Unicode
"ဆွန်းလေး... မင်းတို့ သခင်မလေးအတွက် နွားနို့ပြင်ပြီးသွားပို့ပေးလိုက်ဦး။"
"ဟုတ်ကဲ့ပါ သခင်မကြီး...။"
ယှက်ပြာယာနိုင်တဲ့ ဆွန်းလေးတစ်ယောက် သခင်မကြီးရဲ့ ခိုင်းစကားကြောင့် မီးဖိုချောင်သို့ လျစ်ခနဲဝင်ကာ နွားနို့အိုးနွေးရန်ပြင်နေသည်။
"သခင်မလေးက နွားနို့ကို ဘာနဲ့ပိုကြိုက်လဲမသိဘူး။ ဟင်း....သကြားနဲ့ပဲနေမှာ..."
ဆွန်းလေး လောလောပင် သကြားဗူးအား ရှာနေလေသည်။
"ဆွန်းလေး..."
"ရှင် အစ်ကိုလေး!"
နောက်မှ Jungkookရဲ့ ခေါ်သံကြောင့် ဆွန်းလေးခမျာ သကြားဗူးလွတ်ကျမတတ်။ အစကတည်းက ယှက်ပြာပြာနိုင်ပါတယ်ဆို...။
"ဘာလုပ်နေတာလဲ..။"
"ဟို..သခင်မလေးအတွက် နွားနို့ဖျော်နေတာပါ...။"
"သကြားဗူးကြီးလား....။ အဟင်း....သူက အချိုမကြိုက်ဘူး။"
"အဲ...ဟုတ်လား...ဆွန်းလေး သကြားတွေနဲ့ ပယ်ပယ်နယ်နယ်ဖျော်မိတော့မလို့ ဟီး...."
မဖြစ်ပါဘူး။ ဟိုက ကျန်းမာရေးလိုက်စားတတ်သူနဲ့ သကြားတွေအများကြီးထည့်ဖျော်မယ့်ပုံပေါ်တဲ့ဆွန်းလေးနဲ့...။
"ဖယ်....မီးဖိုမီးပိတ်လိုက်တော့...။ ဟိုက အရမ်းပူနေရင်လည်း မကြိုက်ဘူး။ နွေးရုံဆိုရပြီ... ငါဖျော်လိုက်မယ် ခဏစောင့်...."
Jungkook ပူနွေးနွေး နုိ့ခွက်လေးထဲ လက်မှန်းမှတ်မိနေသည့် ဆားအနည်းငယ်ထည့်ကာ ကြာကြာမွှေနေလိုက်သည်။ ခွက်လေးအား သပ်သပ်ရပ်ရပ်ပင် ပြင်ပြီး ဆွန်းလေးလက်ထဲသို့ထည့်ပေးကာ ....
"သွားပို့လိုက်...။ ငါဖျော်ပေးတယ်လို့မပြောနဲ့နော်...."
"ဟီးဟီး....ဟုတ်ကဲ့ အစ်ကိုလေး...။"
အစ်ကိုလေးတို့များ သခင်မလေးနဲ့ ကွဲသာကွဲတာ ဂရုကစိုက်တုန်း။ အပင်ပန်းခံပြီး ဟန်လုပ်ပြနေတာများ...။
ပြီးနောက် ပြာစိန်ဆွန်းလေးတစ်ယောက် Jiminအား ဒီနွားနို့ဟာ အစ်ကိုလေးဖျော်ပေးတာပါဟု သိအောင်ပြောခဲ့ပြီး ဘာသိဘာသာပင် အိပ်တန်းတက်ခဲ့၏။ ဒီတစ်ခါတော့ ဆွန်းလေး လည်သွားပါပြီ။
आप पढ़ रहे हैं
~•𝖧𝖮𝖬𝖤•~
रोमांस▪𝙹𝚒𝚔𝚘𝚘𝚔 𝙺𝚘𝚘𝚔𝚖𝚒𝚗 ▪𝙾𝚠𝚗 𝚌𝚛𝚎𝚊𝚝𝚒𝚘𝚗 ▪𝙽𝚘𝚛𝚖𝚊𝚕 𝚏𝚒𝚌𝚝𝚒𝚘𝚗 𝚂𝚝𝚊𝚛𝚝𝚎𝚍 𝚒𝚗-２２.７.２０２１ 𝙴𝚗𝚍𝚎𝚍 𝚒𝚗- １３.１０.２０２１ 🔹６𝚝𝚑 𝚌𝚘𝚖𝚙𝚕𝚎𝚝𝚎𝚍 𝚏𝚒𝚌𝚝𝚒𝚘𝚗🔹 🌺𝚁𝚎𝚊𝚍 𝙵𝚘𝚛 𝙵𝚞𝚗🌺 #𝙵𝚒𝚌 𝚌𝚘𝚟𝚎𝚛 𝚋𝚢 𝙸𝚟𝚘𝚗𝚎 #�...
