#قرارات_مُهمشه⏳
Anosha Alriany
حلقه 1
~ بعد تختار شخص هلك مش راضين عليه
وكل الناس حذراتك منه ! بس وقفتي ضد كل
حد قال في حقه كلمه شينه تحت مسمه الحب !
كيف تبي توقعي حياتك تكون بدون رضا امك وباتك وخوتك كيف بتوقعي بعد تقطعي هلك الي
تعبو عليك وربوك شن بتوقعي .
"11\11\2008
احمد..اششش ماتخافيش نفس كل مره شويا ويعدي
انا غمضت عيوني ومسكت في احمد ورديت نبحت في ماما وبابا
ماما تبكي..لعند امتى تجيب ف وسخك لعند الحوش هنا احترمنا ع اقل احترم اعيالك كبرو بدو يفهمو عليش بس عليش تغيرت وين وعودك ليا وينها الحياة الي تحكي عليها وين بس
بابا نفس كل مره سكران لين فاقد..انا وعدتك بحاجه انا انننننتي عااااارفه كويس انااا منو عاااارفه انا من انا عادل محمد ال&&& الي مكمل شبابه يسكر مش عارفه مش عاااارفه مش كلهم قالللو مش كويس اه ردي عليا ردي
ماما تهز ف راسها وتنهدت..عندك الحق انا نستاهل صاح
بابا طبس ع مفاتحيه خذاهن وطلع وماما قمعزت ع صالون تبكي وانا وخوتي نبحتو فيها وساكتين
احمد صبى وقمعز قدام ماما مسك ايديها وانا حاطه ايديا وذاني نبكي مفروض نقعد تعودت ع الوضع بس ماليا نتعب اكثر
معتصم..جهاد ياماما جهاد تعالي شوفيها
ماما جت لعندي وتمسح ف دموعها..جهاد جهاد ياماما كنك ياروحي حسين جيبلها ميه بسرعه
حسين صبى يجري وماما ماسكه ايديا وتحاول تفك فيهن من ع وذاني
شويا وجاء حسين قعدت تشرب فيا ف ميه
ماما..جهاد انتي كويسه
انا هزيت راسي
ماما تنهدت..عدو ارقدو وراكم مدارس بكرا
احمد بحت ف حوش وحاجات الي متكسرات وطايحات..عدو انتم انا توا نقعد مع امي
ماما..احمد امشي ارقد مع خوتك
احمد..انا مش صغير معش نبي نعدي لمدرسه انا بنقعد معاك ونحميك
ماما ابتسمت بوجع ومسكت وجه بين ايديها..احمد معش بنسمع الكلام هذا بيش مانزعلش انا بنشوفكم حاجه كبيره نفتخر بيها
ماما..معتصم خوذ خوتك ورد بالك ع جهاد
انا بصوت هادي..نبي ماما
ماما..توا نجيك خشي ارقدي بس باهي
انا هزيت راسي وخشيت مع خوتي لدار
معتصم خششني لسرير وغطاني وطبس تلا سريري..انتي كويسه
انا بصوت هادي..ماترقدوش عند نرقد
معتصم طبس باس راسي..توا نقعد تلاك
حسين..ماما قالت اقري قرآن قبل لا ترقدي بيش ترقدي
معتصم كشخ عليه..معش تقول ماما يابنيه
حسين..انت البنيه حتى جهاد تقول ماما
معتصم يكشخ..جهاد بنت انت راجل
انا ابتسمت..اششش خلاص
غمضت عيوني وحاولت نرقد وانا نفكر في حياتنا
البنات الي ف عمري مافيش شي ف عقلهن خاطي لعبهن وقرايتهن بس انا حاسه روحي كبيره قبل عمري نفكر ف ماما وخوتي نفكر فيهم وهل نحن نستمرو ع وضع هذا لعند امتى كل كلام ماما وبابا ديما نفكر فيه وين هل ماما ؟شن صاير زمان؟ليش حتى هل بابا قاطعينا !؟ ليش بابا هكي مش كيف ابهات بنات الي معايا ف مدرسه
،، انا جهاد اها جهاد انا اصغر وحده ف خوتي ولأنه بابا يبيني عيل سماني جهاد مواليد 1997
احمد أكبر واحد فينا يقرأ ف الاعدادي مزال صغير بس شايل همنا ويحاول يكون كبير قبل وقته مواليد 92 بعدها معتصم 93 وحسين 94
ماما اسمها فيروز وبابا عادل؛؛
