_ جنه أنا حاولت كتير بس انتي بتجرحي قلبي برفضك ليا, انتي ليه رافضه حبي ! .
_ لأنه مينفعش أنا واحدة مكلكعة و ملعبكه و مليانه عقد زي مسألة رياضة صعبة ورخمة ومحدش عارف يحلها .
_ بس أنا كنت علم رياضة وكمان شاطر وفي هندسة دلوقتي .
جنه ابتسمت بهدوء ومشيت ف طريقها
_ بصوت عالي _ ضحكت يعني قلبها مااال ولا إيه .
منكرش أن كلامه بيخلي قلبي المسكين يفرح ووشي يضحك بس ما ينفعش, كدا هبقي بظلمه معايا رجعت البيت ولقيت ماما كالعادة بالاستقبال بتاعها ...
_ أهلا بالست المهملة اللي هتخلي نهايتي بدري أوي .
_ ابتسمت بفتور متقلقيش أنا قبلك .
_ ليه بس مش انا قولت مننساش الدواء يابنتي .
_ ده مش هيعالجني ده هيخليني اعيش اليومين اللي فاضلين ليا من غير الم بس الخوف أصعب من اي الم وده ملوش علاج فخلاص .
_ ربنا يهديكي لنفسك يا بنتي .
سيبتها ودخلت اوضتي انا في عز مرضي مش خايفة من الموت لا بس خايفه عليها هي هتلاقي مين يعيش معاها ويونسها ..
_ جنه يا جنه .
_ وبعدين بقى .
_ خلاص يا أنسة جنه .
_ هي المشكلة عندك في الاسم !.
_ انا معنديش مشكلة في أي حاجة غير حاجة واحدة .
_ خير ان شاء الله .
_ في قلب حجر كدا مش راضي يرضى عن قلبي ويشوف حبه اللي مسهرنه و مغلبني معاه
_ انا قلبي حجر !! ياريت كان قلبي حجر كنت بقيت احسن و سبته و مشيت
بعد يومين ف اوضه ف المستشفي نفس الاوضه و نفس الدكاتره و نفس الاجهزه كل حاجه انا اخدت عليها جسمي كالعاده متوصل باجهزها ع امل انها تنقذ حياتي بس يا تري هيفضل الوضع دا لحد امتي !
_ عامله اي, وحشتيني ع فكره
_اي دا انت جيت ليه
_ف حاجه اسمها جيت ليه! بقول لك وحشتيني
_هو احنا مش هنخلص من الموضوع دا
_ هو انني ليه رافضاني !
_هو انت اعمي مش شايف انا فين و متوصله بأي, مش شايف انا خلاص منفعش لاي حاجه
_ اللي انتي فيه مش مبرر ,انا بحبك و مش طالب منك اكتر من انك تديني فرصه ابقي قريب منك, انا مش عايز منك مقابل كل اللي عايزه فرصه وبس, ابقي معاكي و اساندك, صدقيني مش هتندمي
_ انا تعبانه و محتاجه ارتاح
_ بتنهيده حاضر يا جنه انا همشي بس راجع تاني هسيبك ترتاحي, و هرجع تاني عشان اطمن عليكي و لما هرجع مش هسيبك تاني تهربي و تبعد هفضل متبت ف حبك و ماسك فيكي لاخر نفس فيا
مشي و انا ببص عليه و جوايا احساس ان دي اخر مره هشوفه فيه فضلت بصه ع فراغه هيوحشني, لهفته عليا و نظرات الحب اللي كانت بتلمع ف عيونه هيوحشني خوفه و قلقه عليا بس مش بأيدي مينفعش لازم ابقي مستسلمه لمصيري
تاني يوم
_ لو سمحتي هي مريضة اللي كانت هنا فين !
_ ربنا يرحمها
_ انتي بتقولي ايه !
فوقت على صوت والدتها .
_ ادعيلها يا ابني جنه تستاهل .
_ ارجوكي يا طنط متقوليش زيهم هي كانت تعبانة شوية صغيرين مش كدا جنه قويه ازاي تستسلم بالسهوله دي .
_ لا يا ابني جنه مريضة قلب وفي آخر فترة حالتها اتدهورت و كانت بتتعذب , ربنا رحمها ادعيلها
_ ليييه استسلمت ليه مخلتنيش اقرب منها معقول حبي كان ضعيف علشان متشوفهوش يا طنط .
_ لا يا ابني بنتي بتخاف اوي هتعلقك بأمل وهي مش هتعيش ليه كدا الحزن يبقى قليل شوية .
_ شوية !! انا مش حاسس بقلبي ربنا يرحمها ويسامحها .
أنت تقرأ
اسكريبتات بقلمي دنيا صابر
Romanceهنزل كل اسبوع اسكريبت جديد صغنون كدا ف تابعوني عشان كل جديد 😊 __________________ كلنا بنعيش مشاهد بتاثر فينا مش لازم يكون ايجابي او سلبي المهم اننا بنتعلم منها ف الاخر. __________________ الحب متاهه لو دخلت المتاهه دي و انت مش مركز و مصحصه كويس للط...
