اسكريبت بائعه الفُل
بقلمي دنيا صابر
داليا : اتكلمي يا سهي قولي مخبيه عني اي
سهي بتوتر : كريم طلع مسيحي
داليا بصدمه :مسيحي!؟، يعني اي يطلع مسيحي، انا بحبه من زمان، ازاي يطلع مسيحي بعد كل ده مينفعش يكون مسيحي.
سهي :معلش يا داليا، انا اول ما عرفت عرفتك، مكنش ينفع تتعلقي بيه اكتر من كده، كنت خايفة إنك تغرقي ف حب مش هيكمل.
داليا :اغرق؟ هو انا لسا، هغرق، انا خلاص غرقت،بقالي اكتر من سنه بحبه ومعجبه بيه وبدعي يكون من نصيبي، ازاي يطلع مسيحي بعد كل ده، أنا لازم انساه، لازم احاول انساه، لازم اتخطى وجوده ف حياتي.
سهي : صدقيني كل ده هيحصل، قومي طبع ركعتين لربنا، أنتِ لما بتكوني متضايقة بتعملي كده وبترتاحي، وإن شاء الله هتنسي وترتاحي.
داليا وهي بتدعي في الصلاه : يارب انت اعلم بحالي وبحال قلبي انا بحبه يارب ابعد حبه من قلبي يارب وجع قلبي صعب ومش قادره استحمله خليني انساه بسرعه يااارب، يارب انا غلبانه ومليش غيرك انت قادر علي كل شئ طلع حبه من قلبي يارب.
________________
صحت من النوم علي صوت سهي بتنادي عليها : داليا يا داليا كل دا نوم اي مش هتنزلي الشغل النهارده ولا اي
داليا وبتبص حواليها : اي دا يا سهي هو انا كنت نايمه اوعي تقولي اني كنت بحلم!
سهي باستغراب : بتحلمي باي ومستغربه ليه انك كنتي نايمه !؟
داليا بفرح: ايوا انا كنت بحلم لان اخر حاجه كانت في الحلم اني كنت بصلي وعماله ادعي منمتش في الحلم خالص يعني مطلعش مسيحي ولا انتي تعرفي دا
سهي باستغراب : هو مين دا الي طلع مسيحي انا مش فاهمه حاجه خااالص
داليا وهي قايمه من علي السرير وبتحضر هدومها : حلم وحش اوي والحمد الله انه مش حقيقي يلا بقا سبيني الحق البس عشان اروح الشغل
لبست وحضرت الورد والفل الي هتبيعه زي كل يوم وماشيه والابتسامه مرسومه علي وشها وصلت الكورنيش وبدات تبيع الورد وهي فرحانه ومقرره انها هتبدا تتجراء ولازم يقع في غرامها زي ما هي بتحبه من زمان
جي معاد خروجه من الشغل وزي عادته راح الكورنيش بس المره دي مقعدش في مكانه لا قرب من داليا وهي بتبيع الورد وقال
كريم : ازيك يا داليا عامله اي
داليا : انا كويسه
كريم : طب تمام تعالي عاوز اتكلم معاكي
داليا باستغراب : خير
كريم : خير خير تعالي يلا نقعد
كريم اتحرك متوجه لكرسي من الي بيبقوا علي الكورنيش وقعد وشارو علي مكان جنبه عشان دابيا تقعد قعدت داليا باستغراب وعدم فهم وسالت : خير يا استاذ كريم
أنت تقرأ
اسكريبتات بقلمي دنيا صابر
Romansهنزل كل اسبوع اسكريبت جديد صغنون كدا ف تابعوني عشان كل جديد 😊 __________________ كلنا بنعيش مشاهد بتاثر فينا مش لازم يكون ايجابي او سلبي المهم اننا بنتعلم منها ف الاخر. __________________ الحب متاهه لو دخلت المتاهه دي و انت مش مركز و مصحصه كويس للط...
