اسكريبتات بقلمي دنيا صابر

اسكريبت العيد

الناس كلها العيد خلص عندها إلا أنا قلت والله ما هعدي العيد كدا عادي إلا وأنا معيده عليكم باسكريبت وحدوته مختلفة ومميزه🤭

بقولكم أي إيكادولي💙💙💙

______________

_إيكادولي

-أي!!
بصيت جنبي وأنا مذهوله من الشخص الي بيقول كدا ودماغي عماله ترسم سيناريوا هو الي بقرأه في الروايات هيحصل ولا أي، الشاب دا قالي إيكادولي يعني خلاص يا ندي هتعيشي قصه حب خياليه بقا زي ما بتحلمي وعقدتك هتتفك يا فرج الله، مفقتش من أحلامي الا على صوته تاني وهو بيقولي..

_يا أنسه كنت بقولك إيكادولي أي باقي أجزائها عشان قراتها ومعرفتش أي الي بعد كدا؟

صدمه.. خيبة أمل هه لا وأنا الي عماله أرسم ومفكره أنه، أما أنا طلعة غبيه بشكل يضحك..

_أجزاء السلسله بتبدأ بإيكادولي وبعد كدا أوبال، أمانوس، كويكول، سقطري.

_شكرًا لحضرتك.
قال الكلمتين دول ببتسامه حلوة تخطف القلب اي دا هو وسيم أوي كدا ليه وعندة غمازة كمان لا كدا كتير اتلمي يا ندي أستغفر الله العظيم أي اللي عماله أقوله لنفسي دا، بصيت من شباك الأوتوبيس تاني وسرحت في أحداث الروايه الي لسه مخلصه فيها أخر صفحه.

قاطعني من سرحاني لتاني مرة لا دا زودها اوي مش معنى أنه وسيم حبتين وعندة غمازة هغفرله أنه يخرجنى من سرحاني بالشكل داا..

_يا فتاح يا عليم يا رزاق يا كريم، أفندم عايز أي تاني؟

_حيلك حيلك أهدي، أنا بلم الأجرة هاتي اجرتك عشان مفضلش غيرك مدفعش.

_أي دا وأنت متعرفش توطي صوتك لازم تعرف الاوتوبيس كله اني لسه مدفعتش؟

رفع حاجبه وقال بسخريه:
_مش لما تبقي توطي صوتك أنتِ الأول!

طلعت الأجرة من شنطتي وأنا عماله أستغفر أي البني أدم المستفز دا فعلا الواحد مش بالشكل.
_خد الاجرة أهي ومتكلمنيش تااني.

_وهو انا هكلمك ليه كنتِ من بقيت أهلي.

لم الاجرة وأداها للسواق وأنا رجعت تاني ابص للشباك لحد وما قلت بصوت عالي:
_على جنب يا أسطا لو سحمت.

اتنهدت وانا بنزل من الاتوبيس وبحمد ربنا أن السواق وقف قدام الشارع بالضبط.

_يا انسة

_نعم هو أنت مستقصدني ولا أي؟

_أبدا، انا ساكن جديد في المنطقة هنا بس كنت عايز أسالك لو انتِ ساكنه هنا تدليني على مكتبه أجيب منها كتب وروايات.

رفعت حاجبي وانا بستشف أذا كان بيكذب ولا لا بس بعنين القطط دي باين عليه كدا أنه مش كداب هزيت راسه بهدوء:
_بص أنا راحه المكتبة الوقتي ممكن فأنت امشي قدامي وانا هقولك على المكان بالضبط.