الماضي.. -ريا : صايي ريان حبس.. كنت نبكي و نزقي بصوت عالي بصح هو كان في عالم اخر مش واعي بالشي الي راه يديرو مكانش يسمعني كلي مانيش معاهم في ذيك لبلاصة و اللحظة..قعد يضرب فيه و انا نسيي نبعد فيه عليه حتى دمرني طحت و هو رجع يضرب.. -ريا: ريان.. ريان ربي يحفظك خليه دوك يموت بين يديك.. يا ريااان.. توسلت باش يخلي هذاك الراجل مسكين قريب قتلو.. بعد مطاح الراجل في الارض مصروع.. شاف ريان في عيني و انا شفت ملامحو و همجيتو كان كي الثور الهايج وحش خرج منو.. شاف فيا مليح و ركع قدامي.. -ريان: راكي مليحة؟!.. سقساني و هو يحجم وجهي بين يديه..غير مسح على شفتي المجروحة جفلت و هربت وجهي من بين يديه.. -ريان: هيا نروحو للسبيطار ريا ماكيش مليحة.. شبك يدي مع يدو و جا نايض باه يديني للسبيطار.. -ريا: لالا راني مليحة.. مكالاه نرو... -ريان: مكالاه تناقشيني ريا قلت نروحو يعني نروحو فهمتي!.. قال بقسوة الي مكانش مجال للجدال و الرفض نروح يعني نروح داني للوطو ركبني و ركب من الجهة لخرى..كان حذرني من قبل باه نبعد على علاء بصح ماعطيتش اهمية لكلامو.. ماكنتش حاسبة راح يوصل الامر لهنا و يصراو مشاكل.. اليوم عرضني علاء باش نخرج معاه و انا قبلت..رحنا مع بعض لمطعم شباب يطل على شط لبحر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كلينا شربنا و شبعنا الحمد لله.. كان يحاول يتقرب مني كلما تجيه فرصة بصح ماعطيتوش اهمية حتى قالي نهودوا للشط نقعدو شوية وافقت و هودنا لشط لبحر حتى بدا يقرب مني اكثر و يتحرش بيا و يقول كلام فاحش عنقني و جا راح يبوسني دمرتو تعتر في حجرة و طاح على راسو فقد الوعي ماوليتش نشوف طريق قدامي خفت خفت اذا رح نولي قاتلة روح حتى اذا مماتش رح نكون اذيتو .. ماعرفتش واش ندير و الشط كان خاوي كنا غي وحدنا حتى واحد مشافو.. رحت نجري في الشط نحوس طريق منين نهرب .. كنت نجري حتى عييت حبست شوية و تلفت نشوف ورايا حتى لقيتو واقف قدامي معرفتش كيفاه جا هذا وين خليتو فاقد الوعي و طايح في الارض .. شدني من يدي و دمرني على لحيط.. عضيت شفتو كي كان رح يبوسني مرة اخرى و هو من الوجع ماقدرش يستحمل و رفد يدو الي كانت فوق خدي و ضربني حتى حسيت وجهي لامس الارض عييت و مابقاتش عندي طاقة باش نقاومو و لا نقدر نحتج على واش راهو يدير ..هو شافني ضعفت و معادش قادرة نستحمل و لا نقدر ندافع على روحي شدني من كتفي بقوة قريب قلعه من بلاصته و كي جا رح يجبدني ليه خبطو واحد لوجهو و طاح في لرض مصروع.. الله و اعلم واش كان راح يصرا فيا كون ماجاش هذاك لبنادم و ضربو😶😢.. تلاقيت ريان و كان منارفي بزاف اتهموا في غمضة عين و فرغ زعافوا فيه.. كان رح يرسلو للجحيم كون ماتوسلتش ليه باش يفلتوا من بين يديه .. صراحة انا السبب في واش صرا كون سمعت كلامو من الاول مانوصلوش لهذا الموصل و علاء مكانش رح يتمادى و لا يتأذى و دروك هذا جزاءي..بعد اللقاء مع ديلان الي كان يوم حفلة عيد المرأة ولينا اصدقاء.. مكانش علابالي الي رح يكون مهتم بيا كاش نهار ولا يخمم يحميني و يدافع عليا.. كنت حاسبة الي انا مجرد صديقة عادية مي ردة فعلو و الغضب تاعو بينلي الي عندي مكانة خاصة في حياتو و ممكن حتى في قلبو و عندي بلاصتي و عرفت الي هو مهتم بيا و يخاف عليا تاع الصح هذا الشي الي مالاحظتوش من قبل و لا خممت في انو يكون صح.. -ريا : ريان.. همست باسمو بصح مابغاش يسمعني تجاهلني و ركز على سياقة اللوطو.. -ريا: ريان قول كاش حاجة بليز.. عبالي بلي غلطت مين ماسمعتش كلامك و رحت معاه.. توسلت بينما تجمعو الدموع في عينيا و بداو يهودو وحدة ورا لخرى..درت انا جيهة الزاج و قعدت ساكتة كي مجاوبنيش ماحبيتش نضغط عليه.. شوية حتى حسيت بيه قارا اللوطو و نزل منها بلا مايقول حتى حاجة جا جيهتي و فتحلي الباب نزلت بلا حس كان منارفي بزاف مابغيتش نزيد نشعلو من بعد تتطفر فيا قعدت نشوف في ذيك لبلاصة مليح حتى فطنت الي رانا عند دارو ..هو يعيش وحدو و مايبغيش يشارك غرفتو مع اي حد.. قال الي من حقو يحصل على بعض الخصوصية و غرفتو ليه وحدو و انا نحترم قرارو ..بعد كل شي مستحيل يشارك حاجة ملك ليه..غير دخلنا غلق الباب و رحنا جيهة بيتو.. هاذي المرة الثانية الي نجي فيها لدارو يعني وليت نعرفها شوية..كان جاي و رافد في يدو صندوق ابيض نظن صندوق الاسعافات الأولية
