(هنأك قلب ينزف بكثره وأنت تمرح لا تُبالى)
: وانا اروح معاك ليه ابن صاحبك وعمل حادثه وفي المستشفى وانت عايز تعمل الواجب روح انت، اجي معاك ليه ؟! ملوش لازمه
اسماعيل بحده : قلت الف مره الي اقوله يتسمع ثم ان ( على ) صاحب عمرى وليه فضل كبير عليا لازم نعمل الواجب صح انت مش صغير لازم نروح زياره بكرا المستشفي والكلام الي اقوله يتنفذ يا سليم بدون نقاش .
سليم بضيق ونرفزه وهو قايم خارج من البيت : فضل وفضل هنخلص امتى من حوار الفضل دا مكنش مبلغ استلفناه منهم عشان نأسس شركتنا
اسماعيل وهو شايفه خارج من البيت اتكلم بتنهيده : ربنا يهديك يا سليم
_________________________
تاني يوم ......
قاعده علي كرسي جمب السرير الي اخوها نايم عليه في المستشفى وماسكه مصحف وبتقرا فيه رفعت راسها بعد ما سمعت باباها وهو بيتكلم وسالت باستغراب : قلت اي يا بابا!؟
_ بقول عمك اسماعيل صاحبي انتي عارفاه بلغني انه علي وصول هو ابنه جاي يطمن علي اخوكي
اخدت نفس طويل بتحاول تتحكم في اعصابها عقدت حواجبها بضيق وهي بترجع عينها للمصحف وتقفله قاطع صمتها صوت باب الاوضه وهي بيتفتح وترحيب باباها رفعت عينها وشافتهم واقفين قربت تسلم علي ضيوف والدها بعد ما باباها ناداها : يارا تعالي سلمي علي عمك اسماعيل
يارا بهدوء وهي بتحاول مترفعش عيناها : اهلا يا عمو اتفضل
دقايق وسمعت اسماعيل بسالها : خلصتي كليتك يا يارا يا بنتي !؟
يارا بهدوء : ايوا كانت اخر سنه واتخرجت الحمد الله
سليم وهو بحده وعيونه باصلها بتركيز اتكلم بنبرة تعالى : واي هي دراستك اصلا !؟ خريجه اي ؟!
يارا بضيق وهي بتضغط علي ايديها : اداره اعمال
سليم بسخريه : انتي واخوكي اداره اعمال هه وياترى بقا واخدها بمجهودك ولا واسطه!؟
يارا رفعت عينها وبصت له برفعت حاجب بعدها ابتسمت باستفزاز وبنفس نبرة سليم الساخره : وانا ليه اتعب زي زي غيري وانا قادره ان الشهاده تجيلي بالوقت الي انا عايزاه علي طبق من دهب
على وهو بيضحك علي كلام بنته : ليه النفخه الكدابه دي يا ياراا دا انتي طلع عينك في المذاكره يا بنتي
يارا بضيق : ليه نضحك عليهم يا بابا عمو اسماعيل وسليم مش اغراب وعادي يعني حتى لو مكنتش دخلت كليه كنت هاخد منصب اعلى من اي حد شاطر خريج كليه الشركه بتاعتنا وبراحتي
ابوها بصلها بحده بمعني بطلي كلام بايخ واسكتي سكتت يارا بضيق علي استفزاز سليم ليها وانه بيقصد يضايقها بتكره مقابلتهم وبالاخص سليم مبتكرهش قده الجو اتوتر في الاوضه حبت تاخد نفسها فاستاذنت وهي بتقف : بعد اذنكوا محتاجه اروح الكفاتريا تحت اجيب مايه
أنت تقرأ
اسكريبتات بقلمي دنيا صابر
Romanceهنزل كل اسبوع اسكريبت جديد صغنون كدا ف تابعوني عشان كل جديد 😊 __________________ كلنا بنعيش مشاهد بتاثر فينا مش لازم يكون ايجابي او سلبي المهم اننا بنتعلم منها ف الاخر. __________________ الحب متاهه لو دخلت المتاهه دي و انت مش مركز و مصحصه كويس للط...
