آعطـنيـﮯ فرصـ‏‏ةّ ثـآنية.. 🖇❤(متوقفة حاليا)

مقدمة.. ❤..

سلامووووو.. كيراكم.. غاية.. ان شاء الله قاع تكونو بخير..
المهم.. تفاعلو.. ✦.. و خلونا البصمة تاعكم في كومنت 💬..
آيـﮯآ بسـمـ آللهہ‏‏..
.
.
.
و اخيرا بعد انتضار طويل و تعب سنين قدرت نتخرج من جامعة متحمسة بزااف و فرحانة قدرت نحقق حلمي صح صعيبة خاصة اذا كان عندك مسؤليات .. خرجت من الامتحان و كنت متحمسة بزااف باش نشوفو مرة أخرى و نبشروا بالخبر الي عرفتو البارح برك و مزال لدوك مانيش مامنة..مجرد التفكير اني رح نخبرو بحاجة تخصنا هذا الشيء يخليني نطير بالفرحة..لحد الان مزال ماعندنا حتى خطة لمستقبلنا.. اصلا جامي هدرنا واش رح نديرو في المستقبل..طول هاذي الفترة كنا مركزين غير على امتحاناتنا و قرايتنا و الي كملت و اخيرا تهنينا منها..لكن مرة اخرى صرات حاجة ماكناش نستناوها و لا نخممو فيها في الوقت الحالي.. ربي رزقنا بطفل.. ولدنا.. الي رح يجي لهاذي الدنيا.. رح ينضم لينا فرد جديد في عايلتنا الصغيرة..رح يجي ثمرة حبنا و اخيرا رح تدخل الفرحة لعايلتنا الصغيرة..
راني حامل في الاسبوع السابع و الطفل بصحّة جيدة الحمد الله.. مع الأول حسبت ضربني البرد و لا ني مريضة بكاش مرض فيروسي..باسكوكنت ندوخ و نتقيا بزاف و ماكنتش نخمم في الحمل و الصغار..حتى البارح رحت درت تاست و عرفت الي انا حامل..حاملة طفل في الرحم تاعي قلبي راه يفرفر بالفرحة..بغيت نزقي و نعيط بأعلى صوتي و اخيرا وليت ملكو رسميا..رح نولي مامات ولدو.. رح يجينا فرد جديد ينشر الفرحة في عايلتنا..
باغية نشوف ردة فعله تعابير وجهه كي يعرف الي رح يولي اب..نحوس نضحك و انا نشوفو مشوكي من الخبر الي مكانش يستنا فيه.. مزية رح نضحكو شوية.. بصح معلباليش اذا رح يفرح كيما انا و لا رح يكون عندو رد اخر.. مانيش عارفة مامبا كيفاه هي علاقتو مع الصغار.. مي ولدو قطعة منو اكيد رغم كلشي غادي يبغيه و يحطو في عينيه..من الاحسن اني نصور فيديو و انا نخبر فيه يبقالنا ذكرى نتفكروها في المستقبل..و منها نصور ردة فعلو في اللحظة الي يعرف بلي رح يولي اب لأول مرة..بلاك كي يكبر ولدنا و لا بنتنا شوية نوريلو فرحة بوه كي عرف الي راهو جاي لهاذي الدنيا..نحوس نحكم وجهو بين يديا و نقولو واه صح واش سمعت رح تولي عندنا عايلتنا الخاصة..باغية نستمتع بكل لحظاتي معاه..كي يقرب و يحضني بين ذراعيه و يقولي راه فرحان الي رح يجينا طفل يداعب خدي و هو يمسح دموعي و يتبسم و يقولي الي كل شي رح يكون بخير و رح يبقا معايا مهما صرا .. ياعمري من دوك و انا نتخيل في ذيك اللحظة..بصح و اذا مافرحش و لا كانت ردة فعلو عكس واش راني نتوقع؟!بقا هذا السؤال خانقني و انا نسيي نهدي روحي و نتفائل الي مراح يصرا والو..
دخل ريان على التسعة تاع الليل رحنا عند اختو الي راهي حامل هي تاني..كان ريان يهدر معاها و يتناقشو على البيبي و هو يزعق عليها كيفاه رح يفسدهولها..خبرتنا اختو الي البارح راحت للطبيب و عرفت جنس البيبي الي كان طفل..
-ماتخافش ماماتي باباك غادي يتهلا فينا..
هاذيك الليلة قاع مارقدتش من الفرحة قعدت حاطة يدي على كرشي و نهدر مع البيبي تاعي.. سبحان الله كيفاه في ليلة وحدة تعلقت بيه قاع هكا..اكيد ماهو ولدي و قطعة مني و ثمرة حبي.. بالرغم من اني كنت غارقة في بحر افكاري.. الا اني قدرت نشوفو و هو يمشي جيهة الباركينغ كان يصفر و هو يدور مفتاح لوطوتو على صبعو..ههه باينة رح يكون اكثر اب جذاب..تبسمت و انا ساهية و نشوف فيه..كان شباب بزاف..كان لابس سروال جينز اسود و تريكو ابيض و شعرو مشعطط.. دروعو باينين و على شفتو ابتسامة باهتة.. بلاك كان يفكر فيا.. كان حاسب رح نكون تم في البارك نستناه تماما كيما كل نهار.. شفت فيه شوية و من بعد عيطت عليه.. طولت عليه شوية موالفة نجي في الوقت.. قعدت نعيط باسمو مي ماسمعنيش..