( وسأظل أحبك إلى أن يتسلل البياض في لحيتك ويلامس بياض ضفائرى )💙
شهد : أنا مش جميله ي سلمي ، علشان كدا سليم محبنيش.
سلمي : انتي جميله جداً ي شهد ولازم تقتنعي بكدا وتشوفي نفسك جميله علشان الكل يشوفك جميله ، وبعدين سليم ميعرفكيش نهائي علشان يحبك ي حبيبتي.
شهد : نفسي يرجع بقا، وحشني اوي والله.
سلمي : لو رجع هتعملي اي؟
شهد : يا لهووي ، دا اناهعمل حاجات كتير جدًا.
سلمي : زي اي؟
شهد : زي....
سكت، هعمل اي يعني؟ الحب هو الحاجه الوحيده اللي مبتطلبش ولا بايدنا اي حاجه نعملها علشان نتحب.
سليم بالرغم من انه جارنا إلا انه تقريبًا عمره ما شافني وكنت دايماً بتعمد أخبي نفسي عنه، وانا بحمد ربنا انه مشافنيش لانه اكيد مش هيحبني، حد زيه وسيم وشكله حلو جدًا هيحب واحده زيي مش جميله!
كنت دايماً براقبه من شباك أوضتي، ملامحه الجميله وصوته الرجولي اللي بيبهدل قلبي لما بسمعه، معاملته لأهله وأخواته وقد اي بيحبهم وبيخاف عليهم خلتني اتعلق بيه يوم بعد يوم، لغايه ما قرروا يسافروا ويكمل دراسته برا وقتها كان وجعي أكبر من كونه محبنيش، خليك هنا قدام عيوني ومش مهم تحبني.. الأهم انك متفارقش عيوني أبداً.
.................................
سلمي بابتسامه بشوشه : عندي خبر ليكي، لا لا خبرين كمان.
شهد بتملل : لا بقولك اي اخبارك دي تخليها لنفسك انا مش ناقصاكي.
سلمي بخبث و غمزه : ولو قولتلك ان سليم راجع الخميس الجاي.
شهد و مش مصدفه : بجد ؟
سلمي بتأيد : وكمان طلع صاحب احمد وهييجي خطوبتي.
شهد انتي بتقولي اي!! ثانيه واحده كدا
اي الكلام اللي بتقوله دا بجد هيرجع , و الخطوبه اي دا هيجي خطوبه سلمي يعني هشوفه تاني , إهدي وكفايه تعلقي قلبك كدا ف حبال دايبه يا شهد سليم عمره ما هيبص ليكي ابداا .
شهد : بجد ي سلمي، سليم جاي!
سلمي : اه ي حبيبتي والله، كنا بنحدد معاد خطوبتي فجأه محمد خطيبي عارض المعاد اللي حددته فبسأله ليه! قالي علشان حابب صاحبه يحضر الخطوبه وبمجرد ما قال اسم سليم وانا اتفجات ومقدرتش انطق بحرف، وقتها بس حسيت انه ربنا كاتبلكم انكم تتجمعوا ويشوفك و...
كانت بتتكلم وانا قلبي وعقلي وكل كياني راح ف مكان تاني، مكنتش سامعه اي صوت حواليا غير صوته هو بس، أخيراً يا سليم هترجع، أخيرًا عيوني هتشبع منك، بس لسا قلبي هيتوجع ف كل مره براقبك فيها ومش عارفه اشوفك وش لوش!
أنت تقرأ
اسكريبتات بقلمي دنيا صابر
Romanceهنزل كل اسبوع اسكريبت جديد صغنون كدا ف تابعوني عشان كل جديد 😊 __________________ كلنا بنعيش مشاهد بتاثر فينا مش لازم يكون ايجابي او سلبي المهم اننا بنتعلم منها ف الاخر. __________________ الحب متاهه لو دخلت المتاهه دي و انت مش مركز و مصحصه كويس للط...
