#قرارات_مُهمشه⏳
حلقه39
"علياء..مش حيطول معاك حمزه يبي بنت كامله مكمله سيوره مال منك وعازقك عليش طولي في طريق وهو قصير
فريحه تبحت فيها وجامده مكانها حمزه خش
حمزه..هيا فريحه
فريحه زمطت ريقها وبرمت..هي
حمزه يبحت فيها..هيا مع سلامه ياامي توصي علي شي
علياء..لا ياباتي
فريحه تبحت فيها وساكته
حمزه قرب من فريحه ومسك ايدها..هي كنك مسكته
فريحه برمت تبحت فيه..اه باه
قعدت ساكته حتى ايدها مالفتهش علي ايد حمزه طلعو برا وركبو في سياره
حمزه يبحت فيها..حبيبي شن في
فريحه تبحت في قزاز..شي
حمزه..غير كنك شن في
فريحه تحس في راسها..حمزه نبي ميه وشكلاطه نحس في راسي كيف الهبوط
حمزه يبحت فيها ومسك ايدها..كنك شن في كنك
فريحه غمضت عيونها بقوه..مش عارفه
حمزه درس علي محل ونزل يجري جاب شكلاطه وعصير وميه وهو مستعجل قعد يحل في شكلاطه ويبحت في فريحه
حمزه يمدلها في شكلاطه..نشيلك لمستشفى
فريحه تاكل في شكلاطه..لا لا عادي تصير ماتخافش
حمزه يحل في عصير..باه اشربي هيا انتي مافطرتيش
فريحه تبحت فيه وعيونها يدمعن
حمزه يقرب منها..كنك عليش زعلانه في حاجه احكي
فريحه..انا نبي نتريح معاك
حمزه ابتسم ومسك ايدها..ليش مش مريحك انا
فريحه تبحت فيه..مريحني بس هكي نبي نتريح طول حياتي معاك مانبيش شي يعكر عليا ولا شي يكسر خاطري ويجرحني
حمزه..من قالك بنجرحك مش كل الناس كيف بعضها
فريحه..مانقصدش عليه لو كان فهمتني عليه انا اسفه
حمزه..اسس خلاص عارفك
فريحه مسكت في ايده وتنهدت..هيا عدي وقت علي طياره
حمزه ابتسم وقعد ماسك ايدها ويسوق وهيا تبحت فيه خايفه لو جد يسيبها ويبحت لغيرها "
"صلاح ناض قمعز يحك في عيونه برم بحت فيا كنت محوله الغطاء من عليا وروب مرتفع واجد
صلاح ابتسم..نعن شكلك ياجهاد تسخني فيا من عند الصبح
غطاني وخش لحمام توضى وطلع لاقني محوله الغطاء
صلاح يضحك..لا رسمي تسخين هذا
قرب مني وحط ايده علي خدي قرصني..جهاد نونو هيا حسيمي نوضي
انا حولت ايده لانه حسيت بقرصته
صلاح قمعز تلايا وطبس باس بطني..هيا حبيبي هي نوضي سادك نوم
انا بصوت هادي ومغمضه عيوني..ساعه كم
صلاح..واحد هيا عيوناتي نوضي
انا ابتسمت وفتحت عيوني ونحكي بصوت هادي..ليش القرص اه
صلاح ابتسم..بيش تنوضي ماتنسيش روحك ياعضاضه نوضي ولمي روحك يافرخه
انا ضحكت وصبيت نزلت روب..انا نتحرك
صلاح..عارفك هيا نوضي
نضت خشيت لحمام وهو يصلي وغير دبشه ومقمعز ماسك تلفونه طبعاً تلفون قديم نحرق في حوش هلي وحاط دخان في فمه
انا طلعت..علي ريق هكي
صلاح نفخ دخان..معش طلعتي عاد
انا..باه نصلي بس وانت ديما مستعجل خاطري نعرف ليش
صلاح..اسس امشي اصلي واسكتي
صليت وغيرت دبشي طبعاً جايب كل دبش طويل والوانه غامقه
انا مسكت تلفوني وبعدها برمته عند صلاح..بحت شن سميتك
صلاح يضحك..دكتور مكار
انا..خزي ماشفتش حد كيفك يمكر
صلاح كرني علي كرعيه مسكني وايد تانيه ماسك بيها تلفون يحكي ودخان في فمه..توا نوريك
انا..اوحا افطن دخان راه يحرقني
صلاح حوله..مش حيحرقك
نبحت فيه شن يسجل فيا
انا ضحكت..النونو متاعي
صلاح مبتسم وباسني علي خدي..اصلاً تقولي فيها سمحه
انا بثقه..كل حاجه من جهودي سمحه
صلاح رفع حاجبه..احي
انا بحتت فيه..قوله كذبه دكتور مكار
صلاح..اسسس راه معش نطلعو بكل
انا صبيت..انلا هيا راه نونو جيعانين
صلاح مبتسم..باهي هيا يا نونو الكبيره
