بَعد شُوق و لَهفة و غرَام حَان الوقت إننا نتشارك القهوة و التفاصِيل .. مع إني مبحبش القهوه ولا بعرف اعملها بس بحب ريحتها بحبك وانت بتشربها وماسك الفنجان في إيدك ومركز عينك علي وشها وفخور انك عملتها مضبوطه زي كل مره وزي كل مره هضحك بصوت عالي
فتبصلي وانت عاقد حواجبك ومستغرب من ضحكي الي ملوش سبب
احاول ابطل ضحك بالعافيه واقولك : احم اصل شكلك يضحك وانت باصص علي وش القهوه كدا علي فكره انت ممكن تبصلي انا وشي احلا
تتكلم بغيظ : انتي واخده مقلب في نفسك اوي
وكالعاده هعيط واسالك نفس السوال المعتاد : يعني انا شكلي وحش
هتتكلم بحب وعينك بتلمع لمعه حافظاها بتسحرني وتوديني في عالم تاني : انتي احلا واحده في الكون والاهم من دا انتي احلا واحده في عيوني
ومن ثم تسالني بتحبي اي !
فرد عليك بتنهيده وراها كلام كتير وانا عارفه انك هتسمعني بصبر : بحب الهدوء ،مش الهدوء اللي حوالينا ده ،قصدي بحب هدوئك أنتَ
عارف؟ أنتَ تشبه أخر نُقطة قهوة في الفِنجَان دا ،بتبعد لكن بتفضل علَى طرف اللسَان ..
دايماً بنادي بإسمك لإن ببساطة الحُب ضد النسيان
طيب قولي " تحب تشرب قهوة تاني ؟"
أصل لسه فيه كلام كتير هقوله ليك وهتصدع وانا عايزاك مركز اقولك احسن من القهوة تعال نعمل سحلب السحلب حلوة ونرغي واحنا بنعمله سوا .
#دنيا_صابر
أنت تقرأ
اسكريبتات بقلمي دنيا صابر
Roman d'amourهنزل كل اسبوع اسكريبت جديد صغنون كدا ف تابعوني عشان كل جديد 😊 __________________ كلنا بنعيش مشاهد بتاثر فينا مش لازم يكون ايجابي او سلبي المهم اننا بنتعلم منها ف الاخر. __________________ الحب متاهه لو دخلت المتاهه دي و انت مش مركز و مصحصه كويس للط...
