ချစ်ခြင်းမှတစ်ပါး(ခ်စ္ျခင္းမွတစ္ပါး)

❦︎အပိုင်း-၁❦︎(အချီခံချင်တာလား)❦︎အပိုင္း-၁❦︎(အခ်ီခံခ်င္တာလား)

#Unicode
တိတ်ဆိတ်သောဧည့်ခန်းကျယ်ထဲ တိုင်ကပ်နာရီကြီးက စည်းချက်ညီစွာဖြင့် 'ချက်... ချက်... ချက်' မြည်နေသည်... ဧည့်ခန်းအလယ် နှစ်ယောက်ထိုင်ဆိုဖာတွင် တင်ပလ္လင်ခွေထိုင်နေသောမိန်းမငယ်လေးကတော့ ပေါင်ပေါ်ရှိlaptopကိုသာ မျက်တောင်မခတ်တမ်းအာရုံစိုက်နေသည်... ရှည်သွယ်သွယ်လက်ချောင်းလှလှလေးတွေက keyboardပေါ်တွင် လျင်မြန်သွက်လက်စွာ လှုပ်ရှားလျက်ရှိသည်...

💻|'ကျွီ'

မှောင်မဲနေတဲ့အခန်းထဲ ထွက်ပေါ်လာတဲ့အခန်းတံခါးပွင့်သံက Nancyအတွက|

🎵🎵🎵If all of the kings had their queens on the throne
We would pop champagne and raise a toast
To all of the queens who are fighting alone
Baby, you're not dancin' on your own🎵🎵🎵

"Sh*t!!!!... "

ရုတ်တရပ်ထမြည်လာတဲ့ Ava Maxရဲ့သီချင်းသံ...  ခပ်စူးစူးလေးထွက်လာတဲ့ ကျိန်ဆဲသံ... ဆက်တိုက်ဆိုသလိုဖြစ်သွားတဲ့အသံနှစ်ခုနောက်မှာ မိန်းမငယ်လေးက သူမဘေးမှာရှိနေတဲ့ဖုန်းကိုကောက်ကိုင်လိုက်သည်..

"ခရမ်း... နင့််ကိစ္စကသေရေးရှင်ရေးလောက်အရေးမကြီးဘူးဆိုရင် ငါကိုယ်တိုင် နင့်ကိုအမှုန့်ကျိတ်ပစ်မယ်... "

"အင့်... ဟင့်... ဝိုင်... ဝိုင်ရေ... "

"ဘာလဲ?... ဘာဖြစ်တာလဲ?... ခရမ်း နင်ဘာဖြစ်လို့လဲ?"

ဖုန်းသံက ရေးလက်စသူမဇာတ်လမ်းအတွက်  စိတ်ကူးစိတ်သန်းတွေကို နှောင့်ယှက်ဖျက်ဆီးလိုက်သလိုဖြစ်သွားသဖြင့် ဒေါသတကြီးပြောလိုက်သော်လည်း  ဖုန်းထဲမှ သူငယ်ချင်းငိုသံကို ကြားလိုက်တဲ့အချိန်မှာတော့ သူမကိုထိတ်ထိတ်ပျာပျာဖြစ်သွားစေသည်...

"ကျော်လေ... ကျော်... အီး... ဟီး...... ကျော်......."

"ဟာ!... တိတ်စမ်းပါ ခရမ်းရာ... မငိုပဲငါ့ကိုသေချာပြော... ကျော်စည်ဘာဖြစ်လဲ?"

"ကျော်လေ... အင့်... ဟင့်..."

"အင်း... "

"ကျော်... ကျော်က လင်းလက်ကြယ်နဲ့... အင့်... ငါဘယ်လိုလုပ်ရမလဲ ဝိုင်ရယ်?... ဟင့်... ငါ့အပေါ် သူမို့ဟာ... သူမို့လုပ်ရက်တယ်... ဟင့်... ငါ့မှာ သူ့အပေါ် ဘယ်လောက်တောင်ချစ်လိုက်ရသလဲ?... သူ... သူမို့... အီး... ဟီး.... "