اليوم هو 8 مارس..اليوم رح نحتفلو بعيد المرأة.. اليوم هو يومنا الخاص بينا حنا لبنات و بس..قاع لبنات كانو لابسين كي الأميرات و حاطين الحطة..لبست غوب صواري غوز طويل و سامبل و حزام ملفوف على خصري بارزو اكثر غليظ و متناسق مع الغوب زاد جمال على جمال الغوب و شق عند الفخذ مبين رجلي.. برغم بساطة الغوب الا انو قدر يبين انوثتي و تفاصيل جسمي.. مع مكياج خفيف و تسريحة شعر شابة سامبل وليت زلة تاع الصح..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شفت في المراية و انا راضية كل الرضى على المظهر تاعي..خرجت ركبت في اللوطو متوجهة للجامعة.. و بعد وقت وصلت عند باب الجامعة.. قاريت اللوطو في البارك عدلت مكياجي و تنفست شهيق و زفير شديت صاكي و خرجت متوجهة للحرم الجامعي.. كنت نتمشا و انا راسمة ابتسامة كبيييرة على وجهي..و انا نمشي تلاقيت بديلان كبير الطلاب في الجامعة.. كان وعدني الي راح يقدمني في حفلة اليوم.. قال الي راه محضرلي اكبر مفاجأة ليا..زعما راح تكون حاجة كبيرة و مثيرة؟!تاع الصح تحمست باش نشوفها.. ديلان شاب شباب طويل و عريض خمري و عينيه كحلين..و شعرو بني.. بصح تاع الصح هو فارس أحلام كل بنت في عمري..ملي دخلت نقرا في الجامعة و انا نشوف البنات دايرين بيه كل الاضواء متسلطين عليه.. ديلان..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كان مرات كي يكون عندو وقت فراغ يجي يقعد معايا ولا نروحو نحوسو في بلاصة ما يروح مع اصحابو.. كان قريب ليا بزاف الي مايعرفناش يقول الي حنا كوبل.. هههه بصح بسبتو لبنات ولاو يغيرو مني بزااف .. -رياا.. سمعت صوت صحبتي نهاد تنادي عليا بينما جيت نتلفت لعندها لقيتها معنقتني ههه قريب تطيحني.. يا الكلبة كي راكي شابة.. تهبلي.. باينة غادي يركع على ركبتو و يعرض عليك الزواج اليوم محال يزيد يصبر ياختي راو عندو وقت و هو حاط عينيه عليك.. هههه بقرة فمها متبري منها و انا وليت حبة طوماطيش 😓😂..مشينا لقاعة لحفلة مع بعض و حنا نحكو و نضحكو موضوع يجبد لاخر حتى وصلنا للقاء تاعي البارح مع هذاك ريان.. -صايي نيهاد ماشي دروك وقت هذا الموضوع.. حذرتها كي حسيتها رح تبدا تهدر على واش صرا بيني و بين ريان.. و مع كل شيء هي تاني كانت سبب في واش صرا.. بفف بقرة مع اني حذرتها باش تسكت بصح فمها ياكلها و جلدها راه يحكها خصها طريحة تاع الصح.. عييت و انا نغلقلها في داك الفم لمشرك بصح والو بلا فايدة. لا حياة لمن تنادي المهم خاصها تهدر واش باغية و ماتخليهاش في قلبها.. -امم هاو وصل روميو تاعي.. كانت تريش لواحد مانعرفوش بعدها قرصتني من خدي و راحت تجري هاربة مني.. هزيت راسي و تبسمت و رحت نمشي جيهة الكولوار.. و انا نمشي شفت ديلان واقف يهدر مع اصحابو حدا خزانة كبيرة.. عدلت روحي و رحت نمشي جيهتهم.. -اهلا ديلان.. كي وصلت عندو ناديتلو باسمو تلفت يشوف فيا.. و انا بلا ما نفطن حليت فمي هاك 😮 كان يبان كيما امير خارج من قصص ديزني.. غير شافني جمد في بلاصتو مسكين..كان يطلع و يهبط في جسمي كلاني بعينيه.. ماقدرتش نتحمل و خدودي حمارو وليت كي الطوماطيش مرة اخرى.. يا ربي.. منعرف كي ندير مع هاذ الحشمة غي شوية نولي حمرة رح نطرطق.. واو واااو واااااااو 😮 -هههه ديلان 🤭 -يااا راكي شابة الله يبارك.. ياجدك منين جبتي قاع هذا الزين.. قريب ماعرفتكش راكي شابة خير قاع من الي راهم هنا..(ياك اوجة الطاسة تسما هذا وين شابة من قبل ماكنتش شابة؟! صحا اعقل عليها مليح😡😡).. -ربي يحفظك🤭.. بصح ماشي لهاذي الدرجة واقيل راك تزيد عليها شوية 😒خبطتو لذراعو مي الضربة كانت خفيفة.. شبك ذراعو بذراعي و قال.. -ايا ايا نروحو.. كنت رح نسقسيه لوين رايحين بصح خفتو يتنارفا عليا ايا بدلت رايي هزيتلو براسي و رحت نتمشى معاه..كان علابالي بلي رح يديرلي مفاجأة علابيها مابغيتش نفسدها بأسئلتي الغبية..وصلنا للقاعة وين رح يديرو الحفل و لقينا مجموعة من الطلاب متجمعين تم..جرني جيهة المسرح وين كانو دايرين منصة طلع فوقها و طلعني معاه.. ادا المايك من يد الراجل الي كان يغني و قال.. -مرحبا.. سيداتي سادتي..قال هكا بينما سعى للفت انتباه كل طالب حاضر في ذيك القاعة..بعدها قال.. -بي نخبرك بحاجة مهمة قدام كل الطلاب الحاضرين.. شاف فيا و تبسيمة مرسومة على شواربو..كان علابالي واش رح يقول بعدها او بالاحرى كنت متوقعة كلامو ركع على ركبتو قدامي و شد يدي اليمنى باسها بحنية و قال.. -تقبلي شرف انك تكوني حبيبتي؟!!. سقساني بطريقة رومنسية مع الاول ترددت معرفتش واش نجاوب.. صراحة انا هاذي شحال و انا باغية نكون معاه... بصح دروك كي جات للصح خفت.. -واه نقبل.. بغيت نزقي بأعلى صوتي.. بس يافرحة ماتمت فجاة سمعنا صوت قاطع أحلى لحظات عمرنا..شغلو فيديو على الشاشة الكل سكتو..ترارارارا ترارارارا ترارارا (اسراء واش رايك بب 😂😂😂 خرجتلك خرجة مالطرف اه 😉) كان فيديو لبنت و راجل البنت كان بادي على وجهها ملامح الخوف و الرعب و القلق و كل شعور خايب..و كان راجل واقف اونفاص ليها و شاد حزام غليظ في يدو و عاطينا بالظهر..كان يضرب هاذيك البنت بلا رحمة ولا شفقة و هي مسكينة تترجى فيه باش يحبس و يخليها تروح..عنفها بوحشية..حتى فقدت وعيها و طاحت في الارض..غي دار هذاك الراجل وولا مقابلنا قاع الي كنا في القاعة شهقنا شهقة وحدة عالية من الصدمة.. غطيت على فمي و نزلو دموعي شلال على خدي..ماقدرتش نآمن.. مستحيل.. الراجل الي كان واقف اونفاص هاذيك البنت هو ديلان.. ايه ديلان..فتحت عينيا على وسعهم و انا نشوف فيه مشوكية من واش شفت.. بينما كان يشوف في هذاك الشخص الثالث الي كان واقف حدانا على المنصة و مشغل الفيديو و شاد في يدو جهاز التحكم عن بعد شوفة تاع موت..درت نشوف في هاذيك البنت مليح و بلا مانشعر خرجت شهقة من فمي.. حاولت نكبت شهقاتها لكن ماقدرتش.. اسم هاذيك البنت ياسمين.. بنت شابة و لطيفة بريئة و قلبها صافي..هي طالبة سنة اولى هنا.. قبل سمانة بدلت الجامعة و راحت تقرا في جامعة وحد أخرى..كل هاذي الايام هذا الغبي كان يستغفلنا و يعذبها مسكينة حتى هججها خلات الجامعة و راحت..غي خممت في واش دارلها حق ربي غير مرضت.. عيفتو بغيت نتقيا(ما باغي نتقيا😂😂)..كيفاه كان خادعنا بقناع الملاك..بداو سيناريوهات و اسئلة يتشكلو في مخي.. كيفاش؟!و علاش؟!ووقتاش؟! و كون هذاك الشخص ماكشفش وجه ديلان الحقيقي و خبثو و حقارتو و هويتو زعما كان راح يصرالي كيفها؟!كنت رح نولي في نفس وضعيتها؟! كان راح يعذبني كيما عذبها؟!تنهدت تنهيدة طويلة و رحت نجري جيهت الراجل الي انقذني من الجحيم الي كنت رح نعيش فيه لولا مساعدتو.. انقذ حياتي..عنقتو و لفيت يدو على خصري.. زادت نبضات قلبي بسرعة جنونية.. بمجرد طلعت راسي و شفت في وجهو تشوكيت اكثر..جسمي كلو تخدر..درت فلتت روحي من بين يديه و رحت نجري هاربة بلا مانفطن..ريان الرجل الي صفعتو مزالو يحاول يعتذر مني بكل الطرق.. ريان هو الي جاب الفيديو... و هو الي انقذني من لعذاب قبل مايبدا..فات شهر على الحاذثة و ريان مزالو على نفس الحال و كل خطرة يحاول يعتذر بطريقة.. مرات يكتب اسمحيلي على الحيط و مرات يعطيني بطاقة مكتوب فيها اسمحيلي.. و مرات يجيبلي وردة حمراء..لكن كنت دايما نتجاهلو.. طول الوقت..حتى بعد وحدو .. كنت حاسبة الي تصرفات كانت عبارة عن مسرحية حتى يخليني نثيق فيه.. رصح اليوم برهنلي صدقو و انقذ حياتي من هذاك الكلب ..معرفتش كيفاه حتى وصلت للحمام المخصص للنسا..غير دخلت خليت كل الامي على جنب و وقفت حدا لمراية نخمم بعقلي.. بالرغم من اني معطيتوش فرصة حتى يثبث براءتو.. الا انو دار اكثر من اثبات البراءة..بقيت مدة اطول في الحمام مسحت دموعي كلها بيدي و غسلت وجهي.. باسكو مكياجي مسكين كان قريب يتخصر.. و هذاك الرخيس مايستحقش اني نذرف حتى دمعة وحدة علاجالو..و بعد كل شيء اليوم هو يومنا.. يوم المرأة لازم علينا نكونو قويات..و على هاذي حنا نحتفلو بهذا اليوم.. حتى نبقاو ديما قويات و معتمدات على رواحنا.. غير خرجت من الحمام دخلت في وحد البنادم تحسب حيط كنت رح نطيح.. حتى شديت كتفو و تبثت روحي باه مانطيحش.. حسيت بقشعريرة باردة تسري في كامل جسمي كي حسيت بالدفئ و الحنان..اكيد هو هو.. غير شفت فيه بديت نبكي بهستيرية.. -واش راكي مليحة؟!.. -هو مايستاهلنيش.. ربت على كتفي يحاول يواسيني.. ا
سمحلي..همست و انا نشوف في لرض حشمانة نطلع عينيا فيه و نشوف وجهو..رفع ذقني بيدو و خلاني نشوف في عينيه الزروقا.. ديراكت في عينيا.. -ماشي الخطأ تاعك ريا. مكان مادخلك في واش صرا.. مكانش في نيتي اني نآذيك..شحال من خطرة سييت نخبرك عليه بصح ماعطيتينيش فرصة.. على هاذي مبقا عندي حتى خيار اخر من غير اني نشغل الفيديو على المسرح قدام جميع الطلبة كي كان رح يعرض عليك انك تكوني معاه.. هو تاع الصح مايستاهلكش.. مسح دموعي بصبعو.. حسيت بالراحة من كلامو و لمستو الحنينة.. -شكرا ريان.. ربي يحفظك.. قلت و الابتسامة ظاهرة على وجهي.. -بلا مزية.. بصح هذا الشيء يعني الي حنا ولينا اصدقاء.. ياك؟! شاف فيا بنظرة كلها امل و رقة هزيت راسي بالإيجاب.. و بعدها قال.. -امالا هيا نروحو نحتفلو بصداقتنا و خرجني من الحرم الجامعي.. يہتہبہعہ.. سلامعليكم.. صحا عيدكم و كل عام و نتونا بألف خير.. تعيدو و تعاودو ان شاءالله.. امم كيراكم لباس.. بغيت نقولكم عبالي الي البارت شوية سامط و مافيهش بزاف تحداث مي قدمو ارائكم بليز و تفاعلو.. شكراا 🌹.. بباي.. تصبحو على خير..❤..
