"فطار ولا سحور" رمضان كريم.
_الجو كله رمضاني كدا وحاجه في منتهى البهجه بجد والواحد ماسك نفسه بالعافيه.
=رحاب مش عايزين جنان الله يرضى عنك.
_جنان! هو لما أقولك عايزة أنزل اعلق الزينه مع العيال في الشارع يبقى جنان؟ دا أي الدكتاتوريه دي.
=اهدي يا رحاب كدا علشان ما علقكيش أنا مكان الزينه، مافيش نزول، شيفاني إيه علشان أسيبك تنزلي تتنططي قُدام اللي رايح واللي جاي؟!
_ يا يوسف يا حبيبي ما هو أنا عايزة اعلق الزينه وألعب بالسلك مع العيال، الدنيا هيصه والعيال شكلهم حلو قوي وبعدين هو في كام رمضان في السنة.
= هو شهر واحد بس وإنتي رحاب واحدة بس وقلبي ما بيحبش غير الواحدة دي عايزاني عادي كدا أسيبها عُرضة للي رايح واللي جاي، إزاي تقبليها عليا وعلى نفسك أصلًا.
ابتسمت ابتسامه هاديه وحلوة قادرة تخطف قلب يوسف للمره اللي ملهاش عدد، قربت منه بهدوء وقبلة جبينه بود وقالت برقه:
_ أنت تعرف عني اني بتاعت تنطيط وكلام من دا؟ أنا كُنت عايزة أعرف رد فعلك بس هيكون إيه مش أكتر يا عيوني.
= وهو إنتي مش عارفة يعني غيرتي عليكِ عاملة إزاي؟! وبعدين مش كفاية زنك طول اليوم على ياميش رمضان وكاني مجبتلكيش البلح والزبيب والسوداني اول الأسبوع.
_لا دي بقا مش كفاية يا يوسف صدقني لسه محتاجه بَشر ومكسرات وسوبيا وعرق سوس وتمر هندي.
=طيب كله وتمام بس ليه عرق سوس أنا لا بحبه ولا أنتي بتحبيه يا رحاب ليه أجيبه بقا؟.
_افرض حد جي وبيحب العرق سوس عايز الناس تاكل وشنا ويقولوا علينا بُخلا.
=لا أزاي الناس تاكل وشنا وهو دا كلام جيوب اللي تفضى وأفلس واشحت أنا بس.
_يووه يا يوسف أنت كل ما أطلب منك حاجه هتقعد تقول جيوبك تفضى دا مكانوش شويه مكسرات وسوبيا اللي طلبتهم.
=رحاب أنتِ عارفه ربع الكاجو اللي طالباه دا بكام.
_بكام يا يوسف يعني 100 ولا 200 جنيه فدايا المهم أكل كنافه بالمكسرات اللي بحبها.
=الربع ب450 يا رحاب.
_نعم!! ب أي لا بص متوجعليش بطني بالأسعار أنا هطلب وأنت أشتري وأعرف الأسعار لوحد أنا مش عايزه أعرف سعر حاجه.
=أه وماله هو أنتي هامك حاجه ما أنا اللي بكع في الأخر.
_يغلوا عليا يعني؟
=اه يا أني يا أخرة صبري لا ميغلوش عليكي.
.......
حالو يا حالو
رمضان كريم يا حالو
حالو يا حالو
_يوسف، يا يوسف ممكن توطي الصوت شويه
=حاضر اهوه
-بتعمل أيه عندك وسايبني أنضف ويتهد حيلي هنا في السجاد
أنت تقرأ
اسكريبتات بقلمي دنيا صابر
Romanceهنزل كل اسبوع اسكريبت جديد صغنون كدا ف تابعوني عشان كل جديد 😊 __________________ كلنا بنعيش مشاهد بتاثر فينا مش لازم يكون ايجابي او سلبي المهم اننا بنتعلم منها ف الاخر. __________________ الحب متاهه لو دخلت المتاهه دي و انت مش مركز و مصحصه كويس للط...
