آعطـنيـﮯ فرصـ‏‏ةّ ثـآنية.. 🖇❤(متوقفة حاليا)

❤بارت 14❤

بعد ماكملت ريا هدرتها مع الطبيب و قاللها على حالتها تشجعت و قوات قلبها و عيطت لخوها مراد الي كان لاهي في غرفة التعذيب يعذب في اليد ليمنا ليه الي كان معمد عليه و دايرو في مقام خوه غدرو و تحرش بأختو و حاول يدير معاها الفاحشة و قال عليها سلعة ههه كي يديرها في بنات الناس و يهينهم و يدمرلهم حياتهم و مستقبلهم نورمال مي كي جات في أختو هو لازم يتعاقب.. تما يولي يعرف الإنسانية و العشرة و العايلة مي نسا عايلات الناس الي مقهورة على بناتها الي راحت ضحية مغتصب و الي راحت ضحية لعبة لعبو بعقولها ووصلوها للهاوية و غيرهم بزااف.. مي كي تجي في حاجتهم يولي خط احمر..
مراد: علاه يا رخيس علاه و انا الي كنت دايرك خويا و نعمد عليك في كلش..
نوح: بوس نبوسلك يديك و رجليك ارحمني يا بوس ماكنتش نعرف راني معلباليش بلي اختك..  لقيتها برا في الليل وحدها حسبتها من هاذوك بائعات الهوى..
مراد: ماتكذبش ياكلب ياخ حالتها حالة وحدة عاهرة و لا لبستها لبسة خماج و لا بانتلك ماتسواش كي كانت تتخبط بين يديك و تقولك خليني نروح..
نوح: ايه صح غلطت انا مي خمم انت شحال من مرة عاودت نفس غلطتي..  انا هاني لقيتك تصحيني من غفلتي بصح نتا عندك بنات الناس الكل في كفة وحدة و الي هيا الخماج و مايصلحو لحتى حاجة اخرى باستثناء الجنس و انهم يدلعوك طبعا من غير امك و اختك النسا الي في الدنيا كلهم رخيسات و منهم امي و امنا كلنا..  انا ربيت يتيم و لا خلي نقولو مجهول نسب مانعرفش والديا ولا حد من عايلتي رماوني في الشارع و انا صغير مازلت بيبي في اللفة نبكي على ماما و نبكي كي نجوع و في كل وقت محتاج حنانة امي الدنيا قسات عليا بزاف و مارحمتنيش كيفها كي مجتمعنا حرقت من لبلاد و عرضت روحي للموت باش مانزيدش نسمع كلمة ولد حرام من الناس الي يعرفوني مكانش الي يقول امو عاهرة و بوه سمح فيه عانيت و قاسيت و ظروفي هيا الي وصلتني للموصل هذا انا ماشي كيفك زدت بمغرفة فضة في فمي و الحاجة اللي نطلب عليها تجيني حتى، لبين يديا انا تعبت و شقيت و كي لقيتك تكيت عليك و درتك خويا وسندي في هاذي الدنيا صح ماعندي حد في هاذي الدنيا مي نتا هو كلشي بالنسبة ليا و اختك هيا اختي انا ماعنديش اختي لحقيقية الي نخاف عليها مي كون علابالي اختك و الله مانخمم حتى نرفد عينيا فيها لازم تفهم حاجة كيما نتا تخاف على اختك الرجال لخرين يخافو على خياتهم الي كانو ضحايا اغتصاب و تعنيف و انت كنت سبابهم..  ممكن ربي حب يختبرك و يجربك باختك..  دير فيا واش تحب عندك الحق مي حتى كون ماتقتلنيش هاذي اول و اخر مرة ندنا فيها لطفلة في لحرام باسكو راني عرفت غلطتي الحمدلله و اذا كتب ربي و عشت رح نتوب لربي سبحانو و نخرج من خدمة لخماج هاذي و حتي كون بقيت في الشارع راني مانوليلهاش حياتي دارتلي هكا ماشي كلنا نخرجو واش كنا نحلمو كي كنا اطفال مزلنا براءة مي ملي بديت في هاذي الخدمة لحد الان مزال مادرت حتى فايدة زدت ذنوب قد لجبال على ظهري هذا مكان و ننصحك نتا تاني تبعد و تراجع حساباتك انا تاني كنت غافل مي بعد ماقربت لاختك و عرفت الي انا خنت العشرة مام كو ماقصدتش مي دنيت لحاجتك لأختي الي ماجابتهاش ما عفت روحي و حياتي و كلش من اليوم راح ندير هدف في حياتي و هو اني نرجع لربي سبحانو و نلقا خدمة في لحلال و نتا ربي يسهل عليك حبيت تقتلني راني حاضر حبيت تخليني هذا الشي شغلك مي خمم في اختك و عايلتك..
بعد ماكمل نوح هدرته خرج مراد و خبط الباب وراه و اتكا على الحيط و الهدرة الي قالهالو نوح مزالت تدور في راسو عندو الحق في كل كلمة قالها مي مش بالسهولة هاذي يقدر يبعد على هذا العالم المظلم توالف بيه و بالخدمة هاذي القتل الاجرام التعذيب الحقرة و كلش يفرغ فيه اعصابو قادر يديرو نورمال..
بعد شوية خرج ليام من الغرفة هاذيك و خرج معاه تلفون مراد للي كان لداخل كان غير يصوني في هذاك الوقت و نوح مزالو لداخل مربط..
ليام: بوس نسيت تلفونك راهم يعيطولك ممكن اتصال مهم..
مراد: اوك..  و فك نوح خليه يروح
ليام: يروح بالبساطة هاذي!؟ تخليه نورمال؟ ياك نهار تلاقينا تواعدنا جامي نتخلاو على بعضانا و نكونو مع بعض حتى تفرقنا الموت..
مراد: علابالي..  دير واش قتلك و من بعد نحكو..
ليام: اوك بوس..
بعد مادخل ليام عند نوح راح مراد يتمشا و يخرب في التلفون خارج لبرا حتى وصل عند المدخل وين كاين جنينة و قعد يعيط لريا..
ريا: الو مراد وين كنت من قبيلا و انا نعيط خوفتني عليك..
مراد: الو كيراكي كنت هنا برك واش خصك كشما صرالك ولا..
ريا: لالا راني مليحة مي حبيت نقولك تروح تشوف ماريا و تديلهم شوية صوالح و زيد قوللها عندي خدمة غدوة ان شاء الله نجي..
مراد: اوك ماتخمميش..  اتهلاي في روحك و اذا خصاتك كاش حاجة عيطيلي..
ريا: اوك ماتخافش.. بالسلامة..
مراد: بالسلامة..
بعد ماقطع مراد على ريا راح دا صوالحو الي هوما الدهان و لبريكة و المفتاح تاع اللوطو و قلع لدار ريا  ..
في بلاصة وحد اخرى..
امين: سلام عليكم الشاف تاعنا..
حضرات: وعليكم السلام كوميسار..
امين: دي غيبة مزية الي تفكرت تجي تزور الشاف تاعك..
حضرات: اسمحلي شاف مي راك عاد المهمة و الخطورة تاعها و علابالك بكامل التفاصيل يعني مانقدش نجي دايما باسكو نلفت الانتباه ليا.. 
امين: ايه علابالي..  قولي وين راك واصل في المهمة تاعك..
حضرات: شاف مجيد ***زعيم عصابة بانديدوز راه بين يدينا و هو الي رح يجيبلنا اخبار عصابة الشارع 18 وقت الصفقة تاع السلاح و بلايص المتاجرة بالمخدرات و اسماء الزبتئن و تاني التجار الي يسربيولهم..
امين: اييه و عصابة نيتا؟!..
حضرات: بعد شي ساعتين رح تتمحا م على وجه الارض راني كلفت انس باش يدي فريق و يروح يقضي عليهم و كاش حاجة راهي عفسة تاع خيانة و انا مانبغيش نخلي خاين عايش في عالمي..
امين: اوك مي رد بالك يفيقو بيك بزاف الي راهم ينبشو وراك..
حضرات: ايه علابالي..
امين: و مراد واش رح تدير معاه..
حضرات: رح ندخلو يخدم معايا مي نسيي ندخلو جاسوس عند العصابات لخرين منها يعاوني و منها نردو للطريق الصحيح و ان شاء الله اذا قبل يخدم معانا رح ندخلو للمركز..
امين: ايه ان شاء الله  و انتا واش راك داير فيها..
حضرات: في واش؟؟..
امين: علابالك في واش..
حضرات: و الله يا شاف و تآمن بالله غير عييت و بزاف توحشتهم بصح مانقدش نروح عندهم ولا نقرب منهم..
امين: تكمل المهم و روح عندها و احكيلها كلش..
حضرات: لالا مانقدش
امين: كيفاه هاذي ماتقدش..
حضرات: مانقدش ياك علابالي حالتي كيفاه و زبد واش فات عليا ماشي قليل مانقدش ندمرلهم حياتهم و نحصلهم معايا هكا راهم عايشين لاباس عليهم مي كون نرجعلهم و نضطر نروح مرة اخرى رح يتأترو بزاف و يتدمرو مانقدش نعاود نفس الغلطة مرتين و من الافضل نكرههم فيا باش مايستناونيش..
امين: اذا مراحش ترجعلهم ماتخليهمش يوالفوك..
حضرات: ايه غدوة رح نودعها اما على لخرى فراح نسيي ننقل خدمتي من هنا بعد مانكمل المهمة ان شاء الله  ..
امين: ان شاء الله..
حضرات: ايا دوك نخليك اتهلا في روحك.. باي
امين: يتهلا فينا ربي.. بالسلامة..

في بلاصة وحد اخرى..

عند ريا تحكي :
مكنتش متخيلة انو يجي نهار ونكون فهاد الموقف تخلط عليا كلشي والدنيا ظلامت فوجهي
كنت نخمم برك فبنتي لي ما زالت صغيرة ومفاهمة للدنيا شي
بقيت نتمشى بين الغاشي وفشوارع نيويورك الكبيرة
ليوم عرفت صح وفهمت معنى قدرة ربي الكبيرة
بقيت نتمشى ونتمشى حتى لحقت للبحر
البحر لي ناس تقول عليه سلطان وناس تقول عليه عاشق ولهان
امواج رايحة ووحدوخرا جاية
امواج تضرب فلحجر وامواج تضرب فرمل
خذيت نفس طويل رجعلي معاه كامل لباصي نتاعي
لباصي نتاعي انا و ريان
رجعتلي ايام عشقي وايام حبي وايام الفرح وايام كنت بهلولة طايشة تحوس تعيش لامور مع انسان نسى معنى الانسانية مسحني من حياته بكلمة
الحاجة الوحيدة لي صراتلي معاه شابة هيا بنتي ماريا حبيبة قلبي وروحي ونفسي وكلشي عندي نحبها ونموت عليها وكنت متمنية نعيش معاها افضل لحظات حياتها
كنت حابة نحظر معاها كي تدخل اول يوم ليكول ونهار تدي شهاداتها ونهار تربح باكها ونهار تخير تخصص جامعي نتاعها ونهار تبدا تحقق احلامها ونهار تلقا واحد يحبها ونهار يجو يخطبوها ونهار تتزوج ونهار تسمع ب اول حمل ليها ونهار تجيب اول حفيد ليا وبزاااف صوالح وحدوخرين كنت متمنية نشوفهم مع بنتي
ياخسارة كي كنت نقول غادي ندير هاك وهاك العام الجاي وندير مخططات للمستقبل وانا منيش ضامنة روحي حتى فالدقيقة الجاية
طاحت هديك الدمعة الحارة على خدي لي جبدت معاها دموع وحدوخرين
كنت حابة نفرغ قلبي بهاد الدموع عييت نصبر روحي مي كيفاش
طحت فلرض وبديت نبكي خلااص مقديتش نشد روحي كثر مقديتش
بقيت هاكاك فترة منقولش عليها طويلة
حتى فيقني تيلفوني لي هزلي صاكي
رفدته وفتحته لقيتها هيا وشكون من غيرها لي يسقسي عليا ويحس بيا معرفتش اسكو نقوللها ولا نن
مسحت دموعي وسرحت هدرتي باش متبانش بلي بكيت..
ريا : الووووو وي اكرامو
اكرام : من التالي علاش راكي تبكي
وبالطبع فاقتلي مقدرتش نكتم شهقتي لي خرجت غصبا عليا 
اكرام : وين راكي وين اهدري
ريا : معلاباليش وين راني معلاباليش راني تايهة بين قلبي وعقلي يا اكرام معرفتش واش ندير وكيفاش نتصرف معرفتش كنت نتمنا الموت مي كي لحقتله خفت منه وراني حابة نهرب منه
اكرام : ريا واش كاين متقلقينيش
كوبيت عليها وطفيت التيفون باسكو مقديتش نزيد نحكي باسكو لساني خاني وصحتي خانتني وكلشي خاني
طرطقت نبكي ونوح على زهري الطافي لي جامي وقف معايا

عند اكرام :
فهاد الدقيقة اكرام خلاص ولات متضويش تقلقت لابعد الحدود بقات تصوني وتعاود مي مردتش عليها
حتى صونا الباب
راحت تجري حسبتها هيا
اكرام : يا لكلبة خوفتي...
حبست كي شافته واقف مدهوش من هدرتها
اكرام : وينها وينراها ريا وين خليتها
مراد : واش قصدك بوين خليتها
اكرام : ياودي ريا مراكش تفهم عيطتلي وحالتها مكانتش تعجب وكانت تبكي وتحكيلي على لموت مفهمتش وينها ختي وينراها
مراد : اكرام متقلقينيش كيفاش هادي
اكرام : ادا معندكش معلومة عليها قولي منشقاش نضيع وقتي معاك
مراد : معنديش م ...
صونا تيلفونه
رفد وعينيه وساعو كي سمع لخبر لي جاه

وستوووووووووووووووووووووووووووووووب كملنا لبارت
في رايكم واش هو مرض ريا لي خلاها توصل لهديك لحالة
ولحضرات وش قصته وشكون هو
ومراد واش سمع فتيلفون؟!
ايا وجدو رواحكم واستناو لبارت الجاي