#قرارت_مُهمشه⏳
حلقه28
"قبل دقايق..
بسنت بعد خشت وشافت طه
تغريد..انا خاشه ماطوليش
بسنت مبتسمه ومشت لطه
طه مد ايده ومبتسم..كيف حالك
بسنت..كويسه
طه..باه كويس تعالي نخشو هكي بيش كان جاء حد مايشوفنش
بسنت هزت راسها ومشت معاه
طه يبحت فيها وهيا تبحت فيه
بسنت..باهي كنك ساكت حسيتك متحشم وانا عادي
طه ضحك ومسك ايدها..عارفه نحبها شخصيتك بكل
بسنت ابتسمت..تغريد تقولي انتي مستحيل حد يحبك ب شخصيتك هذي
طه مبتسم..عليش بالعكس شخصيتك سمحه بعدين الي يحبك يحبك بكل الي فيك
بسنت قلبها يدق بقوه..طه وانا حبيتك بكل عيوبك رغم انه كنت نقول عليك متخلف وحاجات واجده بس بعد حبيتك ماحسيتش هكي ممكن انت عصبي واجد بس
طه قرب منها ويحكي..العصبي المتخلف هذا يموت فيك
بسنت تبحت في عيونه وقلبها يدق
طه ابتسم وحط ايده علي خدها يحرك فيها بشويه..بسنت تجوزيني
بسنت جمدت في مكانها وتبحت فيه
طه..جاوبي لاني نبيك معايا
بسنت بصوت هادي..متاكد
طه مبتسم..تي متاكد ونص عنجد متاكد انا حبيتك ونبيك مراتي خلاص مش حبيتك حب مراهقه
بسنت زمطت ريقها
طه ابتسم..نحكي لعمي وصلاح ها شنو
بسنت تبحت فيه وسمعت صلاح وهوا خاش فكت ايدها ومشت تجري وطه ماسمعش صوت مشاء يلحق فيها
صلاح عقد حواجبه..بسنت شن جيبك هنا
بسنت..ك ككنت هنا
محمد بحت في طه..شن ديري هنا بروحك مع طه
بسنت..لا مشش م معاه
طه مسح علي وجه بتوتر..هيا كانت تبرم هنا وانا كنت مقمعز ندخن بعد جيتو قالت بابا جاء لحقتها
صلاح رفع حاجبه..من امتى هنا
بسنت..نبدري شوي
محمد..كلمي اختك وهيا
بسنت هزت راسها وخشت تجري كلمت تغريد
طه..باه شنجو يااصلوحه
صلاح..الحمدالله ماشيه
طه..باهي تمام
طلعن بنات وركبن في سياره معاهم
محمد برم عليهن..شن جيبكن هنا بدون ماتقولن
تغريد..هناء كانت تبينا
محمد عاقد حواجبه..هناء تبيكن تجيكن هيا كيف طالعات في وقت هذا بروحكن بدون ماتقولن
صلاح بحت فيهن في مرايه..قاللي ياباتي بعد كنت معاهم غادي وطلعن في ضي واياد كان قاعد في شارع
محمد..ساهل ساهل في حوش
بسنت خايفه وقلبها يدق لين وصلو للحوش وخشن
محمد..تعالي هنا شن بينك وبين طه
بسنت..مافيش شي يابابا والله
محمد عيط..ماتحلفيش كذب
صلاح..باهي خلاص اهدا مش بالعياط
بسنت خشت تجري..حي عليا حي عليا
جميله..شن دايره
انا..ماتقوليش عرفوها
بسنت عاضه علي فمها..مش عارفه مش عارفه
خش محمد وراه صلاح
محمد..تعالي هنا بتضحكي عليا انتي تحسابيني هبل انا ولا شنو
بسنت ترعش..والله مافيش شي
محمد عيط عليها..ماتحلفيش بالكذب ياحيوانه تعالي هنا تعالي
بسنت قربت قدامه
محمد رفع ايده صلاح مسك ايده بقوه وجاء قدامه
صلاح..بااتي كنك خلاص البنت حلفت مافيش
داعي تضربها شن دارت
محمد..تكذب هذي
صلاح..لا ماتكذبش بسنت انا نعرفها خلاص لو كان طلعت تكذب انا نحسابها بروحي خلاص
صلاح برم علي بسنت الي كانت كاشه في روحها ودموعها ينزلن..بسنت هاتي تلفونك
بسنت..عليش مادرتش شي انا
صلاح..باه هاتيه خلاص
بسنت مداته وهيا خايفه وترعش صلاح فتحه وقفله وحطه في جيبه
صلاح..خشي دارك
بسنت برمت هيا وتغريد وانا مشيت معاهن
انا..شن صار
بسنت قعدت تحكي وتبكي
تغريد..تستاهلي ياغبيه تستاهلي اهو بابا كان بيضربك تريحتي ياانتي والله يقتلك بابا مايفهمش
بسنت تبكي وساكته
انا..اششش خلاص والله صلاح توا يصبي معاك ماتخافيش اهو مخلش يضربك
بسنت..كان فتح تلفون وشاف كل حاجه
انا..ماتخافيش والله حتى كان شاف صاح بترقاله وبيزعل بس توا يصبي معاكم
صلاح فتح الباب..جهاد هيا
انا صبيت..هي باه
بسنت صبت..والله مادرتش حاجه ياصلاح
صلاح هز راسه..باه ان شاء الله كان في حاجه احكي توا بيش بعدين مانعصبش انا ونزعل منك
انا هزيتلها راسي
بسنت تبحت فيا وتبحت في صلاح
صلاح..شنو احكي
بسنت..مافيش شي
صلاح..باه تمام
بسنت..ليش خذيت تلفوني
صلاح..خليه عندي خلاص هيا جهاد
طلع صلاح وانا بحتت في بسنت..انقنك غبيه
بسنت..لالا خفت تخايلي ينفصل عليا ولا يضربني
انا..صلاح بيضربك من جدك مستحيل اصلاً علي مهم خليه يسقد عمره
بسنت تنهدت..ان شاء الله
انا..هي مع سلامه
بسنت..سامحينا رعشناك
انا ابتسمت..لا عادي يا هبله
طلعت برا
جميله..غير كان قعدتو كنا نديرو في عشاء
انا..مره أخرى يااعميمه
جميله..ان شاء الله حبيبتي انتبهي علي روحك
انا ابتسمت..حاضر
طلعنا برا وركبنا في سياره
