اتكلمت بسرعه و ايديها بترتعش _أنا لازم أقفل دلوقتي.
_تاني ي سلمي ، تاني!
سلمي بنبره ياس _أنا عاوزه أعيش في هدوء يا اسماء مش حابه مشاكل ولا خناقات، مبقيتش قادره استحنل اكتر من كدة تعبت و قلب تعب أكتر .
اسماء : انا حرفياً تعبت من الكلام معاكي في الموضوع دا.. ع طول بنصحك و اقول لك ابع...
قاطعتها سلمي بسرعه و بنبره خوف
_بس بس عمر وصل.
قفلت في وشها كالعاده اول ماسمعت مفاتيح الشقه في الباب، فدخل وقربت منه وقلعتله الجاكت.
سلمي بهدوء : حمدالله ع السلامه.
عمر : كنتي بتكلمي مين؟
سلمي :اسماء
عمر بنرفزه : ولما هي اسماء قولتيلها ليه اقفلي علشان وصلت! ولا مش عاوزاني اسمع مكالمتك ولا بتتكلمي مع مين؟
سلمي بزهول سكت، مقدرتش ترد على إتاهمه ليها
عمر و رافع صوته : إنطقي.
جسمها اتنفض، وايديها بدأت تترعش من صوته العالي، كان بيشاور بايده وهو بيتكلم و هي كانت بتبعد كانت خايفه إيده تتمد عليها تاني، خايفه , خايفه تتعب و تتوجع و هيعماله تعمل شغل البيت و هو لا سال فيها و لا عاملها اي اهتمام , تعبت من الذل و الاهانه و الوجع , تعبت حتي من التعب نفسه
عمر بعصبيه و هو بيمد ايده : هاتي تليفونك.
سلمي بسرعه جريت وجابت الموبايل واديتهوله، فتحه ورن على آخر حد كلمته واتصل وفتحت اسماء وقالت :
_تاني! انت اي؟ حرام عليك ارحمها بقا, انت اي مبتزهقش ...
قفل الخط في وشها، ورمى الموبايل على الارض،
سلمي وطيت علشان تجيبه بس صوته العالي كان اسرع
عمر بغضي : سيبيه، أنا لسا مدورتش كويس.
سلمي بنبره واضح جدا انها كاتمه العياط بصعوبه : تدور على اي؟
عمر : أدور وراكي، ما انا طول اليوم في الشغل مش عارف اي اللي بيحصل في غيابىو بتتكلمي مع مين و بتعمل اي و انا مش موجود
سلمي و خلاص اخر ذره امل ف محاوله كبت دموعها خلصت اتكلمت و هي منهاره و بصوت غصب عنها علي : حرام عليك.. ليه كل دا؟ انا عملت فيك اي؟
عمر بنرفزه : مش كفايه متحملك وانتي مبتخلفيش!
سلمي بوجع : انت بتعايرني؟
عمر : يوووووووه، اسطوانه كل يوم، انت بتتهمني؟ انت بتعايرني؟ حرام عليك، أنا عملتلك اي؟... قرفتيني.
سلمي و هي منهاره : قرفتك! بعد كل دا وقرفتك؟ مش كنت بتقولي انك بتحبني و انك بتتمني بس بصه مني و مش متخيل اني بقيو ليك لوحدك , ازاي اتغيرت كدا؟ ازاي قدرت تمثل عليا كل دا؟ قلبك موجعكش مره! ضميرك مأنبكش ولو لثانيه! انا حبيتك! حبيت طيبتك وحنيتك وحبك ليا، حبيت عمر بتاع زمان، ايام الخطوبه اللي كان بيحاول يخليني ارضى عنه بأي شكل وبأي تمن، والوقتي لما امتلكني خلاص! كل دا ليه؟ علشان مبقاش ليا ضهر أتسند عليه! عشان اهلي متوفين ومعنديش مكان غير هنا اكون فيه ف بتيجي عليا !!!
أنت تقرأ
اسكريبتات بقلمي دنيا صابر
Romanceهنزل كل اسبوع اسكريبت جديد صغنون كدا ف تابعوني عشان كل جديد 😊 __________________ كلنا بنعيش مشاهد بتاثر فينا مش لازم يكون ايجابي او سلبي المهم اننا بنتعلم منها ف الاخر. __________________ الحب متاهه لو دخلت المتاهه دي و انت مش مركز و مصحصه كويس للط...
