آعطـنيـﮯ فرصـ‏‏ةّ ثـآنية.. 🖇❤(متوقفة حاليا)

.. 3..

-بفف كون غير نقدر نتلاقا هاذيك البنت..  ياجدك كيفاه تجرأت ومدت يدها عليك..  مزال لدوك ماستوعبتش واش صرا فما بالك نتا..
ديرونجاني اياد بهدرتو كي كنت نحاول نحط الكرة في السلة..  اووف فشلت مرة اخرى..  مانيش قادر نركز باسكو البغل تاع صاحبي راهو يشتت انتباهي و ماخلانيش نفرغ زعافي براحتي..(ريان مكانش مركز باسكو كان يخمم كيفاه هانتو ريا و يحوس ينتاقم)..
-معليش تسكت.. دروك رانا نلعبو كرة السلة..  مناش في واش صرا اليوم و لا واش دارت ديك ***و حسابها معايا طويل..  و دوك خليني نلعب براحتي و مكالاه تهدرلي على ذاك السوجي..
-بصح ريان قاع الي في الجامعة راهم يهدرو على واش صرا..  نقولو قدرت تسكتني..  و هوما كيفاه؟!..
قتلك بلع اسكت اردم مردومك ***..  خليني نلعب ولا نروح.. اما هدرت الناس ماتهمنيش و الا مانندمهم نتا برك اقعد على جنب و اتفرج.. 
زقيت عليه مررلي الكرة و قال..
-صحا رح نسكت.. كالمي روحك.. مي من بعد نحتاج تفسير لواش صرا.. ني رايح دروك.. تصبح على خير
-راك طولت..  و اخيرا جاتني فرصة نتنفس.. يابن عمي و شحال يهدر..

صراحة لازم نعترف اني تأذيت من ردة فعلها على واش صرا.. بعد ما صرا الحدث ضلت تطلب مني اني نعطيها التفاصيل المثيرة المتعلقة بيه.. مالقري خبرتها الي مكاين والو بيناتنا..راهي حاسبة الي انا و ريان رانا في علاقة سرية تدابزنا و هو جا يعتذر مني و باسني كتعبير عن اعتذارو  هههه بصح انا كنت زعفانة منو بزااف و صفعتو.. هكا قاع حللو القصة يعني جميع طلاب الجامعة كانت عندهم هاذي الفكرة كتحليل لواش صرا..و من بعد قاع هاذ الخرطي و التمهبيل جات عندي و قاتلي الي هيا فخورة بيا على شجاعتي.. لحد الان ماقدرتش نعرف اي نوع من الاشخاص هي..
خرجت من شرودي و كملت نلعب.. نبغي نلعب كرة السلة..كلما كان عندي وقت فراغ و لا كنت منارفي ولا حاب نصفي ذهني و نخمم و نقعد وحدي نجي كنت نخمم في واش صرا و في كبريائي الي راح بسبة وحدة ماتسواش..قررت نروح للملعب و نلعب بلاك يروحو هاذو الأفكارمن راسي.. عيطت لأياد صاحبي و رحنا ..مرات كانو يتحداوني اشخاص متخصصين في هاذي الرياضة باش نلعب معاهم ..و معظم الاوقات انا كنت نربح..كاين بعض الناس يتقبلو الخسارة شغل عندهم كي يربحوا كي يخسروا الحياة حلوة..و كاين الي يولو يكرهوك و يكرهو البقعة الي تمشي عليها على جال ماتش تاع كرة سلة😕.. كل هذا بسبب غرورهم (شغل نتا ماشي مغرور 😕😒)
عندي بزاف صحاب و كلهم قراب مني و يعرفوني مليح..انا ماشي شباب بزاف بصح لخرين يقولو الي انا شباب😒..
بعد ماكملت لعب رحت للدوش باه نبدل حوايجي بدلت و رحت عند غرفتها ..
كي خرجت من الغرفة لقيتو مسند على الحيط مطلع رجل على الحيط و ضام يديه لصدرو تجاهلتو و رحت نتمشى لعند خزانتي كي فتت قدامو جا وقف قدامو و قطع طريقي وقفت و هو وقف اونفاص ليا و قعد يطلع و يهبط فيا من الفوق للتحت و من التحت للفوق بعينيه الزروقا الصغار..تنحنحت باش نفيقو باه يوخر من طريقي..
-اسمحيلي..علابالي غلطت معاك اليوم..
هههه ما امنتش..واقيلا راني ننوم.. الاعب ريان المشهور جا حتى لعندي باش يعتذر مني..
-نورمال..
دورت عينيا و بعدت بينما كان واقف و يتبعني بعينيه.. نعرف كيفاه نتعامل مع هذا النوع من الاولاد..اذا سمحتلوا علابالي رح يستغل الفرصة و يتمادى اكثر و يجرؤ يدير ما اكثر..على هاذي من الافضل اني نتجنبو من الأول..