#قرارات_مُهمشه⏳
حلقه24
""انا برمت..هييي عصومي
معتصم قرب مني ومبتسم..خيرات
انا..خير شنجو
معتصم..تمام
انا نبتسم..شنو مفاجأة هذي
معتصم يحرك في ايده علي رقبته..امي عزماتك علي الغداء وصلاح لانه مش فاضي حيجي علي غداء طول قالي نروح بيك علي حوشنا
انا..والله جد
معتصم..بنكذب عليك توا انا
انا ضحكت..باه بنات من يبي يروح بيهن
معتصم..قالي ولد عمه بالك عموما هيا
انا..هي باه
برمت لبنات
تغريد..هذا خوك
انا..اها بنات انا بنروح معاه وانتن قال صلاح توا يجي ولد عمكن مش عارفه من
بسنت ابتسمت..يارب طه
تغريد بحتت فيها..ريت كيف تفكر مبردك
بسنت..اسكتي كنك
انا ضحكت..خلاص بلا عرايك هيا اوكي
بنات..اوكي
طلعت انا وعصومي
معتصم..سمحه البنت
انا..اين وحده هنا تؤام
معتصم..مش عارف شفت وحده انا ونذكر انه شفتها في فرحك انقنها طرف
انا..مش عارف علي اين تحكي بس وحده منهن مش فاضيه
معتصم..اها عليك جو انقنها عجبتني
انا..قريب تخليني نرد بنعرف اين وحده
معتصم..فوتي خلاص هيا اركبي
ركبت انا ومعتصم ومشينا للحوش
تغريد..هذا طاهر
بسنت نفخت..شكله هوا الي بيجينا
تغريد ردت..الووو
طاهر..ياهلا
تغريد..اهلين
طاهر..هيا انا برا
تغريد..هيا جاين
بسنت تنفخ..عليك جو
تغريد..عاد شن نديرولك هيا
صبن بنات وطلعن دورن سياره
بسنت نطت..طه معاه طه معاه وحق الله
قعدت تبحت وتبتسم وطه فطنها وابتستم وعض علي فمه
تغريد قرصتها..فضحتي بينا ياغبيه
بسنت تبحت في طه وشيرتله ب ايدها ومشت وسيبت تغريد وركبت في سياره
بسنت..هاااي
طاهر..احكي كويس نرد عليك
طه برم بحت فيها..يااهلين وسهلين
بسنت مبتسمه وتبحت فيه
تغريد ركبت..السلام عليكم
طاهر..اه هكي نرد وعليكم السلام
طه بحت فيهن..شنجو حليتن
تغريد..تمام حلينا
طه وهوا مبتسم..وانتي يابسنت
بسنت مبتسمه..حليت
طه هز راسه..ان شاء الله بالنجاح
طاهر بحت فيه..توا انت ليش لصقت فيا
طه..لقيت روحي مكسد قلت نلصق فيك
طاهر..عليك جو درته ليا وبنحطك في عمل توا
طه..لو سمحت يعني
طاهر..زكري عاد فاضيلك انا
طه..خلاص عاد مانقدرش نسيب فرصه كيف هكي
طاهر يبحت فيه..فرصه شنو يارا
طه مبتسم وطلع دخان يدخن..سوق وخلاص وانت لازم تسأل خصوصيات هذينا
تغريد تقرص في بسنت وبسنت مبتسمه وتسمع
تغريد بصوت هادي..لمي فسختك
بسنت فنصت فيها..مدخلكش انتي
طاهر..كنه صلاح مش فاضي
تغريد..مش عارف شكله حتى مراته جاء خوها روح بيها
طاهر..اها قصدكن جو نغار عليها
تغريد تضحك..لالا غير هلها عازمينها علي غداء
طاهر..اها هكي باهي كنك يابسنت ضاربه العقل
بسنت..احم لا شي هكي
طاهر..باهي ان شاء الله دوم
بسنت مبتسمه وفي عالم ثاني لعند وصلو لحوش ونزلن"
"خشيت لحوشنا..
انا..ينعليا هلكت ياماما
ماما تحوس وطيب..عادي ياماما فتره وتعدي علي مهم تاخذي شهادتك
انا..اها صاح والله لازم نتخرج توا جد عرفت انه شهادتي حاجه مهمه ليا
ماما..نجك ليا
احمد خش علينا وكاين داير شيانه علي سبه عرسهم قريب
انا ابتسمت..نجك ليا منضرك بالحيه يهبل
احمد حط ايده عليها..صاح
ماما..قلتها له
انا..لا والله تهبل عليك
ماما..كنت في شقتك
احمد..اها كنت غادي نبرم نشوف في تشطيبات
ماما..ان شاء الله ربي يهنيك
احمد..ان شاء الله شنو الغداء
ماما..رز بالتقليه وبراك
احمد صبى..باهي نخش نتريح علي مع ماطاب
انا..خاطري نخش ندوش
ماما..لالا خليك تبرمي علي روحك بالمره وتلبسي من توتك الي هنا بعدها
انا..اها والله فكره ياماما
ماما ابتسمت..ماه فكرت فيها من امس لك فتره في امتحان واكيده هامله روحك مش لاهيه
انا..اها صاح مانفضش واجد يلا نطيب من ليل ومرات صلاح يطيب
ماما..باهي كويس حتى هكي نعمه يساعد فيك
انا..اها الحمد الله
ماما..عدي غيري قريب يخش راجلك خلاص
انا ابتسمت وصبيت خشيت دوشت جسمي وخشيت لداري لبست بجامه لونها احمر في كحلي وعليها رسمه دبدوب ودرت شوي مسكرا ولمعه لفمي بس ومشطت شعري درته قرن ضفيره علي جنب وصليت وطلعت لقيت ماما مطفيه علي حاجات
انا..عدي ياماما من نبدري وانتي في كوجينه توا نبرم عليها انا
ماما..باهي الله يربحك نعدي نغير
انا..باه
عدت ماما وانا قعدت نلم في حاجات شويا ودق لباب مشيت نفتح
كانو صلاح وحسين ومعتصم
انا..وين مفتايحكم
حسين..هكي طول مافيش استقبال
انا ضحكت..تفضلو
حسين بحت في معتصم وغمزله..تفضلو لراجلها مش لنا راه
معتصم..فطنت حتى انا
حسين يضحك..هكي تحوم في هواء
صلاح مبتسم..سادكم سماطه
حسين..تفضل يانسيبنا خش ما فيش حد هي رأس بنت وعطينها لكي
صلاح يضحك علي كلامه وسلح كويشه وخش
احمد..هلا انستنا
صلاح..الله يانسك
احمد..ليش متعب روحك ياراجل
حسين..قناله غير هوا هكي يحب شورخ
صلاح يضحك..لا عادي حاجه بسيطه
مسكت منه الاكياس وخشتتهن لكوجينه وطلعت ماما سلمت علي صلاح وحطينا علي غداء مع بعضنا
