مجنونة قلبى ♥️

البارت الثاني و العشرين

عندما تواجهك مصاعب كثيرة يجب أن تتحلى وقتها بالصبر فذلك سيكون المفتاح ولا تجلس تندب حظك و تقول ''لماذا'' ''لماذا انا '' فذلك يمكن أن يجعلك تخسر بهذا الاختبار الذي أن تحليت بذلك المفتاح به سيحولك من خاسر لرابح ...
فتحلى بالصبر دائما ف الله دائما يخبأ لك الافضل ....
                                Smile ☺️♥️   
في صباح يوم جديد صباح يحمل معه كثير من المفاجآت التي يمكن أن تحمل معاها الحظ الجيد لابطالنا أو ستكون لها نتيجة عكسية من وجهة نظر بطالاتنا و هذا ما سنعلمه جميعا .....
  انتهي اليوم الدراسي للفتيات و اتجهوا للتدريب و الذي يحمل معه اشياء كثيرة
في مستشفيات الفهد...
ادم : هتبدأوا النهاردة التدريب يا بنات بس في حد كمان هينضم ليكوا في التدريب
روان : مش عارفه الواحد حاسس إنه مش مرتاح ليه
امنية و هي تنغزها في كتفها: يا بنتي حرام عليكي بقى و الله الواحد حاسس انك هتودينا في داهيه
ميرنا : حاسس ايه بس هي فعلا هتودينا في داهيه ده لو منكرشناش النهاردة
ادم و هو يحاول كبت ضحكاته و يهمس : ده لو انا الي منكرشتش النهاردة حسرة عليا
فجأة قاطعهم دخول سامر : معلش اصلي مكنتش اعرف المكان
روان: احيه مش قولتلكم ادينا يا هنلبس يا بنلبس انا مش مرتاحة
امنية : هو تفاؤلك ده الي مودينا في داهيه
ميرنا : لا بس بجد اكيد في حاجة غلط البت دي عندها حق
روان : تشكر يا اسطا ربنا يكرمك
ادم بهمس : و الله شكل الشغلانة دي مش هتنفع ثم التفت ل سامر الذي كان يتابعهم و نظر له بشك ثم قال : متتكررش تاني يا اما همنعك من التدريب هنا
سامر : معلش انا اسف متقلقش مش هتتكرر تاني
ادم وهو ينظر لهم جميعا : المهم دلوقتي انتم هتبقوا في فريقي و تحت عيني و تقدروا دلوقتي تشوفوا المستشفي مع الدكاترة عقبال ما اخلص العملية
الكل : تمام يا دكتور شكرا
ابتسم ثم رحل بهدوء و هو يقول بحسرة : اما اشوف يا فهد هخلص من تحت ايدك إزاي
بينما هم واقفين خلفه ..
روان : هنروح فين بقى
فجأة قاطع حديثهم تدخل بعض الدكاترة كانت من ضمنهم فتاة يبدو عليها الطيبة
الدكتورة و هي تصافحهم بابتسامة: انا رقية هبقي معاكم علي طول و دول دكتور محمد جوزي و دكتور مهند و دكتور محمود
روان و هي تصافحها بابتسامة أبرزت غمازاتها : انا روان و دول امنية و ميرنا
صافحتهم و كانوا يبتسمون لها و قد ارتاحوا لها
و قام محمد بمصافحة سامر الذي قال : و انا دكتور سامر
كان ينظر ل روان ببعض الضيق بينما في الخلف
مهند : شكلي هتجوز النهاردة
محمود: و انا كمان بص احنا نقولهم النهاردة
مهند : خير البر عاجله بس هو سامر ده بيبص ل روان كده ليه
محمود : مش عارف ممكن يكون ناوي يعمل زينا برده
مهند : طيب هنقول ايه
محمد : انتم بتهببوا ايه مش يلا بينا
محمود: هنبقى نحكيلك كمان شوية
رقية : يلا تعالوا نعرفكم كل حاجة عن المستشفى

بينما في شركة مراد كانت تقف كلا من نور و يمني امامه ...
مراد : انتم الاتنين هتكونوا معايا بس في حاجة لازم تعرفوها كل خطوة تخطوها لازم تبقى ب علمي بمعني انا خليتك يا نور المساعدة بتاعتي و انتي يا يمني النهاردة هيكون في شوية تصاميم عايزك انتي و نور تعملوها للمكان الي هوريهولكم مفهوم
يمني : تمام بس معلش ده النهاردة اول يوم لسه و ...
مراد بمقاطعة: عارف بس انا عجبني شغلكم و واثق فيكوا و بعدين انا هبقى معاكم في كل حاجة و التصاميم دي انا هبقى معاكوا فيها و هنختار منها سوا تقدروا دلوقتي تروحوا لكن استني يا نور عايز اقولك حاجة
يمني : خلاص يا نور انا هستناكي بره ...و بالفعل غادرت
نور : نعم حضرتك عايز ايه و بعدين مش كفاية الي حصل ولا ايه و بعدين ابقى المساعدة بتاعتك بتاع ايه
مراد : مزاجي كده في حاجة و بعدين انتي الي غلطانة قولتلك متخليش حد يكلمك ولا لا
نور : و انا مالي و بعدين هو كان بيسالني علي المحاضرة
فلاش باااك....
كانت نور تدون الملاحظات و النقاط المهمة ثم انتهت المحاضرة و همت بالذهاب ...
الشاب : لو سمحتي كنت عايز اصور ورق المحاضرة
نور بجدية: اممم تمام حضرتك اتفضل
فجأة تدخل مراد قائلا : و انت متكتبش زيها ليه و بعدين اشمعنا هي انت كنت من امبارح و انت عايز حاجة و انا متابعك
الشاب بتوتر: لا ابدا يا دكتور اصل هي من المتفوقين و انا فاتني كتير فكنت عايز اطلب منها من امبارح بس
مراد : هات الفون و افتح الكاميرا
بدأ مراد بتصوير الدفتر حتي انتهي
مراد بجدية : اظن ان الصور واضحة و ياريت متتكررش تاني اتفضل يلا
نور بعد رحيل الشاب : ممكن افهم انت مالك و مالي
مراد ببرود : مش مهم اتفضلي يلا علشان متتاخريش علي أول يوم تدريب  ثم تابع بغضب و بعدين الكلمة الي اقولها المفروض تتنفذ ..ثم ذهب
باااك ....
نور : و بعدين انا نفسي افهم انت اتنرفزت عليا ليه و ليه لازم اسمع كلامك
مراد : كل حاجة هتعرفيها في معاد يلا روحي شوفي التصاميم

بينما عند لؤي كان يتحدث مع سعاد....
لؤي بخبث : اما انا محضرلك مفاجأة مقولكيش
سعاد : مش عارفه بس حاسه انها مش هتعجبنى
لؤي : كده عيب عليكي طيب هقولك المفاجأة هي انك هتبقي المساعدة بتاعتي هتبقى معايا في كل حاجة... حلوة المفاجأة مش كده
سعاد بهمس وصل له : احيه انا مش مرتحاله ثم تابعت : و بعدين المفروض يبقي ليا خبرة و كده
لؤي : لا لا متستقليش بنفسك و بعدين انا هعلمك كل حاجة
سعاد و هي تبلع ريقها : يا عيني عليا شاكله ناويلي علي نية زفت
لؤي : عيب عليكي مش للدرجة و علي فكرة انا سمعتك من الاول
في مستشفيات الفهد كان الوضع كالتالي رقية و روان و امنية و ميرنا داخل الاسانسير و هناك شابان آخران
امنية : طيب ما نطلع علي السلم فيها ايه الله
ميرنا : يا مفترية 16 دور علي السلم ليه ان شاء الله
امنية : ايوه رياضة و ماله
روان : طيب بالله عليكي هتخسي ايه اكتر من كده و انتي عجبني نظام الضحك في صمت ده لا اضحكي اضحكي متتكسفيش
رقية : ههههههههه لا و الله بجد انتم كده على طول
ميرنا : لا اكتر من كده اقولك اقعدي معانا شوية بس و هتشوفي
امنية : لا مقولكيش و بذات دي برده عليها شوية مواقف تودي الدنيا في داهية
روان : شكرا يا جماعة مصيطني اقولك معانا مش هتقدر تغمض عينيك هتتعودي
فجأة جاء اتصال ل رقية
رقية : الو يا دكتور
نادر : الو دكتورة رقية لو سمحتي لو دكتورة ميرنا معاكي هتيها و تعالي بسرعة
رقية باستغراب: حاضر يا دكتور مع السلامة
ميرنا : في ايه مالك
رقية : دكتور ادم عايزني انا و انتي
امنية : خير خير متقلقوش روحوا و احنا هنكمل
روان : فكي كده متقلقيش و بصي هبقي احكيلك موقف الميكروباص
امنية : لا ابقي احكيلها البطل المجهول
رقية : لا لا انا كده عايزة اعرف هنروح و نيجي علي طول
روان : أيوة كده فكي يلا و انتي كمان اهدي
ميرنا : مش عارفه بس الموضوع غريب يلا مش مشكلة
و بالفعل توقفوا في نصف الطريق و ذهبوا
امنية : روان استني ننزل احنا كمان و نكمله علي السلم
روان : انتي جايه تقولي بعد ما الاسانسير كمل انتي كمان
فجأة توقف الاسانسير أو بمعني اصح تعطل....
روان : احيه لقد وقعنا في الطخ
امنية : و ده معناها ايه ان شاء الله لا انا خايفة نازلوني
روان و هي مازالت ممسكة بيد امنية و اخذت تضغط عليها بخفة : اهدي متخافيش انا معاكي بس اهدي
امنية : هو اليوم باين
روان : ايوه من ساعة ما شوفنا الواد سامر ده تلاقيه نقع علي الاسانسير الي احنا راكبين فيه علشان مخدناهوش الموكوس
امنية و قد بدأت تهدأ قليلا  : ايوه احنا مكناش مرتاحين من الاول لاكن ...فجأة انطفئ الضوء ...
امنية : انا قولت من الاول يا حلوف نطلع علي السلم
روان : يا كلب البحر انا ماسكه نفسي بالعافية علشان معيطش يقوم النور يقطع تلاقي دلوقتي العفريت هيطلع و يا سلام لو كان لسه مقتول ايوه هيطلع يقولنا علي الي قتله و لازم ندور عليه
امنية و هي تضربها : يا شيخة حرام عليكي هنموت
روان : يالهوووي انا ازاي عملت كده
امنية : عملتي ايه
روان : قولت كده بصوت عالي زمانه اتاكد أن احنا هندور علي القاتل
فجأة قاطعهم....
الشاب : يا روان حرام عليكي بقى انتي عمرك ما هتعقلي
روان : احيه يا ابو سوسو احيه ده سمعنا بجد و عارف اسمي كمان يا ماما يا حسرة عليا ..بص انا مش عملتلك حاجة و بعدين انت عارف اسمي منين
الشاب الاخر : امنية انتي كويسة متقلقيش شوية و كل حاجة هتبقى تمام
روان و امنية في نفس واحد : احيه
استووووووب....
يا تري مين الشابين دول و يعرفوا روان و امنية منين ؟!
هل كل حاجة هتمشي تمام مع البنات و لا للقدر رأي تاني ؟!
هل محمود و مهند هيكلموا البنات فعلا و لا للقدر رأي آخر؟!