#قرارات_مُهمشه⏳
حلقه32
"انا بصوت هادي..اقعد معايا اليوم
صلاح ساكت ويضغط عليا ب ايديه
انا مسحت دموعي وخرت شويا رفعت راسي فيه..تقعد جنبي ولا ماتبيش
صلاح عاقد حواجبه ويبحت فيا
انا..ماتبينيش
صلاح..توا نقعد هيا تعالي اشربي ميه نفجتتي انتي
انا هزيت راسي وهو طلقني وطلع وانا وراه نمشي خشينا لكوجينه صبلي ميه ومدها ليا
صلاح..اشربي هيا قريب الفجر
انا شربت منها وحطيتها..كليت انت
صلاح هز راسه
انا..صلاح انت مادخنش كيف امس دخن
صلاح مسك كبايه ومشاء يغسل فيها..مش موضوع عادي
انا سكتت
صلاح..عدي اغسلي سنونك
انا..ماتبيش تركب
صلاح..توا نجي شويا
انا هزيت راسي وركبت وهو تنهد وطلع سبسي ولعه وهو راقيله كمله وركب وانا كنت راقده علي سرير
انا بحتت فيه..تعال
صلاح..نصلي بس ركعتين
انا هزيت راسي وهو خش لحمام وغير دبشه وقعد يصلي وانا نبحت فيه لين كمل وقعد يدعي شويا وصبى لم صلايا وجاء رقد في مكانه وبرم عطاني بالضهر وانا برضو برمت
مانبيش نكثر عليه كان وجوده معايا مطمني ومخليني هاديه
صلاح وهو بارم..جهاد رقدتي
انا في نفس الوضع..نعم
صلاح..هديتي توا
انا..تمام علي مهم انت قاعد
صلاح تنهد..لا قاعد ارقدي تريحي
انا..باه ارقد حتى انت
صلاح ابتسم بشويا علي كلامي
انا بصوت هادي..تصبح على خير
صلاح..و انتي من اهله
برمت شفته كان راقد كيف ماهو رديت حتى انا مكاني صلاح حس بحركه برم شافني ورد كيف ماكان ورقد
بعد الزعل و المشاكل يلي بيحب بيضل 💙 "
"حسين..عليش شن في
رفاء..بابا قال لازم نسافرك برا يشوفو وضعي
حسين..اها باه يعني مش ديما بتقعدو
رفاء تنهدت..لا اكيده مش ديما
حسين..اصلاً نفجعت كان ديما كيف بنجوزك انا
رفاء ساكته
حسين ابتسم..اكيده متوتره هكي متخافيش ان شاء الله تقعدي كويسه بالك في حد يتبرع وتقعدي احسن من قبل وبعدين عادي تعيشي ب كلوه وحده
رفاء..ان شاء الله خير
حسين..امتى بتسافرو وهذا وين تقوليلي
رفاء..بعد بكرا وبابا كيف قالنا اصلاً
حسين..اها نجي نشوفك
رفاء..وين تجي
حسين..قدام حوشكم نشوفك
رفاء..حسين
حسين مبتسم..نعم يا قلب حسين
رفاء تنهدت..وحق الله بنرايف عليك صاح مانشوفش فيك ديما بس يكفي انه نحن في نفس مدينه هذي تكفيني
حسين مبتسم..انتي مش ماشيه ديما توا تروحي ونشوفك علي مهم صحتك عندي
انتي وصحتك عندي بالدنيا نتحمل شوقي لكي بس علي مهم انتي تقعدي كويسه كله يهون
رفاء دموعها ينزلن وساكته
حسين..حبيبي
رفاء من وسط الدموع..نعم
حسين..تؤتؤ عليش دموع توا دايما دموع
رفاء ضحكت
حسين ابتسم..كنك عجبك صوتي نغني يعني
رفاء..لا شكراً مانبيش خلاص
حسين..شنو هدينا
رفاء..حبيبي
حسين تنهد..نعم يا قلبه ياعيونه ياجميع أعضاء جسمه
رفاء تضحك وتمسح في دموعها..ياانت بطل سماطه عاد
حسين..علي كلمه انت مش مبطل سماطه
رفاء..باه حسونه
حسين..شنو دلع جدتي هذا
رفاء تبتسم..بطل عاد
حسين مبتسم..قوليلي كلمه سمحه توا نسكت
رفاء..قتلك حبيبي قعدت تسمط
حسين..انا نحب نضحكك بس لانه صوت ضحكتك سمحه
رفاء خذت نفس وابتسمت..قريب ياذن الفجر مش ترقد وماتصليش
حسين..لا توا نصلي تمام وندعيلنا
رفاء تنهدت..باه ان شاء الله هيا تصبح علي خير
حسين..اسمعي
رفاء..شنو
حسين..متزعليش روحك باهي ونحبك بكل
رفاء..وانا نحبك هيا اوكي
حسين ابتسم..تصبحي على خير
رفاء..وانت من اهل الخير
صكرت رفاء ومسحت دموعها وتنهدت
