آعطـنيـﮯ فرصـ‏‏ةّ ثـآنية.. 🖇❤(متوقفة حاليا)

.. 2..

كنت نتمشى مع صحبتي نيهاد في الكولوار تاع الجامعة و نحكو كيفاه كان لقائها مع أستاذ  الانجليزية نتاعنا مع صحباتنا.. فجاة جبدني واحد من كتفي بقوة و خبطني مع الحيط..  حط شواربو فوق شواربي و باسني بالسيف عليا..  قعدت نتخبط و نسيي نبعد فيه عليا مي كان قوي بزاف ماقدرتلوش.. جاهدت باش نهرب منو مي ماقدرتش كان بيد مطلع يديا فوق راسي و باليد لخرى شادني من خصري.. ماقدرتش نتحرك.. بعد ماكمل بوستو جبد روحو عليا و تراجع بخطوة للور خفف من شدة الضغط علي يديا.. بعد مابعد شوية و كنت قادرة باه نشوف وجهو  تفاجأت كي شفتو يتبسم ابتسامة انتصار شغل دار انجاز كبير..
-هههههه ياك قتلكم حتى حاجة ماتصعب عليا.. و حتى وحدة ماتتجرا باه تتجاهلني و تتجاهل بوستي.. 😌
كاين يحكي مع صحابه و هو يفتخر بالإنجاز الي حققو و هو يتوشي شواربو بيديه..
-ماتكذبيش نتي تاني عجباتك بوستي😉
قعدت وحد الدقيقة و انا نحاول نستوعب واش صرا.. و الي هذا كان مجرد رهان دارو مع صحابو كي العادة باه يبين روحو الي قادر يدير كلش و واحد ما يرفضلو طلب..( نكرهو و نكره شجاعتو الزايدة عن اللزوم..بغل.. مغرور.. تفوو.. نكرهك..)
هو صح مشهور بزاف في جامعتنا ماشي غير بشجاعتو هاذي.. هو واحد من أفضل الطلاب الممتازين في الجامعة.. من غير انو زل بكل معنى الكلمة بقلاوة معسلة بالعسل الحر.. الي تجي فايتة عليه تحل فمها هكا 😮😂😂 و في الحقيقة هو يعجبو هذا الشيء شغل يحس روحو حاجة كبيرة و ديما يزوخ بزينو و شعبيتو في الجامعة😒..و غني عن القول انو مشاعر الناس لخرين ماتهموش حتى شوية  (نورمالمو من الجاست الي دارو راكم فهمتو هذا الشيء😅)..
قاع الي في الجامعة يبغوه سواء كانو ولاد و لا بنات ماعاد بنت وحدة و الي هي ريا باسكو تقدر تخمم بعقلها و تميز بين الصح و الغلط و تعرف حقيقتو.. لخرين يتبعوه على زينو و على دراهمو و غيرها من صوالحو يعني تاع مصلحة.. اما ريا فتكره شخصيتو و تسلطو و كلش فيه و لا يملكو.. ههه هاذوك لبنات و الله ماعلابالي واش عندهم في الجمجمة تاعهم..معلباليش علاه قاع خاضعين ليه و يخافو منو.. ريان جامي دخل في علاقة جدية و كان يخمم يقعد هكاك حتى في المستقبل..كل خطرة مع وحدة قاع انواع لبنات خرج معاهم سواء من الجامعة و لا من برا..بينما تجي السمانة تكمل يقيسها و يجيب غيرها.. شغل لعبة عجباته كي ولات تاعو كره منها رجع قاسها بعيد.. و لا يتيريها لصاحبو..ماعندوش مشاعر و لا ذرة انسانية في نظرو قاع لبنات مايسواوش يجرو غير ورا المادة و الحاجة الغالية.. تقولها موتي تموت في جال الدراهم.. بالطبع هذا نوع لبنات الي كانوا يتلايموا عليه باه يشوف فيهم و يخرج معاهم..(ههه حاجة باينة الي بنات الفاميلية مراحش يشوفو في خامج كيفو 😅)  كان حاسب الي لبنات يدفيولو سريرو الوقت الي يبغي (واقيلا فهمتو 😂😂😅)..
-ريان عبد الله..
عيطت عليه بصوت عالي..كنت باغية ننتفه و نطير شعره بين يديا بلاك تختفي ابتسامتو المتغطرسة..هاذي المرة راه تجاوز حدودو و بزاف مغاديش نسامحه على الجاست الي داره..
-واش حبيبتي..
شاف فيا بشوفة كلها ازدراء و تكبر غطرسة و شفقة ..قعدت نشوف فيه و نشتم في روحي باسكو هو سلوم و انا بينازة يعني مانتلاقاوش مالقري كان واقف قريب ليا بزاف😂.. كنت نحوس نخلف هاذيك البوسة ضربة..حسيت روحي صغيرة بزاف قدامو و كون مانخلفش الضربة راح يقولو عليا ضعيفة و قادرة تخلي اي واحد يبوسها و يدير فيها اي حاجة بلا ماترفض.. على هاذي قررت نخلف الضربة في بلاصة قدامي نقدر نوصلها و نعطيه ضربة قاوية باه يتفكرها و معادش يسيي يقرب مني و لا حتى يجي من جيهتي.. كنت رح نضربو لذيك لبلاصة الخطيرة بصح خفت يضيع مستقبل العايلة بسبتي و تنحسبلي سيئة 😅 ف قررت نرحمو و نخفف الضربة  .. وقفت على اصابع رجليا و سييت نوصل لعند وجهو تبثت روحي مليح و خبطتو بكف ثلاثي الابعاد 😂 من الخلعة مسكين قعد يشوف فيا هاك 👀👀 و هو مزال ماستوعبش الي انا تجرات و ضربتو 🙂😌 بصح الصفعة كانت قاوية عليه مسكين ياودي وجهو دار مع يدي 😂 حتى تردد صوتها في قاع الكولوار حتى الي كانو في القاعة الي قدامو خرجو يشوفو مصدر الصوت في دقيقة لقينا قاع الانظار متوجهة لينا انا و ريان و بالخصوص ليا انا مولات العملة 😂😂بعد ماستوعب واش درت خرج موس من جيبو و تيراه فيا مزية جيت قصيرة قدرت نتخطاه الحمد لله ماصرالي والو.. 😌
-ماتزيدش تتجرا و تعيطلي حبيبتي بفمك لمشرك هذا..  و مرة اخرى ماتزيدش تجي من جيهتي..  روح اخطيني انا مانيش لعبة تتراهنو عليها نتا و صحابك يا مرخس..  ههه و يقولو عليك عبقري الجامعة و انا اغبى منك ماشفتش..  بغل في صفة انسان تفوو نعل دين راستك 😌🙂..
بزقت عليه( شغل هكا تفو عليك يا ريان😌😂😂)  رحت كملت طريقي انا و صحبتي متجاهلتو و متجاهلة قاع الطلبة الي كانوا حالين فيمانهم هاك 😮 يتفرجو في فيلم و البطلة خرجتهم خرجة عوجة😂 و صحبتي ماهيش اقل منهم مسكينة ولات ترعش من كثرة الخوف ياودي ترجف سورتو كي رما الموس ولات تشوف فيا هكا 😟😖😂😂 مسكينة تشوكات في بلاصتي.. و هو واقف في بلاصتو و مزالو يتبع فيا بعينيه و مام الطلبة قاع يشوفو فيا 😌
ترن.. ترن.. ترن..(ماتديروش عليا شغل صونات تاع رافاي😂😂😅)..خرجت تلفوني من صاكي و طفيت المنبه فيسع باه ماتنوضش ماريا..ههه العفريتة تشبهلي كي يكون الموضوع الرقاد..في زوج نرقدو يصرا الي يصرا ماننوضوش😅.. جا الوقت و صرحت المضيفة الي رح نهبطو