#قرارت_مُهمشه⏳
حلقه 5
لايك قبل لا تقرن وتصفيه مستمره 💜
"صلاح فتحها وطلع الاسواره قعد يبحت فيها وعاقد حواجبه رفع رأسه وبحت في باب شقتنا وجت في خياله نضره عيوني لبسها وهو يبحت فيها بعدها ابتسم ونزل "
"دايرن طلعت من الدار..صباح الخير
علي..صباح الخيرات
دارين ابتسمت..كيف حالك يا جدي
علي..الحمدالله بخير
فاطمه طلعت من دار..باهي الي نضتي ياحنه وين فريحه
دارين..مزالت راقده
فاطمه..هابا عليك جيل وخلاص
دارين ابتسمت وكيف تبي تبرم خش احمد
احمد..صباح الخير
كلهم..صباح النور
دارين بحتت فيه وابتسمت
احمد بحت فيها وغمزلها وبعدها بحت في فاطمه..شنو مافيش فطور ياامي
فاطمه..لا في حليب وشاهي نصبلك
احمد هز راسه ب لالا..دارين نبي قهوه ديرلي وجيبيها ليا في الجنان
دارين هزت راسها وخشت للكوجينه قعدت دير فيها وحطت معاها بشكوط
دارين طلعت..جديده تبي حاجه انا طالعه
فاطمه..هابا عليك خذيتي فنجال حتى انتي معش في حشم خلاص
دارين ماسكه ضحكتها..شكلك ماتبيش شي هيا ماشيه
فاطمه..اه عدي عدي ان شاء الله تجوزو وتريحونا
دارين ابتسمت وبصوت هادي..يارب
و طلعت لقت احمد مقمعز علي ماده كان في جيها فيها زرع وماده عاليه
دارين جت تلاه وحطت صفره
احمد بحت فيها ورفع حاجبه
دارين..شنو كنك
احمد مسك ايدها ورفعها باسها بقوه وهو مغمض عيونه
دارين متحشمه وتبحت فيه..احمد
احمد رفع رأسه..عيون احمد
دارين تبحت فيه..كنك ياانت مرات حد يشوفنا
احمد حرك كتوفه..ويشوفو عادي انتي خطيبتي
دارين..جديده توا بس شافتني طالعه سمعتني كم كلمه
احمد يضحك..فوتيها امي مزال عقلها علي دقه قديمه
دارين بحتت فيه..اشرب القهوه
احمد..تسلم ايديك
دارين ابتسمت ومسكت فنجالها تشرب
احمد..باهي امس شن جيبك راقده في مربوعه
دارين عضت على فمها وغمضت عيونها..انت شلتني في دار فريحه
احمد مبتسم..اممم انا شلتك بين ايديا واصلاً قبلها درت حاجه انا
دارين رفعت راسها وفنصت فيه..شن درت
احمد مبتسم ويبحت فيها..درت حاجات احي
دارين ضرباته الي ايده..شن درت احكي طيح سعدك حي عليك و الله مانسامحك يااحمد
احمد يضحك وقرب منها حط ايده علي جمتها يلعب عليها..مادرت شي غير حطيت ايدي هكي
بعدها مسك ايدها وباسها..وبست ايدك وشمرتك بس انتي وين عدا عقلك
دارين كشخت عليه..مش عارف انت كلامك هكي مش عارف
احمد مبتسم ورافع حواجبه..اها صار هكي
دارين بحتت فيه بالجنب..عندك شغل انت
احمد صبى وحط الفنجال..اها توا بنعدي تبي شي ياسمحه
دارين ابتسمت وبحتت في الجنان ورفعت روحها حطت ايديها علي كتوفه بيش توصل فيه وباست خده..نبي سلامتك حبيبي
احمد ابتسم وحط ايده علي خده..شكلي مش ماشي انا
دارين نزلت راسها وضحكت..عدي خلاص وقت
احمد بصوت هادي..دارين
دارين رفعت راسها..همم نعم
احمد..نحبك
دارين مبتسمه وتبحت فيه..عدي خلاص
احمد ضحك وخذا مفاتيحه من علي ماده وطلع
دارين حطت ايديها علي قلبها وابتسمت..ينعليا نحبه هوا وطوله
فريحه من الروشن..خشي خشي قالت هوا وطوله شن عجبك في طوله وانتي قصيره قولي عيونه عادي
دارين بحتت فيها وحطت ايديها في نصها..وانتي شن دخلك تصنتي علينا
فريحه..خشي خشي يافرخه والله نوريك"
