#قرارت_مُهمشه⏳
حلقه6
"ماتنسوش تفاعل لايك قبل لا تقرن لانه حنصفو ❤ والي تبي ادير اضافه ادير اضافه لناس تقرا في روايات مش ناس تقعد صنم الله يستر بيتكم😂 قراءة ممتعه 💋"
"خشيت لدار وقمعزت فتحت فوني وقعدت مقمعزه حاطه ايدي علي قلبي ومبتسمه شويا ورن فوني بحتت لقيته صلاح قعدت متررده نرد عليه وخايفه لعند وقفت رنه دزلي مسج
صلاح..ردي بطلي هروب لاني حنمسكك نفس نبدري
قعدت نضحك علي كلامه شويا وعاود أخرى رديت
صلاح..باهي الي رديتي واخيراً
انا ابتسمت
صلاح..باهي كنك سكتتي
انا..شن نبي نقول
صلاح مبتسم..عادي الي تبيه علي مهم تحكي
انا..صلاح
صلاح بصوت هادي..نعم شنو
انا زمطت ريقي..جديات يعني الموضوع قصدي هكي بسرعه هذي
صلاح..شوفي ياجهاد انا مانحبش الكذب ولا نحب ندير حركات المراهقين هذينا ف انا جيت حكيت طول عارفك انتي صغيره وممكن ماحبيتش اني حكيت علي طول لاني اربكتك صاح
انا..لا مش هكي بس متحشمه منك
صلاح ضحك..عليش متحشمه لاني دكتورك قصدك
انا ابتسمت..اهمم
صلاح..عادي شن المشكله يعني
انا سكتت وقعدت نسمع في صوت نفسه بس وهوا ساكت
صلاح..قتلك
انا..نعم
صلاح..شن لون عيونك
انا ضحكت..لونهن عليش
صلاح مبتسم..مغير قوليلي بس بعدها توا نقولك انا..مش عارف اصلاً لونهن غريب مانعرفش
صلاح يضحك..مره نحسهن زرق مره نحسهن خضر ب عسلي كل مره لون
انا مبتسمه..اممم هنا هكي حتى انت لون عيونك عسلي حلوات
صلاح ابتسم..نجك ليا
انا متحشمه..صلاح امتى بيقعد موعد امتاعي لانه ماحضرتش
صلاح..توا نحكي مع خالك
انا..باه تمام
صلاح..علي فكره كنت نحسابه راجلك
انا ضحكت..عصومي علييش
صلاح..اها عصومي بعد شفتكم تحت وهو خايف عليك كنت نحسابه راجلك
انا..لانه صغير مش كبير واجد
صلاح..لا نقصد معاملته لكي
انا..اها هو حنين واجد ويحبني ويخاف عليا وديما حاميني ويحسس فيا ب أمان معاه ف حتى انا نحبه واجد
صلاح..اها ربي يخليه لكي
انا..ان شاء الله يارب
صلاح..لا هكي نحن نبو نبدو نغارو راه
انا ضحكت..عليش
صلاح مبتسم..هكي عاد
انا..باه انت عندك خوات
صلاح..اها عندي تغريد وبسنت تؤام أكبر منك ب سنه تهيالي
انا..الله نحب تؤام
صلاح..تؤام الشر هذينا مجرمات
انا ابتسمت..الله يعوينهن مع بعضهن ديما اكيده
صلاح..اها ديما لاصقات في بعضهن
انا..ماعندكش خوت
صلاح..عندي خو واحد وصغير يقرأ في الاعدادي
انا..اها
صلاح..اسمعي
انا..نعم
صلاح..الله ينعم عليك
انا ابتسمت
صلاح..توا عندي شغل باهي نروح في ليل نحكوا يانتوفه باهي
انا..باه بس شنو نتوفه
صلاح يضحك..توا نقولك مره أخرى هيا تبي شي مني
انا..لالا سلامتك
صلاح..اوكي
صكرت منه وقعدت مبتسمه علي كلامه
بدون مبالغه من اول مكالمه ليا معاه حسيت كيف انه عاقل وناضج واجد وتفكيره سليم حسيت انه راجل جديات
رقدت علي سرير وانا مبتسمه ونذكر في كلامه "
"حسين مقمعز في المحل رن تلفونه رفعه ورد..ايواه
رفاء..ايواه
حسين عقد حواجبه..حضره الانسه ولا المدام معليش
رفاء ضحكت..لا معناها كل وحده تخش تعزقلها رقم قول الحق
حسين..والله الي تعجبني نعزقلها وياصابت ياخابت
رفاء تضحك..عليك صراحه عندك
حسين يضحك..مغير قولي هيا من انتي
رفاء..مش لازم مش تبي تكسد وياصابت ياخابت
حسين..لا كيف هكي بالك تضحكي عليا وأخذه رقمي من شي حد وتطلعي شينه
رفاء..اممم لالا سمحه انا اطمن ياابو عيون زرق
حسين..رسمي شايفتيني
رفاء..شايفتك اها ماه قتلك عاد كنك مش مصدق انت
حسين..اسمعيني من الاخير انا لا عندي ثقه في بنات لا شي وانا مكسد مانيش امتاع حب
رفاء..اممم حلو من قالك انا امتاع حب حتى انا وحده مكسده
حسين..باه خلينا نشوفوك دابين تعرفيني
رفاء..مش توا مغير نتعرفو بس ياحلو
حسين..اسمي وشكلي عارفتيهن شن تبي تعرفي أكثر
رفاء..انا ساره وبسسس
حسين يضحك..باه ساره وبس"
