آعطـنيـﮯ فرصـ‏‏ةّ ثـآنية.. 🖇❤(متوقفة حاليا)

.. بارت 7..

هلوووووووووووووووو🙄😁 هواريو ام فاين اند يوووو (الحمد الله على نعمةالعربية كيما قالت كيمو😂😂) ايا رح نبدا بسم الله تفااعلو ياو 😓🥺🥺🥺بليييييييز😂 ايا باي😒مم ان شاء الله يعجبكم البارت.. ايا بسم الله.. 😁😍

✦ انا لست حزينة لكنني مرهقة..
فأنا لم أعد قادرة على أن أعود كما كنت..
فتلك الأحداث التي حدثت قد فعلت الكثير..
بجوف قلبي.. ✦

-••••-••••-••••-••••-••••-••••-••••-••••-••••-••••-••••-••••-••••-••••-
» رح نبدا من وين حبست الخطرة لي فاتت»
ريان:اخيرا راني فرحان بتولي ادارة الشركة.. غادي يكون وقت عصيب بالنسبة لينا قاع مي لازم مانستسلموش و نخدمو و نكونو الاحسن في هذا المجال.. كن سعيدا بما تعمل و اعمل لامتلاك ما تريد.. لازم كل يوم تتفكرو هاذي المقولة رح تزيد عزيمتكم و اصراركم على النجاح.. ان شاء الله يكون عندنا مشوار حافل بالنجاحات.. شكرا لحضوركم و لحسن الاصغاء تقدروا تنصرفو دروك..
كان يقول كلماتو و يشوف فيا علابالي بهذا لكلام راح يستفزني بصح مايهمنيش.. قريب رح يتعرف على ريا الجديدة و يعرف الي ريا الي كان يعرفها قبل راحت بحح...
بعد ماكمل الاجتماع كل واحد وين راح الي راح للبوفيه و الي راح يكمل خدمتو اما انا فرحت للبيرو تاعي قعدت حيلي مهدود منهكة و قلبي واجعني قاعدة ساهية في واش راح يصرا من بعد ما رجع.. اوف ريا لازم تتقواي على الاقل على جال بنتك باش تقدري تحميها لازم نكون قوية ماديا و معنويا.. مانسمحلوش يتحكم في حياتي و لا حياة بنتي..
اكرام: سلاام راكي هنا! حوست عليك في كل بلاصة و مالقيتكش..

كنت شاردة في عالمي الخاص غارقة في بحر افكاري حتى فطني صوت اكرام من سهوتي..(لبابر غرقولها 😂😂😓)
ريا:ههه هاني غير هنا.. قوليلي علاه كنتي تحوسي عليا؟!..
وركت و حطت يديها على فخادها و قعدت تشوف فيا و تزورني بعينيها حسستني كلي ارتكبت جريمة 😐😕
اكرام: مالكي ريا؟؟راكي مليحة؟!
قعدت قدامي وسقساتني بعدما شافت وجهي الي كان اصفر كي الليمون و العرق يتصبب مني يااع مافهمتش قاع شاصرالي و قلبي كان يدق بالخف يترعد (فلون بتشيكولا يترعد مولاي😂😁 النوري ربي يرحمو😓) بصوت مسموع..
ريا: مابيا والو كيمو ماتخافيش غير تقلقت على ماريا هذا مكان🙄😅..
كذبت عليها باه نطمنها ماكنتش قادرة نحكي عليه ديجا ماحكيتلهاش على الماضي تاعي وواش صرالي مزال مانعرفهاش مليح و مانحبش نهدر في اموري الخاصة مع كاش واحد مي حسيتها ماقتانعتش..
اكرام : علابالي كاينة حاجةمقلقاتك.. كي تحسي روحك واجدة باش تحكيلي و تفرغي قلبك راني هنا مرحبا بيك في اي وقت..على كل هيا نروحو..
بعد ماكملت كلامها شدتني من يدي و جات رايحة حتى وقفت و سقسيتها..
ريا :وين رانا رايحين؟!..
وقفت و شافت فيا وحد الشوفة تخلع طلعتني من التحت للفوق و قالت..
اكرام :علابالي من صباح ماكليتي والو..هيا نروحو للمطعم التحت تعرفي كاين وحد الماكلة تاكلي صباعك وراها شحاال بنينة 😍😍 هيا خفي خلينا نروحو..
خههه مهبولة غير هدرت على الماكلة عينيها ولاو قلوبة 😍 مي معليش نروح معاها نديرلها خاطرها نسييو الماكلة تاع هذا المطعم كي دايرة و نتهنا من هدرتها باسكو كي تبدي تهدر ماتسكتش تحسب بلعت كاسيطة😅😂😐
ريا : بصح اصبري مانروحوش لا ماشي تم يا اكرام علاه علاه..
بغيت نقوللها الي مانروحوش من الجيهة الي راه فيها السيد عبد الله مي بينما جيت نهدر لقيتو واقف قدامنا😓 .. غير دخلنا للمطعم شافنا و جا عندنا
محمد: الترتيبات كانت مليحة بزاف يا ريا.. بغيت نجي و نشكرك شخصيا.. شكرا ليك..
قرب عندنا شكرني على التحضيرات للإجتماع و قاع و عنقني حسيت كلي بابا يوسف راه معنقني 😅 و نفس طريقة الكلام و كلش يعني شغل حسسني بالأبوة.. خهههه بصح هذا وين كان زعفان مني.. بفف رح نهبل كي الأب كي ولدو مهابل بصح السي محمد ناس ملاح ماشي كيما هذاك حاسب روحو..المهم درت تبسمت مع كيموشتي الصراحة هي الي وجدت كلش انا مادرت والو كنت في البيرو تاعي قاعدة ننذب على زهري المسود.. غمزتلي و انا شفت في السي محمد و قلت..
ريا :هذا واجبنا سيدي و لا شكر على واجب و اسمحلي مرة أخرى على واش صرا قبيلا..
محمد : معليش بنتي ارواحي معايا نعرفك بولدي نظن متعرفتوش مليح قبيلا..خخخههههه رح نتعرف على طليقي ماتعرفتش عليه مليح من قبل 🙄🤷‍♀️😂😂 لاااااااااااااااااااااا ..لااااااا..لاااااااااااااااااااااا مانيش باغية نشوف كمارتو🥺😓..طبعا مغاديش نقول هذا لكلام لسي محمد اووف مشيت معاه حتى وقفت عند بوطو طوييل يدير مني 2 في الطول (هو الي طويل بزاف انا ماشي قصيرة) كان عاطيني بالظهر طلعت راسي نشوف فيه حتى شفتو واقف يهدر مع واحد..
ريا : واقيلا راه مشغول خلينا نروحو و من بعد نتعرف عليه مليح ممكن نديرونجيه دروك..
كنت نسيي نقنع السي محمد بلي راه مشغول و ملازمش نديرونجيوه مي في الحقيقة ماكنتش باغية نهدر مع هذاك المسخوط 😭..
محمد : لالا بنتي مراهش مشغول ديجا هذا وين قالي بلي كره.. من الافضل نعرفك عليه بلاك يحن قلبو شوية و يلتها معاك خير مايروح و يخلي الحفلة الي تنظمت على جالو ..
تبسمت معاه مي قلبي من الداخل كان يضرب بزاااف كنت خايفة و متوترة و مشاعر مخلطة في الداخل تاعي😂غير كمل كلامو حتى شهقت اكرام و بزقت الكوكا الي كانت تشربها مسكينة ياحي تبهديلة😂😂😂😐🥺و هذا كان رد فعلها على كلام السي محمد مع هي مافهمتش وااش يقصد كيفي انا مافهمت والو بصح معليش😁المهم فتحت عينيها على وسعهم و قعدت خطرة تشوف فيا و خطرة في السي محمد و خطرة في روبتها مسكينة تمرمدت 😂اعتذرت مننا و راحت للحمام باه تسقد حالتها 😅😓
محمد :ولدي منارفي شوية و صارم بزاف 😌..
انا لعبتها كي شغل مانعرفو ماوالو 😐😅 و لعبت روحي متفاجأة ايا حتى قال..
محمد : ني نزعق معاك ههههه ماتخافيش مغاديش ياكلك (واه واه مغاديش ياكلني كلي مانعرفوش هففف معليش دقيقة و نطير )
دار عند ولدو و نادى باسمو و شغل اشرلو باه يجي عندنا كنت نحوس نخرج من ذيك لبلاصة و مانهدرش معاه مانيش حاملاتو و سورتو قدام باباه مانقدر نقول والو ولا ندير كاش حاجة تمنيت الارض تنشق و تبلعني يااو نكرهو 🥺 مزيية جات اكرام في الوقت المناسب على الاقل نلقا واحد بجنبي هو مع باباه و انا نقعد وحدي و الله لا غاية المهم كان جاي جيهتنا كي ذاك الابن المطيع وصل عندنا وقف قدام بوه مامبا مشافش فينا مزال حاط راسو مع التلفون كان يكتب في ميساج واقيلا مالاحظش الي مرتو راهي واقفة قدامة سوري مرتو القديمة🥺🙂.. رسل هذاك الميساج و حط التلفون في الجيب تاع السروال و دار عند بوه رفع السي محمد حاجب و لاخر هز راسو شغل كانو يهدرو بلغة الاشارة او الاصح بعقولهم حسيتهم مستذئبين😂 ريا زعما صح كاين منها هاذي؟! زعما كاينين كيما هاذو؟! 😰
محمد: صحا وليدي..
ربت على كتفو و عرفنا عليه كي شغل😂
محمد : هاذي الانسة ريا قادر.. مديرة المشروع و شريكتنا و في نفس الوقت بنت عمك يوسف..اما هاذي فهي الآنسة إكرام كارا و الي هي المساعدة الشخصية تاعك..
مد يدو جيهتي باش يخمس معايا و انا كنت ساهية (قتلكم ملي عرفتها و هي ساهية 🙄😂) حتى قرصتني اكرام فطنتني عاد انتبهت بلي يدو ممدودة قدامي 🙂..
ريا: مرحبا رئيس..تشرفت بمعرفتك..
خمست معاه بادب و انا نتبسم رغم اني من الداخل كنت رح نطرطق في قلبي نار (في قلبي نار .. بلدي دمار.. كان لي حلم في بلد فانتهى .. الحقد ثار.. في وسط الحارة..احياءا كانوا في قصص صارت تروى على الأطلال 🎤🎤🎼) سوري تحمست شوية 😅😌المهم البغل الي مايسواش كانت عندو خطة في بالو قذرة كيفو هاذي حاجة باينة و غير شد يدي قعد يزير عليه قريب طيرو بغا يديه معاه للدار واقيلا كي شبع طلقو 🥺 🤷‍♀️
ريان : متشرفين ريا.. و مذابيك تعيطيلي ريان مانبغيش الرسميات و بعد كل شيء والدينا اصدقاء و عشرة عمر و انتي بنت عمي يوسف الي نحتارمو و نقدرو ياك هكا با ولا ني غالط..
محمد : اييه صح ياوليدي انا و عمك يوسف صحاب ملي كنا صغار و نتمنى تتهلا فيها ..
خههههه وليت نشتم روحي من الداخل ماني فاهمة والو شكون يتهلا في شكون ههه واقيلا الي مرمدني و كرهني في حياتي راح يتهلا فيا مستحيل ماهو اكيد راح يعيشني في جحيم..
ر