-بحبك
دي اول كلمه قالهالي بعد فتره كبيره مكنتش موجوده فيها في حياته بسبب دراستي، فالأول كنت فكراه بيهزر
لحد ماقولتله حبتني ازاي من غير ما تشوفني
قالي اننا بنحب الجنه وبنتمني الحور رغم اننا لحد الان مشوفنا لا الجنه ولا الحور
رغم اني عارفه انه بيقول كلمه بحبك دي و خلاص زي ما بيقولها لناس كتير الا انها لمستني , حاسه ان ف حاجه غريبه بتحصل ف قلبي حاساه بيدق بشكل غريب , انا حاسه اني مشدوده ليه بس مش عايزه امشي ورا احساسي دا
لان كل مرا اسمع لكلام قلبي بتوجع اكتر من المره اللي قبلها
انا نور عندي عندي 20 سنه وحيده اهلي بعشق القراءه بكل انوااعها بحسها بدخلني عالم تاني ليا لوحدي
عارفه اني بديت اتشد ليه بس مش هينفع احنا مش شبه بعض , هو حاجه و انا حاجه تانيه خاالص , و بعدين انا مستحيل ارتبط بحد حواليه الكم دا من البنات انا واحده عمرها ما هتستحمل ضغط
ازاي اعلق قلبي مع شخص مش هيحترم وجودي او يعمل اعتبار اني ممكن احس بالغيره
: انا كذابه انا فعلا واقعه ف غرامه ف غرام كتاباته و كلمات و حتي قصصه اللي مش بفهم معظمها من كتر ما هي مكلكعه و مليانه احداث بس انا عارفه انه مينفعش ف عشان كدا رفضه و مش بايدي حاجه الا اني ارفضه
و زي العاده كل مره اقول مش هكلمه و لا ابعتله تاني و برجع فى كلامي و امشي ورا قلبي و ابعتله بس المره دي كان عندي حجه و هي انه قال ف بوست انه تعبان و محتاج دعواتنا, و انا مقدرتش اتجاهل دا و بعت له عشان اطمن … علي الاقل اطمن قلبي اللي هيموت من القلق عليه
- مالك
= مليش
- لا بجد مالك
= حابب ابقى لوحدي
- ليه؟
= عشان ده اللي اتعودت عليه
- اعتبرني وحدتك الل حاببها يا سيدي وخليك معايا
= مش حابب اتكلم
- هنسكت سوا
= انا لوحدي
- توء توء انا معاك
= طريقي صعب
- هنمشي سوا.. معندكش عربية ولا اي
= ... هتتعبي
- محصلش.. انت رخم بس انا هتحملك مش حوار يعني
= انا عصبي وبقول كلام يزعل
- عادي نلعب مصارعة سوا
= انتي ليه بتهزري في كل حاجه كده؟
- ممم.. يمكن عشان حاسه بيك
= انا محدش بيحس بيا
- لاء انا بحس.. اجيبلك شيبسي؟
= انا مش عيل صغير ومش هتضحكي عليا بكام كلمة, انا تعبان بجد
- هبقى دواك
= انا كئيب
- هفرفشك
= انا مطفي ودبلان
- هحييك وارجعك للنور تاني
=انا مكسور
- هضمد جرحك واداويك
= انا ضعيف!
- حتى لو.. هقويك بحبي ليك
= اهتمامك بيختفي اوقات كتير
- غصب عني سامحني
= خلاص مسامحك..
= تعرفي !
- عرفني
= انا كبير وناضج وعاقل بس بحب ابقى طفل اوي و انا بكلمك و اتعامل معاكي بحب ابقي طبيعتي بدون تحفظ او قيود بنسى اني كبير وكده.. بحب اعيش طفولة جديدة معاكِ.. رغم انك صغيرة وهبلة وطفلة عبيطه لكن بتبقي كبيرة وانا بكلمك فى وقت ضيقتي..
_ اقول لك ع حاجه انت مصمم تتعبني و تحيرني معاك
=ليه بتقولي كدا
_عشان انا مش عايزه استسلم لحبك
= يعني بتعترفي انك بتحبيني !
_ امتي دا !
= الوقتي و انتي بتقولي انك مش عايزه تستسلمي لحبي معني كدا انك بتحبيني
_ ها ! لا
= نور و انا كمان بحبك و اوي كمان و انتي عارفه دا و واضح عليا بطلي تستعبطي و استسلمي و بطلي مناهده و محاربه ف قلبك
_توعدني !
=اوعدك … بس بأي !
_ انك مش هيجي يوم و تخليني اندم علي ضعفي دا
= ابدا مش هتندمي صدقيني
_ طيب
= طيب اي !! فين بحبك اللي قولتيها
_هاا انت عايزني اقولك بحبك !
=طبعاا
_هاا
= ها تاني !! بصي بلاش اقول انا
_قول
=بحبك
_ وانا بحبك
أنت تقرأ
اسكريبتات بقلمي دنيا صابر
Romanceهنزل كل اسبوع اسكريبت جديد صغنون كدا ف تابعوني عشان كل جديد 😊 __________________ كلنا بنعيش مشاهد بتاثر فينا مش لازم يكون ايجابي او سلبي المهم اننا بنتعلم منها ف الاخر. __________________ الحب متاهه لو دخلت المتاهه دي و انت مش مركز و مصحصه كويس للط...
