#قرارات_مُهمشه ⏳
حلقه21
"مع انه مش فاضيه كنت وعندنا ضيوف كتبت وقلت نزلها علي سباكن ف بليز # تفاعلن "
صلاح جاء يجري لعندي بحت فيا مسك وجي برمت شاف خدي الي كان احمر وصوابع احمد لمعلمات عليه انا قعدت نبحت مصدومه كيف احمد ضربني هكي ونبحت في صلاح الي ملامحه انقلبن لغضب
صلاح صباني وصبى يبحت في احمد ينفص..معليش ب اي حق ماد ايدك علي جهاد
ماما توخر في احمد الي كان معصب
احمد..قليله أدب ترد علي امي طول في لسانها مش محترمتها
صلاح بعصبيه..بينها وبين امها شن دخلك انت تمد في ايدك بعدين ياسيدي انا قاعد في مربوعه تعال قولي انا نتفاهم معاها ونحاسبها بروحي بس لقطه تضربها وانا قاعد انقني ماحبيتها منك يااحمد والي يلمس جهاد كانه لمسني
معتصم..امسحها في وجي ياصلاح غير احمد عصبي ورقتله بس
ماما ساكته وتبحت فيا وانا قاعده في هدوء ماحكيتش ولا حرف و لا نبحت في حد نسمع فيهم بس
حسين جاء لعندي..تعالي جهاد شويا
انا وخرت وراء صلاح
صلاح برم يبحت فيا
احمد..بس هيا غلطت مع امي كيف تبيني نسكتلها وامي ماتحملش فيها حاجه
صلاح على صوته..باه عارفها غلطت انا ماندافعش عليها عارف انها غلطانه انت عليش ماد ايدك مالكش الحق تقربها ولا تعدا عليها دابين جهاد علي اسمي
ماما..خلاص خوذها ياصلاح احمد معصب وانت معصب وصاح معاك الحق ماتجيش يقربها سامحنا
صلاح عاقد حواجبه..لا يا عمتي انتي مش شورك الموضوع وانتم هلها علي عيني وعلي راسي بس جهاد محد يجي شورها ومره أخرى تغلط في حد انا قاعد شن ندير علي مهم محد يقربها
برم عليا..جيبي عبايتك هيا
انا خشيت لبست وانا ساكته منصدمه خش عليا حسين
حسين..جهاد انتي كويسه متخلف هذا توا نوريه وحيعتذر منك توا تشوفي
لبست وجيت طلعت مسك صلاح ايدي وكرني طلعنا ومافيش حد حكى
قعد ينزل بيا صلاح بسرعه لعند طلعنا وكان عصام في جنان يكلم فطنلا وطلع بيلحقنا صلاح حرق العجل وطلع يجري
انا بحتت فيه كان عاقد حواجبه ومطلع ايده من روشن والايد ثانيه يسوق بيها ويحرك في دومان بقوه وعصبيه قعدنا ساكتين وعلي وضع هذا لعند وصلنا "
"معتصم ب عصبيه..حلال توا نرده لكي الكف كنك انت
حسين..متخلف ولا شنو امتى عمرك مديت مكسورتك انت متريح توا احرجتنا مع الراجل الي حتى وانت غالط حكى معاك ب اسلوب وسكتتك
ماما مقمعزه..ازعمك كنها سكتت هكي خايفه عليها
احمد ب عصبيه..عليش خايفه عليها وهيا ترد عليك
حسين بعصبيه..صكرلي فمك ترا مزال يحكي
الباب يدق عدا معتصم يحل
عصام..كنكم شن في كنها جهاد طلعت تجري هيا وراجلها وهوا حرق العجل وطلع
حسين بعصبيه..ماه المتخلف هذا ضرب جهاد وراجل طبيعي تبي ترقاله مراته عاد
عصام عقد حواجبه..شنو شنو ضرب جهاد عليش ضربها شن دارتله البنت
احمد صبى..ترد علي امي ولا شنو تقوللها ماعندكش كرامه وانتي ترضي علي روحك الاهانه كيف نسكتلها هذي تبي تربيه وشويا فيها الكف
عصام مسك تيشرت احمد بقوه وعصبيه..كنك حيوان انت عنجد تضربها هبل انت بنت جايه زاير تروح مضروبه وأخرى مجوزه مادرتها هيا وشباب بعد جوزت تضربها كنك ازف مكلوب انت
ماما صبت..بنت عدت مش طبيعيه ساكته ماحكتش حرف ولا درات رده فعل حي عليا حتى انا ليش نحكيلها ليش يااحمد هكي ليش حرام عليك خيتك عارفها انتي
احمد بصوت عالي..طلعتني غلطان توا ياامي
عصام يهز فيه..صكر فقومتك يا حيوان امشي طلع من تلا وجي
احمد طلع وخبط الباب
