~•𝖧𝖮𝖬𝖤•~

𝟭𝟬🌺

Unicode

တင်...

'Goodnightပါ Jungkook'

'Noonaလည်း ကောင်းကောင်းအိပ်ပါ'

သူပြန်ပို့တဲ့ စာလေးကို ဖတ်ပြီးသည်နှင့် အိပ်ရာပေါ်လှဲချပစ်လိုက်သည်။ အရာရာဟာ မြန်မြန်ဆန်ဆန်ဖြစ်ပျက်သွားတာပါပဲ။ ကျွန်မက သူ့အပေါ် ပေါ့ဆတယ်လို့ ထင်သွားမှာစိုးမိပေမယ့်လည်း အနည်းကျဥ်းမျှပင် မှားသည်ဟုမထင်ပါ။ ကျွန်မမှန်းထားတဲ့အတိုင်း ဖြစ်လာတာတွေလည်းရှိ၏။

မနက်၌.....

Dee...

တဒီးဒီးနှင့် မြည်နေသော ဖုန်းစခရင်မ်ထက်ဝယ် 'ဖေဖေ'ဟူသော စာကြောင်းလေးဟာ ပေါ်လို့နေသည်။ စက္ကန့်၃၀မြည်ပြီးရင် ပြန်ပိတ်သွားလိုက်၊ ပြန်ဝင်လာလိုက်နှင့် တစ်ဖက်ခေါ်ဆိုသူမှာ ပူပန်ဒေါသထွက်ကာ လောလို့နေသည်။ ဒါကိုလည်း သူမ သိပါသည်။ ၅ကြိမ်လောက် Miss callထားထားကာ နောက်ဆုံး ဖုန်းလေးအား ကိုင်လိုက်၏။

"ဟယ်လို...."

"Park Jimin ဘာတွေလျှောက်လုပ်နေတာလဲ"

"ဘာကိုလဲ ဖေဖေရဲ့"

"နင့်သတင်းတွေ ပလူပျံနေတာ မမြင်ဘူးလား။ ယောက်ျားလေးတစ်ယောက်နဲ့ ဖျက်ဖျက်လူးနေတာ မြင်လို့တောင်မကောင်းဘူး"

ကျွန်မရဲ့ ဘဝဟာ လွတ်လပ်ခဲ့သည်ဟုဆိုရမလား။ ချုပ်ချယ်ခံရသည်ဟုဆိုရမလား။ ဖေဖေက တချို့အရာတွေကို လက်လွတ်ထားတတ်သလို တချို့အကြောင်းတွေမှာတော့ ဆက်ဆက်ထိမခံဖြစ်လွန်းလှသည်။ အခုရော သူ့အလုပ်ကို ဘယ်လိုထိခိုက်ပြန်ပြီလဲမသိ။

"နင်နဲ့ ငါကုမ္ပဏီ Product အသစ်အတွက် ချုပ်ထားတဲ့စာချုပ်ကိုဖျက်သိမ်းတယ်"

"အိုက်ဂူး...သားအဖချင်းပဲကို ဖေဖေက ဘယ်လိုဖြစ်တာလဲ"

"တောင်ကိုရီးယားမှာ နင့်နာမည်တော်တော်လေးကျနေပြီ Jimin။ အဲ့အတွက် ငါကလုပ်သင့်တာလုပ်ရမှာပဲ။ သားအဖကသားအဖ၊ အလုပ်ကအလုပ်"

ဖေဖေဟာ အတ္တကြီးလွန်းတယ်။ ကျွန်မနဲ့ Jungkookအကြောင်း Mediaထဲပြန့်နေလို့ သူ့ကုမ္ပဏီကြော်ငြာသစ်ကို ကျွန်မရိုက်မယ်ဆိုရင် နာမည်ပျက်မည်ဟု ပေါပေါပဲပဲတွေးထားပုံ...။