اسكريبتات بقلمي دنيا صابر

اسكريبت بعنوان (القبول)

_ روح متقدملك عريس زي الورد ادب اي و اخلاق اي

روح : حطيه ف فازه

_ انتي هتهزري

روح : اومال اسيبك تهزري لوحدك يا جميل انت

_ يا حبيبتي دا مش وقت هزار انا بتكلم معاكي بجد انا عايزه اطمن عليكي الشاب مفيهوش غلطه محترم و شيك و باين عليه ابن ناس و كمان متدين عايزه اي انتي تاني

روح : خلاص يا ماما هافكر

_ تفكري اي هو جاي بكره

_ روح: بكره الله الله يا ست ماما دا انتوا مقررين وجاهزين كمان

_ روحي يا لمضه هانم اوضتك صلي استخاره و ادعي ان ربنا يهديكي بدل ما انا لوحدي اللي عماله ادعي

....................................................

دخلت اوضتي و صليت و فضلت ادعي اذا كان خير ينور طريقي و يهديني للخير دا و قرات سوره نجم قد اي السوره دي حلوه و بتهدي الواحد و بتتكلم عن النصيب
...و خرجت تاني

.................................................
_ ها فكرتي

روح : ايوا يا ماما ادعيلي يا ست ماما يبقي خير باذن الله

..............................................

_انتي لسه مخلصتيش يا روح دا العريس زمانه ع وصول يا بنتي

روح: خلاص يا ماما جهزت اهو ...ال الجرس يا ماما الجرس بيرن

و خرجت و شوفته قاعد ف الكرسي ف الصالون اي دا اي الهيبه و الثقه اللي هالت فجاه دي شوفته لابس قميص كحلي تحفه دا حلو بشكللل(اي يا روح اللي انتي بتقوليه دا اتلمي كدا و اعقلي انتي تعرفيه حلو اي و كلام فارغ اي صحصحي كدا )

دخلت و قعت ف الكرسي اللي جمبه رفع راسه و ابتسم و انا ارتبكت و بصيت لاارض( اي دا هو ابتسامته حلوه كدا ليه اجمدي يا روح و لا يهزني)

اتكلمنا شويه و سالت الاساله اللي بسالها لكل عريس بيتقدم و هو جاوب ع كلهم اجابه كامله قد إيه هو واثق ف كل اجوبته كأني هوافق

بعد ما خرج ماما بتقولي
_ها يا روح اي رايك

روح: ماما ناوليني منديل

_روح المناديل عندك ع التسريحه

روح: لا مش من دا المنديل بتاع بارك الله لكما و بارك عليكما وجمع بينكما في خييييير 😂😅

_ اي دا انتي وافقتي اشمعنا يعني يا استاذه لمضه من غير ما تقعدي تعقديلي ف العريس و تقوليلي مينفعش و دا فيه و قال و مقالش وافقتي ع طول كدا

روح: ماما عارفه الايه اللي بتقول سيماهم ف وجوههم اهو دا بقا اجابتي عليكي ارتحت ليه و حسيت بالقبول ليه .

.........................................

مش لازم كل الجوازات تبقي مبنيه عن قصه حب و مفيش حاجه اسمها صالونات ف حاجه اسمها النصيب ليكوا نصيب تتلاقوا و تبقي مكتوبين ل بعض ف بيجي و بيتقدم و نصيبك ان هو يبقي جوزك ف حاجه اسمها القبول شوفته ف قعدت التعارف ف حسيت ان انا مرتاحاله دا اسمه قبول النصيب حاجه عمرها ما كانت بأدينا دي بأيد ربنا 💙

بقلمي : # دنيا صابر