#قرارت_مُهمشه⏳
حلقه 4
لايك قبل ماتقرن ماتنسنش لانه بنصفو الناس "نحضروهم" الي تقرا بدون ماادير في لايك وتعليق 🙂 +تاقاتكم للناس الي تنسجم مع رواياتي+ قراءة ممتعه❤
"طلعت من باب الشقه قابلني دكتور صلاح
انا شهقت وبحتت فيه
صلاح ضحك وبحت فيا..كنك ياجهاد نفجعتي مني
انا هزيت راسي ب لالا..لالا بس ماتوقعتش نشوفك هنا
صلاح صبى عند الاصانصير وفتحه وانت صبيت قدامه
صلاح..تفضلي خشي بتنزلي
انا..اها
خشيت معاه وقعدت مصبيه بعيد عليه
صلاح..انا نسكن هنا شقتي هذي
انا..اها حتى نحن شقتنا هذي
صلاح..ملك لكم
انا هزيت راسي
سكتنا ونفتح الاصانصير طلعت نجري لقيت عصام بيطلع من باب العماره
انا..عصاام عصومي
عصام برم..جهاد شن نزلك انتي معقوله نازله بروحك
انا..مفاتحيك نسيتهن انت
عصام..باهي ليش مارنيتي عليا جيت خذيتهن
انا..شفرتي راحت
عصام فنص..استغفرالله ياربي توا نجيبلك وحده ومعش تحركي من شقه تشغليني عليك
انا..باه حاضر متزعلش بس
عصام مبتسم..لالا مش زعلان نخاف عليك بس علي مهم تبي حاجه
انا هزيت راسي ب لالا..سلامتك
عصام..هيا طيري فوق
طلع عصام من العماره وانا جيت نبي نركب من دروج
صلاح..كنك ماتبيش تركبي ف اصانصير
انا..نخاف بروحي
صلاح هز راسه..تعالي انا نسيت اوراق فوق بنرد هيا اركبي
انا رديت من درجه الي ركبتها وهوا زر البطمه طفى الضي
صلاح..جتنا جتنا ركبه الدروج
انا بصوت واطي..عندك تلفون ولع الضي
صلاح..اه باه هي
طلع الفون ولع الضي وقعدت نركب في دروج وهوا ورايا يمشي
انا سمعت باب شقه نفتحت وخرت وصبيت تلا صلاح
صلاح حط الضي علي وجي..كنك
انا قعدت نعمش وخرت..الضي
صلاح قعد يبحت وساكت بعدها حوله..كنك خفتي ردي اركبي مافيش حد يجي شورك
انا رديت نمشي تلاه لين وصلت لدور شقتنا لقيت ماما مصبيه تراجي فيا
ماما..جهاد وينك شغلتيني عليك ياماما
انا..اهو جيت يا ماما شلت لمفاتيح لعصومي
ماما..عارفه اها بس نفجعت بعد طفى الضي
انا..خلاص جيت هيا نخشو
خشيت وصكرت الباب نسمع فيه يحكي برا
رافع..تي وين كنت يارا نضت لقيتك مش قاعد
صلاح..كنت طالع بس نسيت لاب توب نبي ناخذه
رافع..من الطرف الي معاك كانت
صلاح..شن دخلك خش خش راه والله نكسرلك سنونك
رافع يضحك..تي ينعلي وخلاص
صلاح يبحت فيه ب الجنب "
"قعدت نسمع فيه وابتسمت لانه تحت قال اوراق وتوا قال لاب حسيته لانه عارفني خايفه ركب معايا ومايبيش يقول بيش ماننحرجش
ماما..جهاد تعالي هيا دايره كيكه تهبل
انا..هيا جيت
ماما مولعه شموع وتقص في كيكه..من الي راكب معاك
انا..دكتور صلاح يسكن مقابلنا وانا نازله شفته
ماما..صاح صغير
انا..انا باين من عمر عصومي
ماما..اها ديري القهوه الله يربحك
انا ناكل في كيكه..حاضر ياعيوني
ماما ابتسمت..نجك ليا ان شاء الله ديما راقيه
صبيت درت القهوه وقمعزت مع ماما نحكوا
