مجنونة قلبى ♥️

البارت السادس

انتهي الأسبوع علي خير و كانت الفتيات علي اهب الاستعداد و بالأخص روان فقد كانت في السوبر ماركت الذي يكون أسفل منزلهم بينما في مكان آخر كان الجميع مجتمع عند نور ثم ذهبوا ليلقوا ميرنا ثم بالاخير تلك المجنونة بعد فترة ....
زهرة : هي فين دي
سعاد: اتصلي بيها
الاء : بسرعة يا نور
نور : انتي فين
روان : انا في السوبر ماركت تعالي
يمني : ها هي فين
امنية : في السوبر ماركت صح
نور : انا رايحة ليها
ميرنا : بسرعة متتاخروش
نور : حاضر
نور راحت عند روان : ده وقتوا يعني
روان : ايه جايه علي قرمط ليه بدل ما نسافر يعيني علي لحم بطننا ظلماني و انا قلبي عليكوا
نور : بزمتك خلاص مش مشكلة ناقص ايه
روان: انا جيبت شيبسي و بيبسي و بسكوت و مولتو و عصير و ....
قاطعتها نور :ايه كفاية كده
روان بدراما : لاااااااا كنت هنسي اهم حاجة المصاصات و الشيكولاتة
نور : صبرني يا ربي
روان : ههههههه يا بنتي بطلي تدعي علي نفسك هتبقي صبار
نور : يلا يا بت من هنا يلا هنرش مايه
روان : تشكري
دفعوا الحساب و ركبوا السيارة و توجهوا الي وجهتهم الجديدة التي تخبئ لهم الكثير والكثير و هي مدينة القاهرة فماذا سيحدث معهم يا تري ؟!
بينما في مكان آخر في مدينة القاهرة و بالتحديد في ڤيلا الفهد ....
كانوا مجتمعين جميعا حول مائدة الفطور بانتظار فهد .
ادم : انا هبدا ادي محاضرات في الجامعة من اول الدراسة
لؤي : و انا أتعرض عليا ادي هناك محاضرات الترجمة في كلية السن انجليزي
مراد : طيب ها هتعمل ايه هتروح و انا كمان لو كده هروح معاكم علشان أتعرض عليا ادي محاضرات في كلية الهندسة
لؤي: لسه بفكر بس احتمال كبير اوي اروح
ادم : خلاص اشطا تعالوا معايا
مراد: طيب خلاص انا هروح
لؤي : اشطا و انا كمان
احمد: انا في حاجة مش مريحاني
اسلام: و انا كمان حاسس في حاجة غلط
مالك : بتفكروا في الي انا بفكر فيها
احمد: المافيا ما اخدتش خطوة لحد دلوقتي
اسلام: ايوه بس ليه اكيد في حاجة
مالك : فهد ... هنعرف من فهد هو اكيد عارف حاجة
فهد و هو ينزل من علي السلالم : للاسف هخيب امالكم علشان أنا لسه معرفتش حاجة لسه ما اخدوش خطوة لحد دلوقتي
فهد في نفسه : اكيد مش هيسكوتوا لو حد منهم وقع و اكيد في حاجة هتحصل
نرجع تاني للبنات ....
يمني : هو احنا فين انا حاسه أن احنا تايهين
ميرنا : شغلي الچي بي اس
علشان نلحق
سعاد: الجو صهد شغلي التكيف
الاء : روان هاتي شيبسي
روان : حاضر اهو استنوا اطلع الشنط و نوزع علي بعضينا
امنية : انا هاخد البسكوت و العصير و المصاصة بتوعي و انتوا هيصوا في الباقي بقي و سيبوا لي مولتو احتياطي
زهرة : يلا يا روان بسرعة علشان جعانة
روان : طيب خدوا اهو ما انا الكانتين بقي خدوا الشنط اهيه و عيشوا بس سيبولي
نور : و انا هل انا من المغضوب عليهم مثلا
روان بصوت عالي نسبيا و دراما : بس وقفييي العربية بسرعة
نور و قفت العربية بخضة : ايه في ايه
روان : انزلي بسرعة
نور : ليه
روان : انزلي بس
نزلوا و روان قعدت مكان نور و كذلك نور قعدت مكان روان
روان : شوفتي علشان تعرفي تأكلي .... انتي مالك شكلك عمل كده ليه انا و الله كان قصدي شريف و نيتي خير
يمني : تصدقي انك مهزقة فيها ايه لو مقطعتيش لينا الخلف
روان : هههه خلاص اني اسف يلا بينا و شغلي اغنية لقيت الشحتططه
زهرة : دي ايه دي كمان يا اخوتشي
روان : ههههههههه اصل احنا ملقناش الطبطبة و لقينا تخفيض علي الشحتططة فخدناها أو خلاص شغلوا اي حاجة
بعد فترة من الزمن وصلوا العنوان....
امنية : متأكدين من العنوان
ميرنا : ايوه المفروض هو ده هو قريب فعلا من الجامعة و المدرسة
الاء : و زي ما اتوصف لينا
سعاد : طيب رنوا كده اما نشوف
يمني : ايوه حضرتك احنا الي جايين علشان الشقة احنا المفروض تحت ... طيب تمام مستنين حضرتك
روان : اه يا ظهري يا انا يا اما استنوني
نور : يلا بسرعة طنط نازلة
زهرة: مدي شوية يا حلوف
روان وهي قادمة بتجاههم شبه راكضة : اهو اهو مش كنت بركن العربية
فجأة فتحت البوابة و خرجت سيدة في أواخر عقدها الخامس تبدو عليها الطيبة و البشاشة تدعي (فريدة)
الحاجة فريدة ببشاشة و ابتسامة مشرقة: انتم الي جايين علشان الشقة صح
روان بابتسامة مشرقة هي الأخرى : ايوه ازي حضرتك
سرحت الحاجة فريدة بهن و هن ينظرون لها بابتسامة ولم ترد
استووووووب
يا تري الحاجة فريدة سرحت في ايه و هلي هي هتدي البنات الشقة ام للقدر راي آخر؟!
و ايه الي هيحصل مع الشباب يا تري ؟!
و يا تري المافيا هتعرف حاجة ولا للقدر رأي تاني ؟!