့နှစ်ယောက် ကျောက်ဆောင်များရှိရာဘက်ခြမ်းသို့လာခဲ့ပြီး ကျောက်ဆောင်တစ်ခုတွင်ထိုင်ကြလေသည်။
မောင့်ပုခုံးအားခေါင်းလေးမှီပြီးဆိုမိသည်။
"မထင်ထားခဲ့ဘူး...စစတွေ့ခြင်းတုန်းကခပ်နွမ်းနွမ်းပုံစံလေးနဲ့ပန်းလာဝယ်တဲ့ကောင်လေး၊မိုးရေထဲမှာအအေးမိမှာစိုးလို့ထီးပေးခဲ့တဲ့ကောင်လေးက..အခုလို ငါရဲ့မောင်လို့ခေါ်တွင်ရတဲ့ငါ့ကောင်လေးဖြစ်လာမယ်လို့"
"မောင်ကတော့ထင်ထားခဲ့တယ်...။ပြည့်ကမောင့်ကောင်လေးဖြစ်လာမယ်လို့"
ထိုစကားကြောင့် လပြည့်ခပ်ဖွဖွရယ်မိသည်။
"မောင်က အပိုင်ကိုတွက်ထားတာလား"
"အပိုင်တွက်တာမဟုတ်ပါဘူး..။ယုံကြည်ထားတာပါ"
"ထားပါ။ဘာပဲဖြစ်ဖြစ်..အခုမောင့်ကောင်လေးဖြစ်လာပြီပဲလေ"
ဟိန်းထက် လပြည့်ခေါင်းလေးအားနမ်းရှိုက်လိုက်ရင်းဆိုမိသည်။
"မောင်တို့ ခရုခွံလေးတွေကောက်ကြမလား"
"ခရုခွံလား?"
"အင်း...။မောင်ငယ်ငယ်တုန်းက ဒီကိုမိဘတွေနဲ့တစ်ခါလာဖူးတယ်။ပြီးတော့မောင်ကကမ်းခြေမှာခရုခွံလေးတွေကောက်ရတာကိုသဘောကျတယ်"
ESTÁS LEYENDO
ကမ္ဘာမြေအဆုံးထိ....♥(ကမာၻေျမအဆုံးထိ....♥)《Completed》
Romanceဇွဲလပြည့်ဆိုသောလူသားလေးနှင့် သူ၏မောင်ဆိုသောကောင်ငယ်လေးတို့၏ချစ်ခြင်းမေတ္တာအကြောင်းရေးဖွဲ့ထားသည့် ဝတ္ထုလေးတစ်ပုဒ်..... ｢First Creation 🌼｣ Start Date-17.6.2021 End Date -2.9.2021 ****************************** ၿဇဲလ်ပည္႕ဆိုေသာလူသားေလးႏြင္႕ သူ၏ေမာငၧိဳေ...
