#قرارت_مُهمشه⏳
حلقه 13
تنبيييييه قبل الحلقة
#تفاعلن #تفاعلن #تفاعلن
نبهت 3 مرات اخيرات خلاص اخر تنبيه تفااااعلنننن راه معاش عندي خلوق نكتب خلاص
اي تقصير فالحلقات انتن تحملن المسؤوليه☺️
"طلعت نجري وعزقت تلفون
ماما تخبط في خدودها..حي عليا انا حي عليا من امتى ياخذ في السم هذا من امتى
معتصم مصبي ويحك في جسمه ويهز ب توتر
حسين برم بحت فيه
احمد..امي اهدى خلاص
انا نبحت فيهم..كنكم شن في كنكم
ماما قمعزت علي صالون وتخبط في ايديها..كيف بنهدا العيل ضاع مني ضاع بيقعد كيف باته انا حي عليا شن ندير
معتصم يمشي يبي يطلع مسكه حسين بقوه
معتصم يعيط..حول حول مش قادر قتلك حول مانقدرش
وقعد يحرك في جسمه وينتش فيه بقوه منضره قعد يخوف
ماما صبت تجري عنده..الله يربحك لالا ماتضيعش مني انا ماعنديش الا انتم
انا نبحت فيهم ومصدومه ونسمع في باب يخبط برا وهرجه خوالي
معتصم يهز ف راسه ب لالا..هما عطوني هما هما مش انا هما
ماما تبكي..شن عطوك حي عليا شن عطوه بيقعد كيف باته
انا قعدت نبكي ونقرب من ماما..وراس ماما اهدي خلاص وراس ماما ماتخوفنيش اسكتي خلاص ياماما
فجاه طاحت عليا وانا قعدت نعيط..ماما مااااما يااحمد
احمد برم منفجع طبس عليها..بسم الله بسم الله امي ياامي
انا حاطه ايدي علي فمي..ماما ماما دير حاجه ماما حي عليا
احمد متوتر..افتحي باب بس هيا
انا مشيت نجري نفتح في باب
خالي ابراهيم..شن صار امك وين
انا نبكي...ماما داخت يا خالو مانعرفش شن صار
خشو خوالي يجرو وخالي حاتم دكتور
حاتم..هذا هبوط سكر هيا لبسوها واطلع بيها ل &&& بسرعه
خشيت نجري جبت عبايتها وشاحها قعدو يلبسو فيها وانا مصبيه نبكي وحاطه ايديا علي وجي بقوه
معتصم يرعش ويحك في جسمه..مش مني ياخالي مش مني
ابراهيم صبى مسكه..باه عارف تعال معايا جوا تعال
خش بيه لدار واحمد وحاتم شمرو ماما وطلعو بيها وانا نمشي وراهم
انا..نبي نعدي معاكم
حاتم..ساهله ساهله مش مطولين
حسين خذني في حضنه بقوه..خلاص اهدي
انا نهز ف راسي ب لالا..وراس حسين نبي نعدي لالا ماما هذي حي عليا تصير فيها حاجه نموت انا
حسين وخرني وماسك كتوفي..مايصير شي خلاص
ركبن صبايا خوالي وبنات
وفاء..شن صار ل امك
حسين..مش عارف تعبت
نعيمه..لعرق دساس لمن بيطلع
انا برمت بحتت فيها..قولي كلمه خير ولا انزلي تراه
حسين فنص فيا..خلاص اششش تمام
دارين..خش بيها جوا
خشينا للحوش وانا قمعزت علي صالون نهز ونبكي
دارين..ياعمري اهدي خلاص
انا جيت قمعزت قدام حسين..وراس حسين خوذني مانقدرش انا مانقدرش نعيش بلا ماما مانقدرش انا
حسين حط ايديه علي كتوفي..اسسس خلاص توا تروح
انا نهز ف راسي ب لالا..لالا نبي نشوفها انا نبي نشوفها نبي نطمن ماما هذي حرام عليك مانقدرش نقعد يوم بلاها انا
دارين جت تلايا..خلاص توا تروح مافيهش شي
انا نبكي ونهز في راسي..مش صغيره انا مش صغيره تضحكوش عليا نبي ماما
خالي ابراهيم طلع من دار وجاني..خلاص شيلها ياحسين
انا صبيت وخشيت كريت جاكه طويله لبستها ولبست وشاح وطلعت
ابراهيم..معش تبكي خلاص كويسه امك باهي
انا هزيت راسي ومشيت نجري خذيت كندرتي لبستها ونزلت بسرعه
