#قرارات_مُهمشه⏳
حلقه16
"الحلقه الي فاتت مافيش تفاعل بس كتبت ونزلتها #تفاعلن عاد 🙂"
طلعت لقيت صلاح مصبي مع تغريد وهيا ماسكه سفره ويحكوا
انا ابتسمت وقربت..خيرات
تغريد شافتني ومدت سفره لصلاح..هلا شنجو صباحيه مباركه
انا..سلمك ياعمري
صلاح يبحت فيا ورافع حاجبه
تغريد..باه مانعطلكمش طاهر يراجي برا
صلاح..اها منفصل قاعد المجقجق هذا
تغريد..هي بأي
انا..اوكي
طلعت تغريد وبرم عليا صلاح عاقد حواجبه..خشي جوا
انا استغربت..كنك
صلاح ب نفتره..خشي معش تناقشي
انا استغربته وخشيت خفت يزيد يعصب أكثر قمعزت علي صالون وهوا شويا خش صكر باب بكراعه وحط سفره علي طاوله وساكت
انا صبيت تنحنحت..احم حبيبي جيعان نرتب سفره
صلاح هز راسه ومشاء قمعز
انا برمت عليه..تؤ كنك معصب مني انا درت حاجه تزعلك
صلاح يبحت فيا بالجنب
انا قربت قدامه..باه بطل تبحت فيا هكي احكي
صلاح كرني علي كرعيه وكتفني..توا بعقلك انتي طالعه هكي والناس في كل مكان بعدين شوفي رقبتك مغير تغريد دارت الحوله
انا شهقت..حيييي صاح والله
صلاح رافع حواجبه ويقلد عليا..صااااح
انا ضحكت وميلت روحي..انا عارفته حبيبي يرضش يزعلني لتاني يوم لنا
صلاح غمض عين ويبحت فيا من تانيه..صبي يا بيبي صبي حطي فطور بنموت من جووووووووع
انا..وعليش هكي جووووووووع
صلاح..لاني جيعاااااان وخايف ناكل عسلي الخاص
انا فكيت روحي..لالا عسلك من اليل لليل
صلاح يضحك..هبله انتي عنجد من ليل لليل
انا نحرجت وجي قعد احمر برمت..معش تسمط ممكن
صلاح مصبي ورايا..لالا تؤتؤ مش ممكن
انا برمت علي صلاح ورفعت صبعي في وجه..معش تقول تؤتؤ
صلاح..عليييييش
انا..هكي ياهبل ياسرك هبال
صلاح جاء قدامي..حي علي امه تحكي غرباوي انتي
انا ضحكت..كنك
صلاح..لا شي بس سمحه قلتيها تعرفي تحكي
انا..مش واجد عندي بنات علي فيس من الغرب نشوف في كلامهم بعدين اصلي واصل خوالي من غادي
صلاح..اها صاح بس انقنها عسل من فمك يافرخه
انا نضحك وقعدت نرتب في فطور
انا..هيا حطيت فطور
صلاح جاي بيقمعز..الي يسمعك يقول درتيه
انا كشخت..عارفته مش انا درته
صلاح يبتسم..باه بلاش عصبيه
انا نبحت في فطور..مش معصبه عادي
صلاح غمس في قشطه ويقرب من فمي
انا دفيت ايده..حول نبيهش منك
صلاح مسك جدوقي بين ايده بيش فمي نفتح وحطها فيه..هكي تبي انتي كولي هيا
انا ناكل..بالغصب هيا
صلاح مبتسم..بالغصب معايا انا كل شي بالغصب
انا ابتسمت وتنهدت وبحتت في ايد صلاح لقيت اسواره في ايده
صلاح فطلي ورفع ايده..ماحولتهش بكل
انا ابتسمت
صلاح..ريت كيف فرحت الهبله
انا..معش تقولي هبله انت الهبل تعرض في هبالاك ديما
صلاح يضحك..لا انا رومانسي مش هبل
انا..اها واضح بكل
قعدنا نفطرو وانا وصلاح نتناقرو وهوا يحرق في دمي
كملنا الفطور وانا صبيت نلم رن فون صلاح وانا خشيت المطبخ
