آعطـنيـﮯ فرصـ‏‏ةّ ثـآنية.. 🖇❤(متوقفة حاليا)

😔بارت 15😔

بعد ما طاحت ريا عند لبحر و قعدت تبكي على حياتها الي ضاعت في الهم و المشاكل حتى حست بعبد قعد حداها مي ماحبتش تشوف شكون  .. مكانتش في خاطرها مورالها طايح و ماعندهاش الخاطر باش تهدر مع حتى حد باسكو هيا كي تزعف و لا تحزن و لا تصرالها حاجة ماتحبش تهدر مبغاتش مشاكل الي فيها يكفيها الوغ ناضت و راحت تتمشا على الشط و هذاك الي كان قاعد حداها ناض وراها و قعد يتبع فيها هيا حست بيه مي ماهمهاش فيه يدير واش يحب خلاص مابقاش قد الي فات الا اذا لقاو متبرع قبل 3 اشهر و هذا الشيء مستحيل عايلتها مراحش يقبلو يتبرعولها و العايلة الي اهتمت فيها و دارتها بنتهم حتى واحد مايتطابق معاها و الليستة تاع الي محتاجين نقل طويلة و عريضة باش يجي تورها يكون فات الحال....
في بلاصة وحد اخرى..
مراد: الو واش كاين راني مشغول..
ليام: الو بوس انس و جماعتو راهم محاصرين المقر من كل جيهة و قتلو الرجال قاع مابقا حتى واحد..
مراد: علااااه واش درتو؟!  .. انس من رجال الملثم 😰..
ليام: ايه هو م معلباليش واش صرا انا كنت عند نوح و بعد ماخرجت لقيت الحالة مخلطة.. 
مراد: اوك استناني لتم راني جاي..
ليام: لالا لالا ماتجيش ماتجيش انا رح نسيي نهرب اذا قدرت راني نعيطلك و نتلاقاو بصح ماتجيش هوما يحوسو عليك..
مراد: اوك دوك نبعتلك رجال يجيبوك للقصر الي في وسط الغابة..
ليام: اوك بوس..
هذا الشي قاع كان يهدر و اكرام واقفة قدامو..
اكرام: بوس؟؟؟؟؟؟ 😰 ووواش. من مقر؟  و جماعة الملثم الي يهدرو عليها فيالاخبار اخطر مافيا في امريكا من وين تعرفها وواش علاقتك بيها؟!!  ..
مراد: مكانش لازم عليك تسمعي اسمحيلي مي الفضول تاعك كاش نهار يدمرك و دروك هيا معايا..
اكرام: اطلقني..  اطلقني لوين ادايني اطللقق.. 
مراد: تروحي معايا و من. اليوم تولي عايشة عندي و تنفذي اوامري و طلباتي..
اكرام: و وريا؟ و ماريا رح تقعد وحدها؟؟  ..
مراد: عيطيلها دروك و قوليلها عندي شغل باش تجي تقعد مع ماريا..
اكرام : ب بصح..
مراد: قلت لربك عيطيلها شوفي راني منارفي ماتجهلينيش اكثر..
اكرام: اوك.. 
عند ريا.. 
كانت تمشي حتى تحس بدوخة و الدنيا ظلامت في عينيها حتى طاحت في وسط الطريق تجمعوا الناس عليها يسييو يفيقوا فيها مي والو راح هذاك الي كان يتبعها رفدها و اداها للسبيطار..
في السبيطار:..
جيبو نقالة راهي كاينة مريضة هنا مغمى عليها من ساعتين و لحد الان مكانش استجابة..  جا الطبيب و جابو النقالة حطو عليها ريا و دخلوها للإستعجالات فحصها الطبيب و دارلها ابرة و خرج.. 
امين: طبيب..  طبيب واش بيها ريا..
طبيب: انتا واحد من اقاربها؟! 
امين: ايه انا صديقها..
طبيب: صديقتك ريا مريضة بزاف و يلزمها عملية نقل قلب في اقل من شهر حياتها في خطر و كل يوم راهي تزيد تدهور حالتها اكثر و اكثر و اذا بقات هكا راح تولي ترقد دايما و ماتحس بوالو نضن الي المريضة زادت بمرض تشوه اجزاء من القلب و هذا الشيء يبان بعد سن العشرين يعني هيا راهي شوية روطار على التشخيص و زيد عندها مرض الشريان التاجي و هذا الشي مانقدرو نشخصوه الا بعد نوبة قلبية كيما الي صراتلها الخطرة الي فاتت يعني بالمختصر يلزمها عملية نقل قلب في اسرع وقت..
امين: و كيفاه؟؛ كاين متبرع؟ كاين قلب؟ اهدر كاين الي يتبرعلها ولالا...
طبيب: صراحة سمعت بلي عايلة المدام واصلة و عذا الشيء يقدر يعطينا امل انو يجيبولها قلب من كاش ببلد مي هنا و في هذا المستشفى مستحيل تلقا الا بعد شهور راهي كاينة ليستة و كاين ناس حالتهم اخطر من حالتها  اكثر من 450 عبد يستناو في قلب ينقد حياتهم..
امين: و الحل؟ كيفاه دروك واش نديرو؟!  ..
طبيب:  هدي روحك.. الحل هو تلقاو قلب للمريضة قبل شهر.. 
راح الطبيب و خلا امين حاط يديه على راسو مش مامن بالشي الي سمع مزالت صغيرة و بنتها محتاجتها و صاحبو صاحبو و عشيرو مزالو كي لقاها و رجع للدنيا رجعت ضحكتو و تبسيمتو رجع عايش رجع بنادم و حاس بطعم الحياة..
امين: ااه ياربي و انا دوك كيفاش نخبرو..
في هذا الوقت كان ريان قاعد في بيتو او في لقصر تاعو مع انس خوه و شريكو..
انس: قضينا على رجال ريان كلهم الا ليام قدر يهرب و مراد مكانش تم و حتى كون سمع مجاش..
ريان: اييه خصنا نلقلوه وحدو و نخيروه يايخدم معانا ياننهيو حياتو.. 
انس: ايه خلينا من الخدمة راني رايح نسهر تجي معايا؟!  ..
ريان: لالا ني عيان و عس روحك راهم يعرفوك دروك..
انس: اوك ماتخافش عليا.. باي..
ريان: باي..
بعد ماراح انس ناض ريان و راح لوحد الغرفة في داخل بيتو فيها تصاور ريا و ماريا ملي راح و خلاهم حتى لليوم راح لقجر و جبد Cd كان مخبييهم في هذاك لقجر راح شعل التيلي و دخل السيدي في الديمو و راح قعد في سريرو و بقا يتفرج في بنتو و هيا تكبر نهار بعد نهار و تقول بابا و ماما و تحكي اول كلمة و تمشي اول خطرة كلما يسمعها تقول بابا قلبو يتقطع عليها و يولي يبكي كي البيبي الصغير..
ريان: اه يابنتي و شحال توحشتك تمنيت و لو مرة تقوليلي بابا و انا واقف قدامك تمني و ولو مرة تعنقيني و نتي علابالك بلي انا باباك تمنيت نروح نشريلك حوايج و نديك تلعبي في جنينة و نرقدك في حضني و ننوض صباح و نلقاك قدامي..  ااه ياربي ندمت بزاف و الله ندمت و خلصت كلش درتو في ماماك بالدوبل راني هبلت و حياتي ضاعت مانيش حاب نضيعبكم حياتكم معايا حتى كون تعرفو واش صرالي مراحش يهمكم علابالي باسكو جامي وقفت معاكم و غروري هو سباب الشي الي صرالي الكل.. 
عند اكرام و مراد:..
و ستوووووووووووووووووووووووووووووب
نحبسو هنا توقعاتكم واش راح يصرا زعما؟! 
ريا راح تدير العملية؟!.
و مراد واش راح يصرالو؟!  ..
و شكون الحضرات؟؟(لحد الان مجاوبتونيش بلسكو راه باين في لكرونيك)  ..