بعد ساعتين بدات ريا تفطن مع الاول كانت تشوف كلش فلو حتى فتحت عينيها لقات كلش بيض و سيروم لاسق في يديها و بنادم راقد على كرسي حداها مي كان مهبط راسو ماعرفتش شكون و مام مافهمتش وين راهي اول حاجة خممت فيها هيا بنتها ماريا..
ريا: ماريا.. ماريا.. ماريا وين راهي
مراد فطن على صوتها..
ريا: فطنتي اصبري نعيط للطبيب..
ريا: مراد علاه راني هنا ووين راهي ماريا دوك تكون خافت خليني نروح عندها
مراد ماسمعلهاش و راح يعيط للطبيب..
و هو خارج تلاقا بالطبيب في الكولوار الي في هذاك ليطاج..
مراد: دكتور راهي فاقت ريا..
طبيب: اوك هيا نروح نشوفها..
طبيب: ممرضة شوفي التعايير تاعها و جيبيهملي..
ممرضة: حاضر دكتور..
بعد ماكملو هدرة و قال للممرضة واش يلزم تدير راحو لبيت ريا لقاوها راقدة ماداوهاش فيها الطبيب راح لخدمته و مراد كان عنده شغل خرج اما ريا قعدت وحدها..
مراد: الو وي راكم في المقر؟
ليام: وي بوس و نوح راه وين قتلي..
مراد: اوك راني جاي
ليام: اوك.. و كوبا..
راح ليام حارق الطريق للمقر تاعو اما الحضرات تاعنا في هذاك الوقت استغل الفرصة و دخل يشوف ريا لقاها راقدة مي قادرة تسمع..
حضرات: توحشتك بزاف يا ريا اسمحيلي ماقدرتش ننقذك اليوم اسمحيلي الي جامي كنت معاك في وقت الحاجة و الله خفت عليك خفت اذا نخسرك بعد مالقيتك خفت كشما يصرالك و تخليني عبالك الي انا مانقدرش نعيش بلا بيك بعدك مدمرني مانقدرش نقرب ليك مانقدرش نعاونك مانقدرش نوقف معاك عييت ياريا عيت معادش قادر نتحمل صبري خلاص يا ريا انا بلا بيك عايش و انا ميت جثة بلا روح ارجعيلي يا ريا نحبك..
في هذا الوقت ريا كانت بدات تفطن و سمعت كلشي مي لعبت روحها راقدة و هي قلبها يرفرف بالفرحة هيا تاني مزالها تحبو مي ديما تنكر بسبت الي نخدعت قبل.. مي خلاها حايرة بعد قاع الشي الي دارهولها دروك يجي يقوللها لكلام هذا ممكن اليوم تاني راه يكذب عليها كيما كذب قبل ممكن يجي نهار و يروح و يخليها كيما قبل ماتقدرش تعاود نفس الغلطة على جالها هيا و علاجال بنتها مزالها صغيرة و ماتقدرش تتحمل صدمة و هيا في هذا السن.. بعد ماكمل كلامو و جا خارج فتحت ريا عينيها و قالت..
ريا: الماء.. عطشت..
رجع كبلها الماء و عطاها تشرب.. بعد ماشربت..
ريا: واش جيت تدير هنا؟ مانيش محتاجتك توقف معايا ربع سنين و انا وحدي مع بن
ريان: مع شكون؟
ريا: مع حتى حد مع مع عايلتي و خدمتي ديجا واش دخلك مع شكون وااش دخلك فيا و علاه جيت روح اخرج عليا مانحتاجش صدقة..
ريان: هههه عيطولي من السبيطار باسكو مالقاوش لشكون يعيطو 🙂و انا جيت برك قدامهم يعني مجيتش علاجالك نتي..
ريا: كان هنا مراد كانو قادرين يعيطولو😡 صحا و دروك اخرج عليا مانحبش نشوف كمارتك قدامي
ريان: ههه ماتنسيش انا المدير تاعك..
ريا: و ماتنساش رانا في السبيطار ماشي في الشركة يعني مكااه تطلق عليا حلاوتك ايا برا..
ريان: اوك ربي يهديك و يشافيك..
ريا: اجمعين يارب.. ايا برا🙂
خرج ريان و راح قعد في كرسي الي في هذاك الكولوار مايقدرش يروح و يخليها وحدها و هيا في هاذي الحالة ..
ريان: الحمد لله ياربي الي ماعرفوهاش هياشكون اما كون راهي راحت فيها 😔..
أنت تقرأ
آعطـنيـﮯ فرصـةّ ثـآنية.. 🖇❤(متوقفة حاليا)
Short Storyاعطيني فرصة ثانية 🖇❤... باللهجة الجزائرية.. ❤Ⓦⓐⓕⓐⓐ❤
