مجنونة قلبى ♥️

البارت الواحد و العشرين

هناك العديد من الافخاخ التي ستنصب لك أو بمعنى أصح تنصب لك فهل ستقع بها وحدك أم معك آخرين و هل  تلك النقطة التي تسمى نقطة قوتك ستكون الدعم لك ام ستتحول لتصبح نقطة ضعفك في النهاية ...
فهل ستقع في تلك المصيدة أم أن للقدر و تلك النقطة رأي آخر؟!
و بالحديث عن المصائد و الافخاخ في ذلك المكان المظلم الذي يجلس به داوود لكن هذه المرة كان يقف ظاهر على وجهه علامات التوتر و الخوف وذلك بسبب ذلك الجالس أمامه و هو مارك
مارك و هو السكين في يده ببروده : يعني انت لسه موصلتش لحاجة في الي انا أمرتك تعمله
داوود و هو يتعرق خوفا : و الله يا باشا لسه بنشتغل عليه من ساعة ما حضرتك أمرت و قربنا نخلص متقل.....
قام مارك بمقاطعته و هو يلقي بالسكين الذي مر بجانب وجهه تماما ليقوم باختراق الحائط الخشبية التي خلفه فسقط داوود أرضا من الخوف يرتجف ....
مارك ببرود و هو يجذبه : هي كلمة واحدة في خلال اسبوع بالكتير لو مسمعتش أن جهاز التصنت اشتغل مفهوم ثم تابع بصوت جهوري: سمعت انا قولت ايه مفهوم
داوود بخوف و تلعثوم: ممم.... مفهوم يا باشا مفهوم
قام مارك بالقاءه أرضا و ذهب لمنزله.....
بعدما وصل منزله ذهب لغرفة في ذلك المنزل الذي كان عبارة عن ڤيلا ...
مارك و هو ينظر للصور المعلقة : كلكم مهمين و كلكم هتترقبوا باسرع وقت لكن الحراسة مشددة عليكم هنقول ايه بس هتترقبوا مش هسبكوا بس اهمكم انت يا فهد علشان انت اصلا الي في صورة لكن مفيش مشكلة يعني  لو راقبت بقيت عيلتك و البنات كمان اصل شكلهم قريب اوي هيبقوا من ضمن عيلتك و أهمهم برده دي انتي يا روان لكن مش عارف لسه هعمل ايه انتي كان سهل تتراقبي انتي و صحابك لكن في مراقبتي حسيت أو مش حسيت انا اتاكدت انكم كلكم تافهين اوي و اطفال و بذات انتي مجنونة و طفلة بس بزيادة و مش شوية لا شويتين تلاته أربعة ههههههههه بس متقلقيش قريب اوي قريب اوي هعرف هعمل ايه و مش معاكي لوحدك معاكم كلكم ....
بينما في مكان آخر عند البنات فجأة جاء لهم اتصال من الاء ....
روان : الو يا كلب البحر اتاخرتي ليه
الاء : اتاخرت ايه انا لسه طالعة
نور : انتي بتطلعي بالسلو موشن يا الاء
الاء : المهم اسمعوني في حاجة مهمة بجد اطلعولي الدور الاخير و ادخلوا علي طول
ميرنا : ليه يا بت في ايه
سعاد: هي قفلت السكة في وشنا و الا انا بيتهيألي
يمني : اه انتي خدتي بالك صح
زهرة : انا قولت كده برده الحيوانة دي
امنية : ممكن يكون حصل معاها حاجة فقفلت أو الفون فصل
روان : انا من رأي بدل ما احنا واقفين كده احنا نقتحم المكان علي طول يلا بينا
و بالفعل صعدوا جميعا لاعلى و كما قالت روان اقتحموا المكان
نور بصدمة : لا مش معقول
يوسف و هو يضحك : ايوه مش كده انتم كلكم ازاي مش عارفين أن انا الي ماسك الشركة
ميرنا : لا بجد احنا مكناش نعرف ازاي
يوسف وهو يضحك: طيب اقعدوا اقعدوا هنتكلم و انتم واقفين
روان : الا قولي صحيح كلب البحر الي مش فاضيه لينا فين
يوسف : دي بتفضى ليا بالعافيه
سعاد: يلا هنعمل ايه مش خاطيبها
زهرة : بس هيا فكرانا برده اتصلت من اسبوعين
يمني : وحشتنا الصراحة يلا الغايب حجته معاها
امنية : هي رانا مش هترجع من هناك الفترة دي
يوسف : لا بروح لها انا اصلها لسه ماسكه المستشفى بتاعت باباها
الاء : بتحاول تشيل معاه احنا عارفين
روان بدراما: الخاينة مش تاخدني معاها انزل عند أول البحر و اطلع اجري و اقول يالهووي السمكة هتاكلني حد يلحقني و البطل المجهول يلحقني تاني بس يلاا مفيش نصيب
يوسف بضحك : ههههههه حرام عليكي انتي لسه زي ما انتي و بعدين موضوع البطل المجهول ده كل اما افتكروا اضحك ههههههه
امنية : لا ده هي عمرها ما هتتغير نفسي اعرف دي دكتورة ازاي
روان : ااااه هنبدأ التحفيل بقا شكرا شكرا ام هند بس هي كده انقبلت ولا لا
الاء : ااه يا اختي عمل المقابلة و خلصنا و نديت لكم بس مقليش اتقبلت ولا لا صحيح
يوسف بجدية : عيب عليكي متقبلتيش طبعا
نور : احيه انت بتتكلم جد
يوسف : ههههههههه شوفتي وشكم عمل ازاي بهزر طبعا كل حاجة تمام كفاية أنها دايما من الأوائل و بعدين غير كده انتم عايزين رانا تطلع عيني ههههه ده حتي حرام
ميرنا : يلا الحمدلله شايفين رانا نفعانا ازاي
زهرة : لا لا بس حلوة تطلع عينك دي عجبتني
سعاد: لا يكنش قصدك أن رانا بتخوفك و لا مفترية يعني ولا حاجة
روان : وقعت نفسك بنفسك يا ضنايا
يمني : لا اصل احنا بنحب الخير اوي فكمل كمل اما نشوف هتوصل لفين
روان : لا لا متنسوش انه عدا الاختبار برده افتكر الجمايل دي يا عم
يوسف : اه هو انا انسى يوم ما جيتوا يوم الخطوبة و قولتوا علي الاختبار
نور : لا بس حلو صح عجبك مش كده
يوسف : أه طبعا قبل ما تخطبها هات المصاصات و هنزود عليك شيكولاتة كمان
امنية : بس انا وفرت ليك يا عم تنكر خليتك تجيب بسكوت بسكريم
يوسف : لا طبعا مقدرش قال أنكر قال بس الي انا نسيت اساله المغزى من الموضوع يعني و تلاقي طبعا الي اخترعت الفكرة دي بنت اختنا روان
روان : ايوه صح عرفت منين
يوسف : لازم اعرف و دي تيجي برده
روان : لا براڤو عليك بس شوف هصبرك و اقولك المغزي
رامي :اتحفينا
روان : بص يا سيدي المغزي هو انك تبقى داخل كده و انت عارف انك واخد طفلة بمعنى انك هتستحملها في تصروفاتها الطفولية و هتعملها أنها قبل ما تكون مراتك هي بنتك و على فكرة احنا كنا شايفين الانشكاحة بتاعتك يوم ما قولنا الاختبار و روحت علي طول و جبت بزيادة و شوفتها و هي فرحانة و بتاكل المصاصة و كنت مبتسم اوي كانك شايف فعلا انها هتبقى بنتك
يوسف: احم هو انا كنت مقفوش اوي كده
ميرنا : تقدر تقول كده يعني بس ده كان سبب كبير
يوسف : سبب كبير ل ايه
يمني : سبب كبير أن احنا نتأكد انك بتحبها
يوسف : لا بجد انتم فظاع
سعاد : ليه يعني كل ده علشان اكتشفنا من الابتسامة
زهرة: اومال لو كانت طلبت منك تاكل معاها كنت هتعمل ايه
يوسف : انا مكلتش مصاصة من وانا صغير حضرتك هبتي هتروح في الارض انتم مشوفتنيش في الشغل
الاء : احيه وقعت و محدش سما عليا
يوسف : لا متقلقيش بس المهم أن بعد كله ده كنت هاكل المصاصة هههههههه بس هيبقي أفضل لو ما بيني و ما بينها و بينكم يعني علشان الهيبا بتاعتي و كده
روان : كنت عارفة لا بس متقلقش يا باشا امة لا اله الا الله بس هتعرف هههههههه لا بجد متخفش
نور : احنا اتاخرنا اوي و الشيكولاتة هتسيح في العربية و المصاصات هتلزق
يوسف : مفيش امل فيكوا ابدا
امنية : لا متحطش امال في حاجة خسرانة و علي فكرة انا جيبت برده بدل الشيكولاتة بسكريم العادات عادات
يوسف : يلا بره يا بت منك ليها من هنا
ميرنا : تشكر بتكرشنا علي اخر الزمن
يوسف : ايوه يلا بقى يا اختي ثم التفت ل الاء : هتبدأي من بكره يا الاء زي ما اتفقنا
الاء بهدوء : متقلقش ان شاء الله هكون عند حسن ظنك
بينما في مكان آخر في ڤيلا الفهد ...
هب الشباب جميعا واقفين ثم هجموا علي اولاءك الواقفين أمامهم يضموهم و يقبلون ثم أخذوا الحقائب و دخلوا
الجد : بقى بالذمة دي تصرفات ناس عاقلة
الجدة : لا و انت الصادق دول عيال
فهد : حيلكم حيلكم فيه ايه و بعدين انتم ازاي تيجوا من غير ما تقولوا لينا يا استاذ برق انت و أستاذة حياة
برق : ايه يا عم كنا بنعملها مفاجأة
حياة : بس مفاجأة حلوة مش كده
اياد : بس انا دلوقتي هروح ل يوسف حرام عليكم
حياة : خلاص روح و هاته معاك و تعالى يلا
فجأة قاطع الحديث هاتف فهد و كان المتصل هو نادر
فهد : غريبة نادر بيتصل ليه
برق بنظرات ثاقبة : رد يا فهد بسرعة ممكن يكون في حاجة
نادر : ايوه يا فهد في حاجة مهمة لازم تعرفها في جهاز تصنت جوا عثمان و الجهاز ده متوقف لاكن اكتشفنا أن حد دلوقتي بيحاول يخترقه و احنا بنحاول نعطل علي قد ما نقدر
فهد : ازاي طيب المهم دلوقتي احنا لازم نخلص من عثمان باسرع وقت حاول اي معلومات احنا عايزنها تاخدها و نقدم معاد الاعدام علشان نخلص
نادر : تمام هحاول سلام
استووووووب
يا تري ماذا سيحدث؟!
و هل سيستطيعوا التخلص منه في الوقت المناسب ام ان للقدر رأي آخر؟!