#قرارات_مُهمشه⏳
حلقه 10
حتى وإن حاول وصف ألمه يعجز وكأن ألمه لا وصف له.
انا برمت..جدي
جدي علي قرب منا
اسلام..جدي بس افهم نحن مافيش بينا شي راه
انا نبحت فيه..اها مافيش حاجه انت اكيد فهمت غلط
علي..كل طروحكم عارفهن مش انتم بس الي مريتو عليا تبو تضحكو عليا انتم
انا هزيت راسي ب لالا..لالا والله ماهكي
علي..خشو قدامي بس
انا بحتت في إسلام وقعدت نمشي وقلبي يدق بقوه
انا..عطيني تلفون
علي..مده ليا انا تلفون
اسلام برم عطاه له وخشينا للمربوعه صكرها وخش قمعز
علي..من امتى انتم تحكوا
انا هزيت راسي ب لالا..ما فيش شي يا جدي والله مافيش حاجه
علي على صوته وفنص..ماتتكذبيش عليا
انا سكتت
اسلام..خلاص كنا نحكوا فتره وخلاص معش في شي من موضوع هذا انتهى
علي..تي كيف انتهى هكي لعب هوا ولا شنو انا الحاجات هذينا مايصيرنش في حوشي
انا زمطت ريقي..والله نفس ماقال موضوع انتهى خلاص
علي بصوت عالي..لا ماانتهش انا نعرف ننهيه بطريقتي انت تاخذها وخلاص
انا فنصت وانصدمت..لالا مستحيل مستحيل نرضى انا مستحيل
علي صبى..كيف ماترضيش ماك تحكي معاه انتي اه مش تحكي معاه
انا عيطت..محد يحكم عليا انا محد حتى انت يا جدي انا نقرر بروحي محد يجبرني ناخذ إسلام ولا غيره
لانه كان صوت عالي سمعونا الي جوا وطلعو
ماما..شن في كنكم شن صاير
انا نبكي..مانبيش مش بالغصب هيا كل شي يجي بالغصب الا الجواز والله نقتل روحي وماناخذه
احمد فنص..شن في شن صاير مافيش حد يبي يجبرك بس شن في
انا حاطه ايدي علي فمي ونبحت في إسلام
إسلام..جدي انا مانبيهش مافيش حد فينا راضي
علي..كيف انتم دايرنها لعبه تحكوا مع بعضكم ولا حشم لا شي وتوا بعد قتلكم تجوزو طلعتو ماتبوش انتم
اسلام بحت فيا..خلاص ماه قتلك فتره وانتهت وهيا اصلاً لقت حد أخرى
ماما عضت على فمها وتبحت فيا
انا قعدت نبحت فيه ومصدومه
احمد ب عصبيه..شن يحكي هذا جديات الكلام
انا سكتت
احمد قرب مني وهزني بقوه..نحكي معاك انا نحكي معاك صاح
انا منزله راسي هزيته ب اها وغمضت عيوني
معتصم قرب مني..وين تلفونك انتي وينه
علي..انهو الموضوع خلاص هيا تاخذ إسلام وخلاص
انا بحتت فيه ونبكي..مستحيل ناخذه مستحيل نديرها لو تقتلوني شنو مانعرفش ناخذ قرار بروحي انا عليش مهمشيني اه نعرف ناخذ قرارتي ب نفسي انا نعرف نحكي بروحي انا اسلام مش وأخذته والي تبو اديروه اديروه فهمت يااجدي فهممممت انااا مش صغيره مششش صغيررره تقرر عليا هذذاا مستقبلي مش للللعب نفس ماقلت مش لعب مششش لعب مستقبلي مش لعب عندكم فاهمين
و طلعت من المربوعه وقفت في الدروج وقعدت نبكي وحاطه ايدي علي قلبي
لحقني احمد وراه معتصم وحسين وماما
احمد يفنص ويبحت فيا..بنفهم شن القصه اه احكي
حسين. شويا احمد بشويش بس تخوفها
انا عيطت..مش خايفه منكم معش نخاف انا معشش نخاااف واااها كان في بيني وبين اسلاااام علاقه تمام تممماام هكككي متريحين توا
احمد رفع ايده انا غمضت عيوني وبرمت وجي
حسين مسك ايده بقوه..انزل مكسورتك ازف حولي كذا
حسين دفه وقرب مني
معتصم قرب مني..شن قال إسلام حد أخرى ولا شنو احكي
انا دموعي ينزلن..والله يبي يجي بعد العرس يخطبني والله يامعتصم والله
احمد نزل خش لمربوعه وجاب تلفون
احمد ب عصبيه..هذا تلفونك الي تحكي بيه معاه هاا
وعزقه علي الساس علي الي تلاه قعد كل طرف ف جيها
معتصم تنهد ب عصبيه..باه اركبي خلاص خوذها يا حسين ركبها
حسين مسك ايدي وركبني فتح الشقه وخشينا انا ماشيه لداري
حسين يمشي ورايا وانا خشيت قمعزت علي سرير وحاطه ايديا علي وجي
حسين قمعز تلايا ومسح علي وجه وبحت فيا..بنفهم بس مالقيتي الا إسلام خلاص معش في الا إسلام تلبزي مع امه لين عيله كلها عرفت توا واهو جدك يبي يجبرك
انا حولت ايديا وبحتت فيه..مش حيوان انا ااانا مش حيوان بيش يجبرني يجبر الي يبيه هوا بس انا مايجبرنييش ولو كان شنو فاهم انا جدي مايجبرنيش
حسين هز راسه ونفخ بقوه..من هوا الي تحكي معاه انتي اه
انا ساكته
حسين مسك ايدي هزني بقوه..من الي تحككككي معاه
انا عيطت وصبيت ودموعي ينزلن..دكتور الي تعالجت عنده تمام هوا الوحيد الي فهمني اها هوا بس الي فاهمني ومايحسسش فيا اني انسانه مريضه ولا انسانه عاجزه هوا الي وقف معايا وحاول يفهم انا شن نبي هوا الي حسيت بحنيته وحسيت انه كيف يبي يساعدني
حسين بعصبيه..نحن دزينك تعالجي مش تحبي يانعن&&&
وخبط الكرسي ب كراعه
حسين يفنص..شن اسمه
انا غمضت عيوني بقوه..صلاح
حسين هز راسه وطلع من تلايا وانا مشيت نجري صكرت الباب بالمفتاح وقمعزت علي ارض نبكي
حسيت روحي خسرت صلاح في لحظه وخسرت كل حياتي تخايلت لو جدي جبرني علي إسلام جد كيف نبي ندير توا كيف بنقوللها لصلاح كيف بنحكي معاه توا وتلفوني تكسر قعدت حاطه ايدي علي قلبي وأيدي لأخرى علي فمي مانبيش صوتي يطلع "
