اسكريبتات بقلمي دنيا صابر

المستخبي

بما ان النهارده 17 /10 اللي هو يوم يلادي ف انا حابه اهديكوا اسكريبت تسلوا نفسكوا بيه و اللي بيحبني يدخل ف الكومنتات يعايد عليا حابه اشوف كام حد بيحبني 😊😂

الاسكريبت المره دي مختلف حبتين 😂ف انجوي
بحبكوا جداا
.
.
.
.

ا

سكريبت بعنوان(( المستخبي ))

أنا منه عندي 25 سنة متجوزة من سنه وكنت عايشة في جنة بمعني الكلمة لان احنا اصلا متجوزين عن حب وكدا لحد ما حصلت حاجة حولت الجنة دي لجحيم....

عز : صباح الخير يا روحي

منه : صباح النور

عز باستغراب : مالك يا منه متغيرة معايا بقالك كام يوم هو أنا عملت حاجة تدايقيك

مريم بنفخ : مفيش

عز بضيقه من اسلوبها : براحتك يا ستى أنا نازل الشغل

منه: وأنا هفطر وأروح لماما

عز : ماشي...سلام

.........................................................

الام : اى يا منه مالك يا حبيبتي

منه: مش عارفة يا ماما بس مخنوقة أوى وعلاقتي ب عز بايظة خالص بقالها كام يوم

الام : ليه ده كريم بيحبك هو عمل حاجة زعلتك

منه : المشكلة إنه معملش حاجة بس أنا ساعات أحس إنه واحشنى وإنى عاوزه أشوفه وأحضنه , وساعات أحس إنى مش طايقة حتى أفكر فيه..أول مرة انهارده ينزل من غير ما نفطر سوا وحاسة إنى مش مدايقة من كدا عادي ودي حاجة غريبة

الام : أوعى تكوني زهقتي يا منه

منه بعدم فهم : يعني اى زهقت

الام بشرح : في أوقات بتيجي على الواحد المتجوز بيحس إنه زهق خلاص من الحياة المملة الروتينية..بس إنتى و عز بتحبوا بعض فصعب إنك تحسي بالملل ده..إنتى ناسية إنتى كان نفسك تتجوزي عز اد اى

منه : فاكرة يا ماما بس مش عارفة مالي

الام: أكيد دي هرموناتك انا عارفه , ربنا معاه والله

منه بضحكة: طيب يا ماما أنا هقوم عشان أحضر الغدا قبل ما يجي

الام : مع السلامة يا حبيبتي ربنا يهدي سرك

بعد 4 ساعات...

عز: وحشتيني أوى يا مريم..شوفي جيبتلك البيتزا اللي بتحبيها

منه: وإنت كمان وحشتني يا حبيبي..وآسفة إنى سيبتك الصبح تنزل من غير فطار

عز : ولا يهمك يا روحي

منه : طب يلا ادخل غير هدومك على ما أجهز الغدا

عز : أمر مولاتى