هلوو ياحلوين.. كيراكم لباس.. تفاعلوو.. و عطوني رايكم في البارت.. بسم الله..
بعد اربع سنين.. -آنسة قادر.. اختاروك كمناورة لمشروع في المعهد العالمي للتكنولوجيا في جامعة نيويورك و غادي يوفرولك مبلغ كبير كراتب مقابل خدمتك و مجهوداتك.. واش رايك؟! .. رح تقبلي هذا العرض و لا ترفضيه كيما رفضتي العروض الي جاوك قبلو؟! سقساني الرئيس.. هو رجل في منتصف الخمسينيّات من عمره كان بمثابة اب ليا اكثر ما هو رئيس.. لقاني ولدو نهار فقدت الوعي و طحت في وسط الطريق.. داوني للسبيطار و قعدو يستناو عند راسي حتى فطنت.. تعرفت عليهم و عرض عليا الاب اني نروح معاهم للدار مع الأول رفضت الفكرة و لكن بعد اصرارو و بعد ماخممت الي معنديش وين نروح و انا حاملة طفل في كرشي قررت نروح معاهم.. رحنا للدار الي كانت كي شغل جاية قصر.. شابة بزاف تهبل ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تعرفت على مرتو الي رحبت بيا الحق كانت مرا حلوة كي لعسل..عرض عليا الرئيس اني نخدم في الشركة نتاعو و بحكم الي كنت محتاجة خدمة في هاذي الفترة باه نقدر نكون نفسي من جديد و نوجد حياة طبيعية لولدي الي جاي.. قبلت الخدمة و وليت نخدم في الشركة و من هذاك النهار وليت فرد من عايلتهم لحنينة يعاملوني على اساس أني بنتهم نفس المعاملة كيما ولادهم.. ملي عرفتهم مكانش نهار فرقوا بيني و بين ولادهم ديما يخمموا فيا و عليا و يخمموا في راحتي و مصلحتي.. كانوا يستناو وقتاش نولد على احر من الجمر ههه شغل راهم يستناو في حفيدهم يتزاد.. عندو ثلاثة اولاد..كلهم كبار عليا..ديما يحاولوا يحميوني اكثر من اللازم يعتابروني اختهم.. الرئيس يوسف محترف بزاف في خدمتو.. بعد كل شيء.. هو الرئيس التنفيذي هنا و عندو ثلث شركات كبار من غير هاذي الشركة..ولادو هوما الي متكلفين بالشركات لخرين و هوما تاني ناجحين في خدمتهم بزاف..تماما كيما تمنى.. هو ديما يفتخر باولادو و يزوخ بيهم.. و يحوس يشوفني محترفة و مجتهدة في خدمتي كيفهم و اكثر .. يشوفني مستقلة.. يفتخر بيا قدام الناس على أساس أني بنتو.. -معلباليش بابا يوسف.. مانعرف حتى واحد تم.. و نظن ماعنديش الشجاعة الكافية باش نتلاقا أشخاص جدد.. - يوسف: هيا ريا.. ماتخافيش مراد رح يروح معاك و مراحش يخليك وحدك.. مراد: اكيد ماحش ترفضي عرض و فرصة كيمن هاذي باسكوما تعرفي حتى حد تما..و انا نجي معاك.. بصح ممكن تكون هي رفضت انها تسافر على جال الخدمة باسكو ماهيش باغية تحس روحها وحيدة و مهجورة و لا تفتقد عايلتها لحنينة الي توالفت بيهم معاها؟!..خاصة و هي ام عزباء.. السيد يوسف: نظن الي نتي راكي خايفة و تحاولي تقنعي روحك الي ماحش تقدري تروحي و لا تكملي هاذي الخدمة.. خممي مليح و حاولي تستغلي هاذي الفرصة الي جات حتى لعندك.. تنهدت بعد ماسمعت كلامو.. عندو الحق..مانقدرش نروح و نخلي هاذي لبلاصة.. هنا عندي بزاف ذكريات.. مزال ماقدرتش ننساها و محال اذا راح نقدر ننسا.. بقيت ساهية و نخمم في كلامهم.. صح لازم نستغل هاذي الفرصة حتى نطور من نفسي و خدمتي و نحاول ننسى الذكريات و الاحداث الي صراولي من قبل و نبدا حياة جديدة.. متكونة من.. بنتي.. خدمتي.. و عايلتي.. يوسف:ريا لازمك تكوني قوية على الأقل على جال بنتك..ديجا اني وجدتها وين تقرا و سقدتلها لكواغط و سجلتها في احسن مدرسة في نيويورك..ياك هذا عامها الأول.. ههه العفريتة كبرت فيسع.. -هههه صح.. كبرت فيسع.. يوسف:اذا قبلتي العرض رح نكون اسعد رجل على وجه الأرض او بالاحرى أسعد أب.. ممكن ماكيش معتبرتني باباك .. لكن انا معتبرك بنتي و رح تبقاي دايما بنتي.. و دايما رح ندير الحاجة الي تكون في مصلحتك و مصلحة بنتك.. للحظة تفكرت والديا..غرغرو عينيا بالدموع..هودت دمعة و لحقوها لخرين يتسابقو على خدي..تخلاو عليا و انا في امس الحاجة لحنانهم.. كنت محتاجة غير حد نتسند على كتفو و نحس بالامان.. عايروني و قالو عليا اقسى كلمات سمعتهم في حياتي و من والديا مزال لدوك حرقتهم في قلبي.. ماقدروش يتقبلو بنتهم و حفيدتهم.. بغاو نجهض البيبي تاعي باش يخلوني معاهم في الدار.. على هاذي خليت دارنا نهار لقاوني بابا يوسف و خويا مراد طايحة في الطريق.. يوسف: ماتبكيش يا بنتي.. كل شي رح يكون بخير ان شاء الله..و قف من بلاصتو و فوت يدو على ظهري يحاول يطمني و يهديني.. -واش قررتي؟! تروحي ولالا؟!.. سقساني مرة اخرى و عيونو مليانة تفائل و امل..مابغيتش نخيب امله فيا..وافقت اني نسافر.. اكيد رح نروح و رح نتمم المهمة و رح نكون فخر ليك بإذن الله.. يوسف: يا بنتي راني متأكد الي رح تلقي راحتك تما اكثر من هنا و رح تعيشي حياة شابة و تكوني فرحانة ان شاءالله.. كون شفت الي هذا القرار رح يأثر على حياتك بالسلب راني مانبعتكش يا بنتي.. تبسمت معاه و سقسيتو.. -وقتاش رح نسافرو لنيويورك؟! يوسف: غدوة ان شاءالله رحلتكم رح تكون على العشرة و نص تاع الصباح..حجزتلكم التذاكر من قبل عبر البريد باسكو كنت متأكد الي راح تاخذي القرار الصحيح و الي راح يكون في مصلحتك.. - بصح علاه نروحو غدوة؟!. هز كتافو و شاف فيا بنظرة بريئة بلا مايجاوب.. هههه كان مخطط لهذا الشيء من قبل.. باينة كان متأكد الي راح يقنعني.. وصلت لداري غير وصلت حتى نسمع صوت بنتي الي في عمرها ثلث سنين جاية تجري لعندي و مادتلي يديها تحوس تعنقني.. -ماما!..ماما صح وليت نحس هاذي الدار داري..حسيت فيها بالامان و الحنان.. عندي ثلث سنين و انا عايشة معاهم هنا يعني ملي زيدت ماريا..رفدتها بين يديا و قرصتها من خديها المنفخين..ههه مسحت خديها بيديها.. جات عمتي نجاة داتها من بين يديا.. ماريا هي حفيدتهم المفضلة.. ريا.. دوشي و اهودي تتعشاي.. اوكي ماما ندوش فيسع و نهود قتلها و رحت لبيتي دوشت لبست و هودت..لقيتهم قاع دايرين على الطابلة و بدينا ناكلو..كانت ماما توكل ماريا الماكلة الي تبغيها.. دجاج.. ماما.. ماكليتي والو.. جيبيهالي انا نوكلها و نتي اتعشاي براحتك.. ماردتش عليا زعما لعبت روحها ماسمعتنيش و قعدت توكل في ماريا..شاف فيا بابا و تبسم معايا يحاول يهديني.. غمضت عينيا و فتحتهم شغل نطمنو.. و بشوفتو كان عطاني الاشارة باش نخبر ماما الي رح نروح نعيش في نيويورك.. ممكن تزعف الي رح نروحو مي اكيد بابا رح يقنعها كيما قدر يقنعني.. تعشينا في وسط الصمت الي خيم علينا قاع كنا ساكتين من غير ماريا الي كانت تلعب و تهدر و تخربش هههه.. -طلعت ماريا على الجيهة اليمنى من السداري تاعي و رقدت.. دايما ترقد معايا..لبست بيجامتي كي جيت رايحة ندخل في فراشي سمعت الدقديق عند الباب.. -ادخل.. دخلت ماما و غلقت الباب وراها قعدت على حافة السرير.. قربت من ماريا باستها و غطاتها..مابغاتش تنوضها.. قاتلي باش نروحو للبالكون..خرجنا قعدت هي و انا قعدت ساندة راسي على كتفها..مسحت دموعي و قالت.. -علابالي يا بنتي الي ماشي ساهلة عليك تروحي و تخلي كلش وراك.. بصح باباك راه يدير هكا على جالك و يحوس على مصلحتك.. حاولت تريحني بالرغم من انها هي الي كانت محتاجة للراحة ..ديت يديها لزوج و قعدت نرسم دوائر صغار بصبعي.. -و انتي؟!.. هزت راسها.. مابيا والو مكانش مشكل..الحاجة الوحيدة الي تهمني هيا سعادتكم نتي و حفيدتي..كي نشوفكم فرحانين عندي الدنيا و مافيها.. - ماتخافيش علينا.. ان شاء الله غادي نكونو فرحانين.. عنقتها و هي بادلتنا العناق.. -لميتي كسوتك في كاباتك؟!.. واه ماما وجدت كلشي لميت صوالحي و صوالح ماريا و وجدتهم.. -صحا.. ارقدي مليح.. غدوة تنوضي بكري.. قالت و باست ماريا من جبينها خرجت و غلقت الباب وراها..رحت جيهة سريري طولت روحي حدا ماريا عنقتها و غمضت عينيا و رقدت.. يوم السفر.. وجدت قرعة تاع الماء و وجبات خفيفة في الكابة الحمرا..لميت العابها قاع في كابة خضرا صغيرة..وجدت صوالحي و بدات ماما في المحاضرة تاعها كي العادة.. ماتديش صوالح من شخص ماتعرفيهش و ماتهدريش مع ناس ماتعرفيهمش من غير الخدمة تاعك.. ماتبعديش على ماريا و خليها بجنبك دايما.. حاول بابا يقنع ماما و هي تمسح في دموعها.. بابا:راهي رايحة لنيويورك.. يعني 8 سوايع برك منا لتم..ماشي بعيدة بزاف كي تتوحشيهم نروحو نشوفوهم.. كنت باغية نبكي مي تقويت على جال ماما و ماريا باش مانقلقهمش.. -ماتخافيش ماما.. غادي نكونو بخير ان شاءالله.. و وقت ما تبغي ارواحي زورينا.. حاولت نطمنها بصح صوتي كان مخنوق فيه بحة تاع بكا.. -ريا..وقعي هنا.. جاب بابا وحد الملف و قالي نسنيي عليه.. -شا هذا بابا؟! سقسيت و من بعد فتحت هذاك الدوسي.. -هاذي الكونترا تاعك مع الشركة.. عندك عقد صالح لمدة عامين.. على هاذي وقعي باه نرسللهم العقد.. وافقت على هدرتو ووقعت لوراق.. -غادي يتلاقاك صديق مقرب ليا كي توصلي للمطار رح يديك لدارك..كوني قوية يا بنتي و اتهلاي في روحك و في بنتك و في اقرب وقت ان شاء الله رح نجو نزوروك.. ربت على كتفي و تبسم معايا..ودعتهم و رحنا للمطار.. تنهدت تنهيدة طويلة و دخلت الطيارة انا و بنتي..رح تكون بداية جديدة و حياة جديدة.. رح نعيشو انا و بنتي ماريا حياتنا بسعادة.. او على الاقل نتمنى هذا الشيء.. يتبع.. تففاااعلووو... رايكم في البارت في كومنت و خلونا نجمة شابة ✦.. بباي ❤💋
