#قرارات_مُهمشه⏳
حلقه 12
لايك قبل لا تقرن 🌸 "بنصفي من تفاعل الحلقه هذي عاد حلقه اضافيه تفاعلو 😉"
"قبل يومين..
احمد نازل من الدروج شاف دارين مصبيه تكنس قدام حوشهم وحاطه سماعات في وذانها
احمد قعد يبحت فيها ومبتسم ونزل قعد يشوف كان في حد وقرب منها وحضنها بكل قوته من لاوره
دارين نفجعت وحولت سماعات وبحتت في ايدين احمد
احمد نزل راسه جنب راسها ويحكي بصوت هادي..وحق الله مانتحمل بدونك
دارين غمضت عيونها وساكته
احمد جاء تلا وذنها..دارين
دارين حطت ايديها علي ايديه وتبي تحولهن
احمد ضغط عليها..مش محولهن راه متحاوليش
دارين تنهد ب عصبيه..بنفهم عليش ديما الأعصاب يجن في وجي
احمد ابتسم..شن ندير انتي حبيبتي وانتي شريكتي في كل شي
دارين بصوت واطي وزعل..بس مدخلش
احمد تنفس بقوه..مانعرفش حاجه غير اني نموت فيك مانتحملش بلاك
دارين..باه حول يطلع بابا
احمد..تؤتؤ لين تسامحيني
دارين نفخت..سامحتك خلاص ممكن تحول
احمد مسك ايدها وباسها وجاء قدامها وهوا مزال ماسك ايدها ويحرك في صوابعه علي ايديها
دارين تبحت فيه
احمد مبتسم ومسك ب ايده لأخرى حنكها..نحبك
دارين تبحت فيه وتبتسم
احمد..انا طالع تمام
وبرم يبي يمشي
دارين..احمد رد بالك من روحك
احمد برم بحت فيها وابتسم وعض علي فمه..حاضر "
" في ايطاليا
عصام ماسك ايد فرح..وصلنا
فرح تبحت في المكان..الله حلوه فنيسا ديما نشوف في صورهم علي النت
عصام يبحت فيها ومبتسم..تعالي نمشو
ركبو فوق المرشبيدي الي تلا الميه ويمشو
فرح شهقت..هييييي
عصام يبحت فيها..كنك
وبحت وين ماهيا تبحت وقعد يضحك
فرح برمت وجه لعندها..معش تبحت عيب وحرام
عصام مبتسم..انا ديما بعد نسافر نشوف في حاجات هكي
فرح..بس انا معاك
عصام طبس عليها وباس شفتها بشويا وخر
فرح تبحت فيه
عصام مبتسم..خلاص انتي معايا توا نعيش لحظتي حتى انا
فرح مبتسمه وترفع في روحها له..ti amo *احبك*
عصام ابتسم وباس خشمها..ti adoro *اعشقك*
فرح ابتسمت..شويا وحنقعد كيفك نحكي
عصام..اووووه انا مترجم عاد
فرح تبحت فيه..باه عاد ماتفشكش عليا
عصام مبتسم..تعالي نركبو هيا
فرح ماسكه ب ايده وركبت في قارب الصغير وكان في راجل مصبي ويحرك في عصا
عصام رفع ايده وفرح حطت راسها علي صدره وهوا لف ايده عليها "
"مر اليوم عادي في اليل..
احمد..بنفهم انت وين مختفي
حسين..الفتره هذي مش حنجي لحوش واجد
احمد..عليش شن في
حسين..من الاخر هكي نبي بنت والبنت هذي مريضه وانا مش قادر نسيبها
احمد..تبي بنت ومريضه راجي شويا نصدق بس
حسين تنرفز..والله اجعنك ماصدقت وملح نحكي معاها بروحي امي
احمد..احم والله من جدك ياحسونه
حسين..خلاص ازف نبي تصدق ولا ماتبيش براحتك غير احكي ل امي.
احمد..باه كنها شن في
حسين تنهد..فشل كلوي ونفسيتها تعبانه مانقدرش نخليها
احمد..لا اله الا الله باه خلاص خليك مادورش امي
حسين..منور
صكر منه وطلع لمطعم يجيب في عشاء "
