#قرارات_مُهمشه⏳
حلقه38
"حسين يبحت فيها برفعه حاجب..كنك مصدومه
رفاء قلبها يدق وتبحت في حسين
حسين حرك راسه ويبحت فيها وتنهد
رفاء..انا مش مصدقه عيوني بس
حسين..اول مره نعرف انه عندك ضعف نضر تؤتؤ كنك ماقلتي راه درتلك نضاره بيش تشوفيني كويس وتصدقي عيونك
رفاء..كنك تسمط انت
حسين ب ابتسامه..لا نتحنط مانحبش السامط انا
رفاء عيونها دموع وتبحت فيه
حسين بحت فيها ومبتسم..بنبدو في الدموع نحن
رفاء قرب حضناته بقوه وحسين جامد في مكانه ورافع حواجبه بصدمه وبعدها حط ايديه علي ضهرها بشويا وهيا لافه عليه بالقوه
رفاء..حسين نحبك والله نحبك انا واسفه كان انت زعلان والله اسفه متزعلش انا مستحيل نتخلى عليك مره ثانيه لانه تعبت بلاك واكتشفت انه جديات نحبك انا
حسين حط وجه عند رقبتها وشعرها وساكت
رفاء فطنت لوضع دفت حسين بقوه..قليل ادب
حسين..كنك
رفاء تفنص فيه..كنك مادفيتني اه
حسين ابتسم..عجبني الجو
رفاء قعدت تبحت وساكته
حسين دفها جوا..باهي خشي طالعه بدون حاجه علي راسك
رفاء..كيف جيت
حسين..ب طياره
رفاء..بطل عاد نقصد هكي وكيف عرفت مكانه
نزلت هاجر اختها..الحمدالله علي سلامه
حسين ابتسم..الله يسلمك
رفاء..انتو متفقين
حسين..يسس وتوا عدي زي البنيه شاطره البسي وتعالي
رفاء..وين
حسين..هاجر تقولك هيا
رفاء هزت راسها وركبت تجري وحسين طلع ركب سياره الي ماجره كانت سياره مكشوفه كلها "
"انا رفعت راسي عند وجه وحطيت خشمي علي خشمه
صلاح حاط ايده علي ضهري..جهاد
انا..اممم
صلاح بصوت هادي..مرايف عليك
انا ابتسمت وفتحت عيوني بحتت في عيونه
صلاح حط ايده علي خدي ومبتسم وباسني علي فمي
انا..حتى انا تعبت واجد بدون وجودك تلايا تعبت والله
صلاح فكلي الوشاح وجاكه وحط ايده مسك شعري بعدها فرده وطبس وخرني علي سرير كان واضح انه مرايف عليا وطول وقت يبحت فيا وانا كان قلبي يدق بقوه
مسكت فيه من عند ضهره وخشيت في صدره ودموعي الي كنت كاتمتهن كلهن طلعن مره وحده
صلاح يمسح في دموعي..عليش تبكي توا اهو انا جنبك وقاعد تلاك تبي نبوسك بيش تصدقي
انا ضحكت في وسط دموعي..سادك قطعتني راك
صلاح ابتسم..باه بطلي بكاء خلاص
انا نبحت فيه..مش في ايدي راه قعدت مرايفه عليك واجد وكنت نبيك تلايا تخايلت واجد انك تقعد بعيد عليا والخيال بروحه قتلني
صلاح حط صوابعه علي فمي..اسسسس خلاص انا تلاك توا
انا حطيت ايدي علي لحيته..تهبل هكي
صلاح حرك راسه علي وجي وقعدت لحيته تبز فيا
انا نضحك ونوخر..اوحا بطل عاد
صلاح كرني بقوه عنده..تؤ هبله تقوليلي وخر فيش توخير اليوم بنقعد لاصق فيك نبي نشبع منك
انا ابتسمت وقربت بست صدره ورقدت علي ايده
صلاح طبس باسني علي خشمي..خشيمي السمح
انا..انت قعد خشمي عجابك أكثر من عيوني
صلاح يضحك..هو سمح اصلاً
انا حاطه ايدي علي صدره ونحرك فيها..باهي احكيلي كيف طلعت وشن صار مزال مش فاهمه شي انا
صلاح يلعب علي شعري..امس الراجل المنحوس الي طلع ف طريقي الله يهديه وخلاص كان قعد في حوشه
انا نضحك وضربته علي صدره..يابارد احكي
صلاح مبتسم..خلاص امس ناض وبعد ناض هلي عدو أخرى ودفعو حق مستشفى بيش هما سحبو شكوه واليوم طلعت
انا..وكنهم مايحكو
صلاح..انا قتلهم نبيها مفاجاة لكي طلعت الصبح بدري مشيت لحوش هلي سلمت عليهم ودوشت في حوشنا وجبتنا دبش وجيت هنا بنديرو شهر عسل أخرى
انا ابتسمت..قصدك نقعدو كم يوم
صلاح..الي انتي تبيه
انا مبتسمه وحضنته..محظوظه فيك
صلاح بحت فيا وابتسم
انا..اها صاح خليني نرن علي امك
وبرمت بناخذ شطني كرني من ايدي
صلاح..بعدين امي مش طايره خليني فيك توا
انا..كنك صايع انت
وقربت عضيته في رقبته
صلاح فنص فيا..بطلي ماتعلميش
انا رفعت حواجبي..وانت عادي ديرلي اه
صلاح مسك ايديا فوق وطبس علي رقبتي ويحكي بصوت هادي..انا حقي
انا بهدوء ودلع..وحتى انا حقي
صلاح غمزلي..مرايفه انتي
انا بصوت هادي..بكللل
طبس عليا ووووو خلاص "
